Սֆաելոյի տուն (Տագանրոգ)
 | |
|---|---|
| Տեսակ | տեսարժան վայր |
| Երկիր |  Ռուսաստան |
| Տեղագրություն | Տագանրոգ |
 | |
 | |
Սֆաելոյի տուն (ռուս.՝ Дом Сфаэло), շենք Ռուսաստանի Դաշնության Ռոստովի մարզի Տագանրոգ քաղաքի Պետրոսի փողոց, 67 հասցեում[1], որը կառուցվել է 19-րդ դարի երկրորդ կեսին[2]։
Պատմություն[խմբագրել | խմբագրել կոդը]
19-րդ դարի երկրորդ կեսին Տագանրոգ քաղաքի Պետրոսի փողոց, 67 հասցեում հայտնվել է տուն, որը կառուցվել է 1862 թվականին արված գծագրերով։ Այս անշարժ գույքի առաջին սեփականատերը եղել է Տրետյակովա ազգանվամբ մի կին[2]։
1873-1880 թվականներին տունը պատկանել է I գիլդիայի[2] վաճառական[1] Անտոն Եվստաֆևիչ Սֆաելոյին[1]։ Նա ծնվել է վաճառականի ընտանիքում։ Նրա ծնողները եղել են Եվստաֆի Անտոնովիչը և Ֆոտինա Կոնստանտինովնան։ Բացի Անտոնից, ընտանիքում կային ևս մի քանի երեխաներ` Նիկոլայը, Աննան և Կոնստանտինը։ 1886 թվականին Անտոն Եվստաֆևիչը պսակվել է Ագլայա Դիոնիսովնա Դալապորտեի հետ։ Նրանք ունեցել են մի քանի երեխա` Եվստաֆյա, Իվան, Կոնստանտին, Մարիա, Դիոնիսի, Անդրեյ, Նիկոլայ։ Ենթադրություններ կան, որ Իվան Անտոնովիչը եղել է Դմիտրի Մինաևիչ Սինոդի-Պոպովի զարմիկը, որի ընտանիքին էր պատկանում Հունական փողոց, 84 հասցեի տունը[2]։
1890-1906 թվականներին տունը եղել է հունահպարակի կնոջ` Ագլաիս Սֆաելոյի սեփականությունը, իսկ 1915 թվականին արդեն պատկանել է պատվավոր քաղաքացի Նիկոլայ Իվանովիչ Բարդաշևին[1]։ Նա նաև Տագանրոգում այլ անշարժ գույքի` Պետրոսի փողոց, 11 և Չեխովի փողոց, 88 տների սեփականատեր էր[2]։
Տան վերևի հարկում ապրել է[1] (այլ տվյալներով` պար է ուսուցանել) պարուսույց Ջորջինիո Վրոնդին[2]։ Նրա մոտ պարապում էին քաղաքի երիտասարդներն ու մարմնամարզիկները։ Իտալացին Տագանրոգում սկզբում հայտնի էր Ժերժետի ստեղծագործական կեղծանունով[1]։ Տագանրոգ Վրոնդին ժամանել է իտալական օպերայի կազմում, իր կարիերայի ընթացքում ճանապարհ է անցել բեմի ռեկվիզիտորից մինչև բալետմայստեր։ Արդյունքում նա բացել է սեփական պարային դասարաններ, և նրա աշակերտներից է եղել գրող Անտոն Պավլովիչ Չեխովը։ Վրոնդին ամուսնացել է ռուս աղջկա հետ և փոխել անունը` դառնալով Եգոր Սեմյոնովիչ[1]։ Կամավոր հիմունքներով նա աշխատել է քաղաքի հրշեջ ջոկատում։ Վրոնդին ամուսնացած է եղել երկու անգամ։
Մինչև 1917 թվականի հեղափոխությունը Պետրոսի փողոց, 67 տան պատին փակցված է եղել «Прокат пьянина и раялина» («Դաշնամուրների վարձույթ») մակագրությունը, որը չի պահպանվել։ Նաև այս տան առաջին հարկում աշխատել են մերսող Ա. Ռովինսկին և մեծադիր լուսանկարների մասնագետ Վ. Վիտչենկոն[2]։
21-րդ դարում տունը զբաղեցնում է «Գլոբալ Էլեկտրոնիքս» խանութը[1]։