Սևագլուխ շահրիկ

Վիքիպեդիայից՝ ազատ հանրագիտարանից
Սևագլուխ շահրիկ
Սևագլուխ շահրիկ (արու)
Սևագլուխ շահրիկ (արու)
Սևագլուխ շահրիկ (էգ)
Սևագլուխ շահրիկ (էգ)
Դասակարգում
Ենթատիպ Ողնաշարավորներ (Vertebrata)
Դաս Թռչուններ (Aves)
Կարգ Ճնճղուկազգիներ (Passeriformes)
Ենթակարգ Երգեցիկ թռչուններ (Passeri)
Վերնաընտանիք Sylvioidea
Ընտանիք Շահրիկներ (Sylviidae)
Ցեղ Շիկահավեր (Sylvia)
Տեսակ Սևագլուխ շահրիկ (S. atricapilla)
Միջազգային անվանում
Sylvia atricapilla
Տարածվածություն և պահպանություն
Հատուկ պահպանության կարգավիճակ՝
Քիչ մտահոգող տեսակ

Տաքսոնի տարածվածությունը
Տաքսոնի տարածվածությունը

Սևագլուխ շահրիկ (Sylvia atricapilla), շահրիկների ընտանիքի թռչուն։ Բնադրող-չվող է, քիչ տարածված։

Cuculus canorus bangsi + Sylvia atricapilla

Արտաքին կառուցվածք[խմբագրել | խմբագրել կոդը]

Մարմնի երկարությունը 13 սմ է, թևերի բացվածքը՝ 20-23 սմ, կենդանի զանգվածը՝ 18-21 գ։ Փետրածածկը մոխրավուն է՝ բավականաչափ միատարր, գագաթը՝ մուգ։ Հասուն արուի թասակը մուգ սև է, փայլուն, էգինը՝ շիկակարմիր-դարչնագույն։ Երիտասարդ արուի գագաթը խամրած է, սև-դարչնագույնից դեղնավուն-դարչնագույն, մարմինը ներքևից՝ ավելի մուգ մոխրագույն։

Կենսակերպ[խմբագրել | խմբագրել կոդը]

Բնակվում է սաղարթավոր անտառների խիտ թփուտային հատվածներում, պտղատու այգիներում, չուի ընթացքում լայնորեն տարածված է։

Սննդառություն[խմբագրել | խմբագրել կոդը]

Սնվում է մանր անողնաշարավորներով, պտուղներով։

Բնադրում[խմբագրել | խմբագրել կոդը]

Գարնանային ամենավաղ վերադարձը՝ մարտի 2-րդ տասնօրյակում, ամսվա վերջին հանդիպում են բազմաթիվ ակտիվ երգող և հարսանեկան զույգեր կազմած արուներ։ Արուն երգում է բարձր սրնգային ելևէջներով, ինչը կրկնակի բնադրման դեպքում լսելի է մինչև հուլիսի առաջին օրերը։ Այդ ընթացքում արուն ծառի ճյուղին, էգի առջև փետուրները փքելով, կտրուկ խոնարհման շարժումներ է կատարում, ապա ցածր երգելով ու դոփելով պտտվում էգի շուրջն ու մերձենում։ Ձվադրման պատրաստ բները հայտնվում են մայիսի կեսից, ավելի վաղ բնադրման դեպքում՝ նույնիսկ ապրիլի 1-ին օրերին։ Բույնը գավաթաձև է (տրամագիծը՝ 70-119 մմ)՝ բարակ ցողուններից, մազարմատներից ու բույսերից։ Բնադրում է թփուտներում։ Առաջին ձվերը բներում հայտնվում են ապրիլի վերջից մայիսի կեսերը, կրկնակի բնադրման դեպքում՝ մինչև հուլիսի 1-ին կեսը։ Դնում է 20 մմ տրամագծով, փոփոխական գույներով ու նախշերով 4-6 ձու։ Թխսակալում են էգը և արուն՝ 13-14 օր։ Ձագերը հայտնվում են մայիսի վերջից հուլիսին, բնից դուրս են գալիս 11-12-րդ օրը։ Շահրիկի համակեցությունը լայն է, կայուն։ Աշնանային չուն՝ սեպտեմբերի վերջին օրերին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։