Սևուկ կտցար

Վիքիպեդիայից՝ ազատ հանրագիտարանից
Jump to navigation Jump to search
Սևուկ կտցար
Գիտական դասակարգում
Թագավորություն կենդանիներ
Ընտանիք մորակտցարներ
Ցեղ Սև կտցար
Լատիներեն անվանում
Tringa ochropus
Հատուկ պահպանություն
Արեալ
պատկեր

  Տարածվածություն

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Սևուկ կտցար (լատ.՝ Tringa ochropus), մորակտցարների ընտանիքի թռչուն։ Նստակյաց է, քիչ տարածված։ Մարմնի երկարությունը 21-24 սմ է, թևերի բացվածքը՝ 57-61 սմ, կենդանի զանգվածը՝ 70-80 գ։ Վերևից մուգ ձիթապտղագույն-կանաչ է, ներքևից՝ սպիտակ, գլխից մինչև կրծքի վերին մասը՝ մուգ խայտերով։ Կտուցից մինչև աչքը տարածվում է սպիտակ շերտ։ Թռչելիս նկատելի են սևավուն մեջքը և թևերը, սպիտակ գոտկատեղը, պոչի 3-4 վառ սև զոլերը։ Ոտքերը մուգ կանաչ Են։ Թաքնված թռչուն է, թաքստոցից դուրս է թռչում հանկարծակի։ Բնակվում է ջրանցքների, ճահճուտների խիտ բուսածածկով քողարկված ափերին։ Սնվում է որդերով, ջրային անողնաշարավորներով։ Բնադրազույգերը ձևավորվում են ապրիլի ընթացքում։ Բույնն անփույթ է՝ աղքատիկ ցամքարով։ Բնադրում է ծառերի վրա կամ գետնին։ Ձվադրում է նաև այլ տեսակների բներում, որտեղ առկա են նաև բնի տիրոջ ձվերը։ Դնում է 39 մմ տրամագծով, բաց ձիթապտղագույն-կանաչ՝ կարմիր - դարչնագույն վրձնախազերով 4 ձու։ Թխսակալում են էգը և արուն՝ մայիսից հունիս՝ 20-22 օր։ Ձագերը բնից դուրս են գալիս 2-3-րդ օրը։ Թռիչքին լավ տիրապետող ձագերը ծնողների հսկողությամբ հանդիպում են հուլիս - օգոստոսին։


Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC BY-SA icon 80x15.png