Վասիլ Դոլենկո

Վասիլ Դոլենկո վրաց.՝ ვასილ დოლენკო
Ծնվել է	հունվարի 13, 1902(1902-01-13)
Ծննդավայր	Երևան, Ռուսական կայսրություն
Մահացել է	փետրվարի 8, 1998(1998-02-08) (96 տարեկան)
Մահվան վայր	Մոսկվա, Ռուսաստան
Քաղաքացիություն	Ռուսական կայսրություն և  ԽՍՀՄ
Ազգություն	վրացի
Մասնագիտացում	մոնտաժի ռեժիսոր
Ամուսին	Նելլի Խերխեուլիձե Լարիսա Դիգմելովա
Պարգևներ	Վրացական ԽՍՀ ժողովրդական արտիստ և Վրացական ԽՍՀ արվեստի վաստակավոր գործիչ
IMDb	ID ID 0230943

Վասիլ Դոլենկո (վրաց.՝ ვასილ დოლენკო, հունվարի 13, 1902(1902-01-13), Երևան, Ռուսական կայսրություն - փետրվարի 8, 1998(1998-02-08), Մոսկվա, Ռուսաստան), վրացի ռեժիսոր (մոնտաժի), Վրացական ԽՍՀ ժողովրդական արտիստ (1969), Վրացական ԽՍՀ արվեստի վաստակավոր գործիչ։

Կենսագրություն

Վասիլ Դոլենկոն ծնվել է 1902 թվականի հունվարի 13-ին Երևանում։ Ավարտել է Թիֆլիսի վեցերորդ արական գիմնազիան։

Կինոյի բնագավառում սկսել է աշխատել 1923 թվականին։ Իր առաջին ֆիլմի վրա աշխատել է ռեժիսոր, սցենարիստ Իվան Պերեստիանիի հետ։

1926 թվականին Վասիլ Դոլենկոն նշանակվել է մոնտաժի արտադրամասի ղեկավար, մոնտաժի ռեժիսոր։ «Վրացֆիլմ» կինոստուդիայում աշխատել է 70 տարի։ Մոնտաժել է ավելի քան 200 ֆիլմ, այդ թվում՝ «Էլիսո» (1928), «Արսեն» (1937), «Գեորգի Սաակաձե» (1942-43), «Երդում» (1946), «Քեթո և Կոտե» (1948), «Ճպուռ» (1954), «Մագդանայի Լուրջան» (1955), «Ուրիշի երեխաները» (1958), «Զինվորի հայրը» (1964), «Տնկիներ» (1972), «Առաջին ծիծեռնակ» (1975), «Քո որդին, Երկիր» (1981), «Դոն Կիխոտի ու Սանչոյի կյանքը» (1988) և այլն։

1969 թվականին Վասիլ Դոլենկոն արժանացել է Վրացական ԽՍՀ ժողովրդական արտիստի կոչման։

Աշխատել է մինչև 90 տարեկան հասակը։ 1994 թվականին տեղափոխվել է Մոսկվա՝ երեխաների մոտ։

Վասիլ Դոլենկոն մահացել է 1998 թվականի փետրվարի 8-ին Մոսկվայում։ Թաղված է Մոսկվայի Տրոեկուրովյան գերեզմանատանը։

Ընտանիք

• Հայրը՝ Վասիլ Դոլենկո
• Մայրը՝ Յուլիա Դոլենկո
• Առաջին կինը՝ Նելլի Խերխեուլիձե
• Երկրորդ կինը՝ Լարիսա Դիգմելովա
• Երեխաներ՝ Անատոլի, Մարինա

Արտաքին հղումներ

• Кино: Энциклопедический словарь / Гл. ред. С. И. Юткевич. — М.: Сов. энцикл., 1986. — 637 с. (Источник — электронные каталоги РНБ)
• Ֆիլմագրություն