Բելառուսի Մաքսիմ Տանկի անվան պետական մանկավարժական համալսարան

Բելառուսի Մաքսիմ Տանկի անվան պետական մանկավարժական համալսարան; Беларускі дзяржаўны пэдагагічны ўнівэрсытэт імя Максіма Танка
Տեսակ	համալսարան
Հիմնադրված է	1914
Անվանված է	Մաքսիմ Տանկ
Ռեկտոր	Q39394478?
Երկիր	Բելառուս
Տեղագրություն	Մինսկ
Պարգևներ
Կայք	bspu.by
	Belarusian State Pedagogical University Վիքիպահեստում

Բելառուսի Մաքսիմ Տանկի անվան պետական մանկավարժական համալսարան (բելառուս․՝ Беларускі дзяржаўны педагагічны ўніверсітэт імя Максіма Танка), բարձրագույն ուսումնական հաստատություն Մինսկում։

Պատմություն

1914 թվականի հունիսի 22-ին Ռուսաստանի կայսրության կրթության նախարար Լև Արիստիդովիչ Կասոյի հրամանով հիմնադրվել է Մինսկի ուսուցչական ինստիտուտը, որի հանդիսավոր բացումը տեղի է ունեցել նույն թվականի նոյեմբերի 21-ին։

1918 թվականի մայիսին համառուսական կոնգրեսի պատվիրակների որոշմամբ ուսուցիչների Մինսկի ուսուցչական ինստիտուտը վերածվել է բարձրագույն մանկավարժական քառամյա ուսումնական հաստատության։ 1920-1921 թվականներին ուսուցչական հաստատությունների բարեփոխումների արդյունքում ստեղծվել է նոր տիպի մանկավարժական ուսումնական հաստատություն, որն ապահովում էր դասընթացներ ոչ միայն ուսուցիչների, այլև նախադպրոցական և դպրոցից հետո աշխատողների համար։ Ուսուցչական ինստիտուտը ստանում է նոր անունը՝ Մինսկի ժողովրդական կրթության ինստիտուտ։ 1921 թվականի սեպտեմբերի 23-ին Մինսկի ժողովրդական կրթության ինստիտուտը վերափոխվում է Բելառուսի պետական համալսարանի մանկավարժական ֆակուլտետի։ 1928-1931 թվականներին Բելառուսի պետական համալսարանին կից կառուցվել է ուսանողական կամպուսը, որտեղ մանկավարժական ֆակուլտետին հատկացվել է 4 մասնաշենք, 2 գրադարան, ինչպես նաև 300 տեղից բաղկացած հանրակացարան։ 1931 թվականի հուլիսի 28-ին ԲԽՍՀ ժողովրդական կոմիսարների խորհրդի որոշմամբ Բելառուսի պետական համալսարանի մանկավարժական ֆակուլտետը վերակազմավորվել է որպես անկախ գործող Բելառուսի պետական բարձրագույն մանկավարժական ինստիտուտ։

1936 թվականին ինստիտուտը կոչվել է Մաքսիմ Գորկու անունով։ 1948 թվականին Միսկի պետական մանկավարժական ինստիտուտի օտար լեզուների ֆակուլտետի հիման վրա ստեղծվում է Մինսկի պետական մանկավարժական օտար լեզուների ինստիտուտը, 1975 թվականին ինստիտուտի գրադարանային ֆակուլտետի հիման վրա ստեղծվում է Մինսկի մշակույթի ինստիտուտը։ 1993 թվականի սեպտեմբերի 8-ին Գորկու անվան Մինսկի պետական մանկավարժական ինստիտուտը վերակազմավորվել է Բելառուսի պետական մանկավարժական համալսարանի։

1991 թվականին բացվել է ինստիտուտի թանգարանը։ 1995 թվականին ինստիտուտն անվանակոչվել է բելառուս բանաստեղծ, ԲԽՍՀ ժողովրդական բանաստեղծ Մաքսիմ Տանկի անունով։

2007 թվականին համալսարանը դարձել է Համալսարանների եվրասիական ընկերակցության անդամ։