Ստանիսլավ Զաս

Վիքիպեդիայից՝ ազատ հանրագիտարանից
Jump to navigation Jump to search
Ստանիսլավ Զաս
Stanislav Zas (2020).jpg
 
Կրթություն՝ Սուվորովի անվան Մինսկի ռազմական ուսումնարանը (1981), Բաքվի բարձրագույն համազորային հրամանատարական ուսումնարան (1985), Բելառուսի ռազմական ակադեմիա (1996) և ՌԴ ԶՈւ Գլխավոր շտաբի զինվորական ակադեմիա (2005)
Գիտական աստիճան՝ Ռազմական գիտությունների թեկնածու
Մասնագիտություն՝ զորավար
Ծննդյան օր օգոստոսի 18, 1964(1964-08-18) (57 տարեկան)
Ծննդավայր Չեռնիգովի մարզ, Ուկրաինական ԽՍՀ, ԽՍՀՄ
 
Պարգևներ
Հայրենիքի III աստիճանի շքանշան, Medal for Impeccable Service 1st Class, Medal for Impeccable Service 2nd Class և Medal for Impeccable Service 3rd Class

Ստանիսլավ Վասիլևիչ Զաս (օգոստոսի 18, 1964(1964-08-18), Չեռնիգովի մարզ, Ուկրաինական ԽՍՀ, ԽՍՀՄ), բելառուս զինվորական և պետական գործիչ։ 2020 թվականից ՀԱՊԿ գլխավոր քարտուղարն է։ Բելառուսի Հանրապետության անվտանգության խորհրդի գլխավոր քարտուղար (2015–2020), գիտությունների թեկնածու (2000), գեներալ-լեյտենանտ (2016)։

Կենսագրություն[խմբագրել | խմբագրել կոդը]

1981 թվականին ավարտել է Սուվորովի անվան Մինսկի ռազմական ուսումնարանը[1]։ 1985 թվականին գերազանցությամբ ավարտել է Բաքվի բարձրագույն համազորային հրամանատարական ուսումնարանը։ 1996 թվականին գերազանցությամբ և ոսկե մեդալով ավարտել է Բելառուսի Հանրապետության ռազմական ակադեմիան, իսկ 2005 թվականին կրկին գերազանցությամբ և ոսկե մեդալով ավարտել է Ռուսաստանի Դաշնության զինված ուժերի գլխավոր շտաբի ռազմական ակադեմիան։

Ծառայության է անցել ԽՍՀՄ Զինված ուժերում մոտոհրաձգային դասակի հրամանատարի, այնուհետև առանձին հետախուզական դասակի հրամանատարի, մոտոհրաձգային վաշտի հրամանատարի, պարետային վաշտի հրամանատարի և գումարտակի հրամանատարի տեղակալի պաշտոններում։ Բելառուսի Հանրապետության Զինված ուժերի կազմում եղել է Բելառուսի Հանրապետության Զինված ուժերի գլխավոր շտաբի ռազմական շինարարության վարչության բաժնի պետ, նաև զբաղեցրել է Բելառուսի Հանրապետության Զինված ուժերի գլխավոր շտաբի գլխավոր ուղղության ղեկավարի տեղակալ — Բելառուսի Հանրապետության Զինված ուժերի գլխավոր շտաբի գլխավոր օպերատիվ ուղղության առաջին ուղղության ղեկավար։

2008 թվականի օգոստոսի 29-ին Բելառուսի Հանրապետության նախագահի հրամանով նշանավել է Բելառուսի Հանրապետության անվտանգության խորհրդի քարտուղարի տեղակալ։

2015 թվականի հուլիսի 1-ից երկրի նախագահի հրամանով կատարել է Անվտանգության խորհրդի քարտուղարի պարտականությունները։ 2015 թվականի նոյեմբերի 4-ին նշանակվել է Անվտանգության խորհրդի քարտուղարի պաշտոնում[2]։ Այս պաշտոնից ազատվել է 2020 թվականի հունվարի 3-ին։

2016 թվականին շնորհվել է գեներալ-լեյտենանտի զինվորական կոչում։

2018 թվականի դեկտեմբերին ՀԱՊԿ Գլխավոր քարտուղարի պաշտոնի համար դրվեց Ստանիսլավ Զասի թեքնածությունը[3]։ 2020 թվականի հունվարի 1-ին Զասը 3 տարի ժամկետով նշանակվեց ՀԱՊԿ Գլխավոր քարտուղար։

Կինը՝ Ինեսա Նիկոլայի Զասը (ծնվ. 1963) բանասեր և պատմագետ է, ինչպես նաև օտար լեզուների ֆակուլտետի դասախոս է Մաքսիմ Տանկի անվան Բելառուսի պետական մանկավարժական համալսարանում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]