Վաղարշակ Առուստամյան

Վաղարշակ Առուստամյան
Ծնվել է	1914
Ծննդավայր	Տեղ, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Քաղաքացիություն	Ռուսական կայսրություն և  ԽՍՀՄ
Կրթություն	Հայկական պետական մանկավարժական համալսարան (1939)
Մասնագիտություն	մանկավարժ
Պարգևներ և մրցանակներ	և

Վաղարշակ Շափաղաթի Առուստամյան (1914, Տեղ, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Կենսագրություն

Վաղարշակ Առուստամյանը ծնվել է 1914 թվականին, Գորիսի շրջանի Տեղ գյուղում։ 1931 թվականին ավարտել է մանկավարժական ուսումնարանը, 9 տարի պատմություն է դասավանդել Հալիձոր, Խնձորեսկ, Խնածախ գյուղերի դպրոցներում։ 1939 թվականին ավարտել է Երևանի մանկավարժական ինստիտուտի պատմության ֆակուլտետը։ 1939 թվականին զորակոչվել է Կարմիր բանակ, ծառայել է 417-րդ գնդում Թեոդոսիա քաղաքում։ 1940 թվականին ընտրվում է գնդի կուսբյուրոյի քարտուղար։ 1941 թվականի հունիս-հուլիս ամիսներին մասնակցել է Կերչ-Թեոդոսիա ծովափնյա տարածքների, ապա Օդեսայի պաշտպանությանը։ Վիրավորվել է Կերչի համար մղված մարտերից մեկում։ Ավարտել է Օդեսայի ռազմաքաղաքական կարճատև դասընթացը, նշանակվել 219-րդ դիվիզիայի 710-րդ գնդում վաշտի, հետագայում գումարտակի հրամանատար։ Ավագ լեյտենանտ Վաղարշակ Առուստամյանը մասնակցել է Ստալինգրադում գերմանական զորքերի ջախջախմանը, նրա գումարտակի մասին գրվել է դիվիզիայի մարտական թերթում։ Վորոնեժի մարզի ռազմական գրոհներից մեկում ծանր վիրավորվել է։ Զորացրվել է որպես հաշմանդամ։

Պատերազմից հետո Առուստամյանն աշխատել է դպրոցի տնօրեն և շրջխորհրդի կուլտուրայի բաժնի վարիչ։

Պարգևատրվել է Կարմիր աստղի շքանշանով, «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար», Խիզախության համար և մի քանի մարտական ու հոբելյանական մեդալներով։

Պարգևներ

• «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
• «Կարմիր աստղի» շքանշան
• «Խիզախության համար» շքանշան