Վարդուհի Մինասյան
- Վիքիպեդիայում կան հոդվածներ Մինասյան ազգանունով այլ մարդկանց մասին։
| Վարդուհի Մինասյան | |
|---|---|
.jpg) | |
| Հիմնական տվյալներ | |
| Ծնվել է | մարտի 25, 1969 (55 տարեկան) Լենինական, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | դիրիժոր, դաշնակահարուհի և կոնցերտմայստեր |
| Գործիքներ | դաշնամուր |
| Աշխատավայր | Հայաստանի ազգային ֆիլհարմոնիկ նվագախումբ |
| Կրթություն | Երևանի Կոմիտասի անվան պետական կոնսերվատորիա |
 Vardouhi Minassian Վիքիպահեստում | |
Վարդուհի Վարդգեսի Մինասյան (մարտի 25, 1969, Լենինական, Հայկական ԽՍՀ, ԽՍՀՄ), հայ դիրիժոր, դաշնակահարուհի, կոնցերտմայստեր։
Կենսագրություն[խմբագրել | խմբագրել կոդը]
Վարդուհի Մինասյանը ծնվել է Գյումրիում։ Ավարտել է Գյումրիի երաժշտական ուսումնարանը։ Սովորել և ավարտել է Երևանի Կոմիտասի անվան պետական կոնսերվատորիայի դաշնամուրային (Ալեքսանդր Յոլչյանի և Ռոզա Թանդիլյանի ղեկավարությամբ), միաժամանակ՝ դիրիժորական բաժինը (Յուրի Դավթյանի դասարան), այնուհետև սովորել է նույն կոնսերվատորիայի ասպիրանտուրայում։ Զուգահեռաբար աշակերտել է Արթուր Ադամյանին (երգեհոն) և պրոֆեսոր Էդվարդ Միրզոյանին (կոմպոզիցիա)։ Ավարտելուց հետո կոնսերվատորիայում աշխատել է որպես դասախոս[1]։ Երկար տարիներ աշխատել է Հայաստանի պետական ֆիլհարմոնիկ նվագախմբում որպես դիրիժորի ասիստենտ, ապա դիրիժոր, նաև դաշնակահար։ Ղեկավարել է Գյումրիի պետական սիմֆոնիկ նվագախումը, Չայկովսկու և Սայաթ-Նովայի անվան երաժշտական դպրոցների (2005-2007) մանկապատանեկան կոլեկտիվները, Երևանի մենակատարների սիմֆոնիկ նվագախումը։ 1997-1998 թվականներին եղել է Երևանի սիմֆոնիկ նվագախմբի դիրիժորի ասիստենտ, 1998 թվականից՝ Հայաստանի պետական ֆիլհարմոնիկ նվագախմբի (այժմ՝ Հայաստանի ազգային ֆիլհարմոնիկ նվագախումբ) դիրիժորի ասիստենտ։ 1998-2015 թվականներին դասավանդել է Երևանի Կոմիտասի անվան պետական կոնսերվատորիայի կամերային անսամբլի բաժնում, 2015 թվականին ստացել է Երևանի պետական կոնսերվատորիայի դոցենտի գիտական կոչում երաժշտական արվեստ մասնագիտությամբ։ Իբրև դիրիժորի ասիստենտ և դաշնակահար-կոնցերտմայստեր՝ մասնակցել է Հայաստանի ազգային ֆիլհարմոնիկ նվագախմբի նախաձեռնած օպերային ներկայացումների համերգային ցուցադրմանը և օրատորիալ գործերի կատարմանը։ Պատրաստել է տարբեր դերերգեր հայազգի և օտարերկրացի օպերային երգիչների հետ[2][3]։ Որպես դիրիժոր և դաշնակահար, ակտիվ մասնակցություն ունի ՀԱՖՆ Նոր կամերատա (ստեղծվել է 2008 թվականին) անսամբլի գործունեության մեջ։
Անձնական կյանք[խմբագրել | խմբագրել կոդը]
- Ամուսին՝ Հովհաննես Պապիկյան, Հայաստանի ազգային ֆիլհարմոնիկ նվագախմբի հոբոյահար[2]։ Ունեն երկու որդի։ Ավագ որդին՝ Վարդան Պապիկյանը, տրոմբոնահար է։
Ծանոթագրություններ[խմբագրել | խմբագրել կոդը]
- ↑ «Լավ գործ». Հայ կին դիրիժոր. Սա տղամարդու մասնագիտություն է
- ↑ 2,0 2,1 «Չերևացող» դիրիժորի աշխատանքի ծանրությունը
- ↑ «ЖЕНЩИНА-ДИРИЖЕР? ДА!». golosarmenii.am. Վերցված է 2018 թ․ հուլիսի 8-ին.