Վերա Մերկուրևա

Վիքիպեդիայից՝ ազատ հանրագիտարանից
Jump to navigation Jump to search
Վերա Մերկուրևա
Ծնվել էսեպտեմբերի 5 (17), 1876
ԾննդավայրՎլադիկավկազ, Ռուսական կայսրություն
Վախճանվել էմարտի 20, 1943(1943-03-20) (66 տարեկանում)
Վախճանի վայրՏաշքենդ, ԽՍՀՄ
Գրական անունКассандра[1]
Մասնագիտությունբանաստեղծ, թարգմանիչ և գրող
Լեզուռուսերեն
ՔաղաքացիությունFlag of the Soviet Union (1924–1955).svg ԽՍՀՄ

Վերա Ալեքսանդրովնա Մերկուրևա (ռուս.՝ Вера Александровна Меркурьева, սեպտեմբերի 5 (17), 1876, Վլադիկավկազ, Ռուսական կայսրություն - մարտի 20, 1943(1943-03-20), Տաշքենդ, ԽՍՀՄ), ռուս բանաստեղծուհի և թարգմանչուհի:

Կենսագրություն[խմբագրել | խմբագրել կոդը]

Վերա Մերկուրևան ծնվել է հողաշինարարի ընտանիքում: 1895 թվականին ավարտել է Վլադիկավկազի կանանց գիմնազիան: Մանկությունից տառապել է խլությամբ և սրտի աշխատանքի խանգարումներով: Պոեզիայով լրջորեն սկսել է զբաղվել հասուն տարիքում, երբ արդեն քառասունն անց էր: 1912-1917 թվականներին հրատարակվել է ««Աստվածային իմաստնություն» տեղեկատու» ամսագրում: 1917 թվականին տեղափոխվել է Մոսկվա, մտերմացել Վյաչեսլավ Իվանովի և սիմվոլիստների շրջանակի հետ, հրատարակել է բանաստեղծություններ սիմվոլիստական ամսագրերում և ալմանախներում: 1920 թվականին վերադարձել է Վլադիկավկազ, որտեղ ապրել է մինչև 1932 թվականը, այնուհետև նորից տեղափոխվել Մոսկվա:

Մերկուրևայի կենդանության օրոք 1937 թվականին տպագրված միակ գիրքը Պերսի Բիշի Շելլիից թարգմանությունների ժողովածուն է: Մոսկվայում նա ապրել է ծայրահեղ աղքատ պայմաններում: Պատերազմի ժամանակ էվակուացիայի է ենթարկվել Տաշքենդ, որտեղ էլ մահացել է 1943 թվականի մարտին: Թաղված է Տաշքենդի Բոտկին փողոցի գերեզմանոցում Ելիզավետա Դմիտրիևայի (Չերուբինա դե Գաբրիակ) շիրիմի հարևանությամբ: Երկուսի գերեզմաններն էլ մինչև մեր օրերը չեն պահպանվել:

Մերկուրևայի կենդանության օրոք նրա ընկերները մի քանի անգամ փորձել են հրատարակել Մերկուրևայի բանաստեղծությունների ժողովածուն, սակայն նրան այդպես էլ չհաջողվեց տեսնել իր գիրքը: Առաջին անգամ Վերա Մերկուրևայի բանաստեղծական ժառանգությունը լույս է տեսել միայն 2007 թվականին[2]:

Ծանոթագրություններ[խմբագրել | խմբագրել կոդը]

  1. Меркурьева, Вера Александровна // Писатели современной эпохи: Био-библиографический словарь русских писателей XX века / под ред. Б. П. КозьминМ.: 1928. — Т. 1. — С. 183. — 287 с.
  2. Меркурьева В. Тщета: собрание стихотворений / Составление, подготовка текста и примечания В. А. Резвого. М.: Водолей Publishers, 2007. ISBN 978-5-902312-34-5

Գրականություն[խմբագրել | խմբագրել կոդը]

  • Гаспаров, Михаил Леонович, Вера Меркурьева (1876—1943) Стихи и жизнь// Лица. Биографический альманах. Вып. 5. М.-СПб., 1994. С. 65.

Արտաքին հղումներ[խմբագրել | խմբագրել կոդը]