Վադի Ռամ

**Համաշխարհային ժառանգություն**
	Վադի Ռամ
արաբ․՝ وادي رم‎‎‎*
ՅՈՒՆԵՍԿՕ-ի համաշխարհային ժառանգություն
	Վադի Ռամ անապատի հորդանանյան համայնապատկեր
Երկիր	Հորդանան
Տիպ	մշակութային, բնական օբյեկտ
Չափանիշներ	iii, v, vii
Ցանկ	ՅՈՒՆԵՍԿՕ֊ի ցանկ
Աշխարհամաս**	Ասիա
	Ընդգրկման պատմություն
Ընդգրկում	2011 թվական (34-րդ նստաշրջան)
	Վադի Ռամ (Հորդանան)
	* Անվանումը պաշտոնական անգլերեն ցանկում; ** Երկրամասը ըստ ՅՈՒՆԵՍԿՕ-ի դասակարգման
	Համաշխարհային ժառանգություն

Վադի Ռամ (արաբ․՝ وادي رم‎‎‎), անվանում են նաև Լուսնի հովիտ, անապատ Հորդանանում՝ նավահանգստային Ակաբա քաղաքից 60 կմ հեռավորության վրա^[1]^[2]։

Զբաղեցնում է քարքարոտ անապատներ և ընդգրկում է 74 180 հեկտար տարածք։ Վադի Ռամ անապատի ամենաբարձր լեռնագագաթը Ում ադ Դամ լեռն է՝ 1830 մետր բարձրության վրա։ Ամբողջ մակերևույթը հարթ չէ՝ զբաղեցնում են ձորեր, բլուրներ և լեռնային վայրեր^[3]։

Վադի Ռամ անապատում են նկարահանվել այնպիսի ֆիլեր, ինչպիսիք են «Լոուրենս Արաբացին», «Փոխակերպվողները», «Կարմիր մոլորակը», «Վերջին օրերը Մարսում», «Մարսեցին» և այլն։

Աշխարհագրություն[խմբագրել | խմբագրել կոդը]

Անապատի տարածքի հիմնական մասը գտնվում է Վադի Ռամի հովտում։ Անապատի ամենաբարձր լեռնագագաթը Ում ադ Դամ լեռն է՝ 1830 մետր բարձրության վրա։ Այն գտնվում է Վադի Ռամ գյուղական բնակավայրից 30 կմ հեռավորության վրա։

Վադի Ռամի անապատից տեսանելի է Կարմիր ծովը և Սաուդյան Արաբիայի սահմանը։ Անապատի տարածքում գտնվող Վադի Ռամ գյուղի բնակիչները բեդվիններն են, որոնք արաբ ոչխարաբույծներ են։

Կլիման չոր անապատային է։ Վադի Ռամ անապատում օդի ջերմաստիճանը միջինում հասնում է 32 աստիճանի։ Կենդանական բազմազանությունների հարցում անապատը աղքատիկ է։

Հիմնականում տարածված են անապատային կենդանիները՝ օձերը, մողեսները և կարիճները։ 2011 թվականին ՅՈւՆԵՍԿՕ-ի Համաշխարհային Ժառանգության 35-րդ նստաշրջանում Վադի Ռամի անապատային տարածքը՝ ազգային պարկի կարգավիճակով ներգրավվել է Հորդանանում ՅՈւՆԵՍԿՕ-ի Համաշխարհային Ժառանգության օբյեկտների ցանկի մեջ։