Վերականգնվող ռեսուրսներ

Վիքիպեդիայից՝ ազատ հանրագիտարանից
Արևա-քամային էներգոկայն

Վերականգնվող ռեսուրսներբնական ռեսուրսներ, որոնց պաշարները վերականգնվում են ավելի արագ քան օգտագործվում են, կախված չեն նրանից օգտագործվում են դրանք, թե ոչ։ Դա բավականին տարածված սահմանում է և հաճախ վերականգնվող ռեսուրսներ հասկացության մեջ ներառում են ոչ այնքան այն, ինչ նշանակվում է այդ բառակապակցությաունը։ Տերմինը գործածության մեջ մտցվել որպես «չվերականգնվող ռեսուրսներ» հասկացության հակադրում (ռեսուրսներ, որոնց պաշարները կարող են սպառվել մոտակա ժամանակներում օգտագործման գոյություն ունեցող տեմպերի պայմաններում): Շատ ռեսուրսներ, որոնք վերաբերվում են վերականգնվողներին, իրականում չեն վերականգնվում և երբևէ սպառվելու են։ Որպես օրինակ կարելի է բերել արևային էներգիան։ Մյուս կողմից, տեխնոլոգիայի բավականին զարգացման դեպքում, շատ ռեսուրսներ, որոնք համարվում են չվերականգնվող կարող են վերականգնվել։ Օրինակ, մետաղները կարելի օգտագործել կրկնակի, հետազատություններ են տարվում պլաստիկի վերանշակման ուղղությամբ։

Ժամանակակից համաշխարհային պրակտիկայում էներգիայի վերականգվող աղբյուրներին են վերագրում` հիդրո, արևային, քամու, հիդրավլիկ էներգիաները, ծովային ուղղությունների էներգիան, ծովային ջրի ջերմաստիճանի սահմանը, օդային մասայի և օվկիանոսի ջերմաստիճանների միջև տարբերությունները, երկրի տաքությունը, կենդանական բուսկան և կենցաղային ծագման բիոմասսան։ Գոյություն ունեն տարբեր կարծիքներ, թե ռեսուրսների որ տեսակին պետք է դասել միջուկային վառելիքը։ Միջուկային վառելիքի պաշարները նրա օգտագործման համեմատ ահռելի է, այն կարող է բավարարել հազարավոր տարիներ։ Չնայած դրան` այն հիմնականում դասում է չվերականգնվող ռեսուրսներին։ Դրա համար փաստ է հանդիսանում էկոլոգիայի նկատմամբ բարձր ռիսկը, որը կապված է միջուկային էներգիայի օգտագործման հետ։