Սվինեսունդի կամուրջ

Սվինեսունդի կամուրջ;
Անունով	Svinesund?
Երկիր	Շվեդիա և Նորվեգիա
Տեղանք	Strömstad Municipality? և Հալդեն
Տեսակ	through arch bridge? և երթևեկելի կամարավոր կամուրջ
Նյութ	բետոն
Հատում է	Iddefjorden?
Երկարություն	704 մետր
Լայնություն	28 մետր
Բացման տարեթիվ	հունիսի 10, 2005

Սվինեսունդի կամուրջ (նորվ.՝ Svinesundsbrua), կամուրջ Շվեդիայի և Նորվեգիայի սահմանին՝ Սվինեսունդ ծոցի Իդլե ֆյորդի վրայով։ Կամուրջը Е06 ավտոճանապարհի մաս է կազմում։ Կամրջի կառուցումից հետո այն դարձել է Շվեդիայի և Նորվեգիայի սահմանագծի ամենաարևմտյան անցակետը։ Ներկայումս կամրջով օրական անցնում է մոտ 15.000 ավտոմեքենա։

Պատմություն[խմբագրել | խմբագրել կոդը]

Նախկինում երկու երկրների միջև հաղորդակցությունն իրականացվում էր Սվինեսունդի հին կամրջով, որը կառուցվել էր 1946 թվականին։ Նոր կամրջի կառուցման անհրաժեշտությունը ծագել է ավտոմեքենաների հոսքի մեծացման պահանջով։

Կամուրջը նախագծել է նորվեգական «Lund & Slaatto Arkitekter» ընկերությունը շվեդական ազգային ավտոճանապարհային վարչության պատվերով։

Կամուրջը կառուցվել է 2003-2005 թվականներին։ Կամրջի բացումը տեղի է ունեցել 2005 թվականի հուլիսի 10-ին։ Բացման արարողությանը, որը համընկել է Նորվեգիայի անկախության 100-ամյա հոբելյանին, ներկա են գտնվել Նորվեգիայի արքա Հարալդ V-ը և Շվեդիայի արքա Կառլ XVI Գուստաֆը։ Երկու միապետները հանդիպել են նոր կամրջի մեջտեղում՝ որպես երկու երկրների բարեկամության նշան^[2]։

Կամրջի կառուցման ծախսերը Շվեդիան և Նորվեգիան բաժանել են 40:60 հարաբերությամբ։ Կամրջի ընդհանուր արժեքը կազմել է 60 միլիոն եվրո, շահագործման ժամկետը 20 տարի է։ Կամրջով անցումը վճարովի է։ Արժեքը կազմում է մարդատար ավտոմեքենաների համար 20 նորվեգական կրոն, 3.5 տ և ավելի քաշով մեքենաների համար՝ 100 կրոն, իսկ մոտոցիկլետների և մոպեդների համար անցումն անվճար է^[3]։

Կամրջի կոնստրուկցիան[խմբագրել | խմբագրել կոդը]

Թռիչքաձև կառույցը մետաղական երկու հենարան է ներկայացնում, որը հենվում է երկաթբետոնե կամարին՝ ֆյորդի հետ կազմելով 60-մետրանոց աղեղ։ Կամրջի ստորին հատվածը՝ 55×70 մ չափերով, ապահովում է ստանդարտ չափերի նավերի անցումը։ Կամրջային 4 հենարան է կառուցված շվեդական և 1 հենարան նորվեգական ափին։

Կամրջի կամարն ունի 1150 մ թեքության աստիճան, իսկ կենտրոնական թռիչքը 247.3 մ է։ Կամարի պատերի հաստությունը տատանվում է մեկ մետրից մինչև 0.4 մ։ Մետաղական ամրանների քաշը տատանվում է 100-150 կգ/մ³, բետոնի քաշը կենտրոնում 400 կգ/մ³ է, իսկ կամարի լայնությունը այդ հատվածում հասնում է 5 մ-ի^[4]։

Կամրջի երկեւ հենարանները հենվում են ժեռուտ հիմքին, և միայն շվեդական կողմի մեկ հենարանը հենվում է ցցահենարանային հիմքին։ Դրանք կառուցված են 20 մետր երկարությամբ երկաթբետոնե ցցահենարանից, որը արտաքինից պատված է 60 մմ հաստությամբ բետոնով։ Կամրջի կոնաձև հենարանները՝ 7,9×2,9 մ չափերով, ունեն 1.8% թեքություն։ Նրանց բարձրությունը 10.6-47 մ է։

Կամրջի շինարարությունը[խմբագրել | խմբագրել կոդը]

Շինարարական աշխատանքները հիմնականում իրականացրել է գերմանական Bilfinger Berger ընկերությունը^[5]։ Կամարի բետոնապատման աշխատանքներն իրականացրել է ավստրիական Doka ընկերությունը, որը հատուկ այս կամրջի համար նախատեսված մեխանիզմ է օգտագործել։ Բետոնապատման աշխատանքները կամարի կոնաձև թեքության պատճառով ընթացել են 5.5 մ հատվածներով։

Ամեն հատված պատվել է 50-100 մ³ բարձրորակ բետոնով (շվեդական ստանդարտով՝ К70, գերմանական ստանդարտով՝ В75), որը տեղ է հասցվել հատուկ ամբարձիչ մեքենաներով։ Չնայած ցածր ջերմաստիճաններին (մոտ՝ −20 °C)՝ աշխատանքները չեն դադարել անգամ ձմռանը, քանի որ բետոնի զանգվածը տաքացվում էր մինչև +15 °C:

704 մ երկարությամբ հենասյուների համար պահանջվել է 7.500 տ մետաղ։ Դրանք մատակարարվել են Ռոստոկ քաղաքից 26 մ երկարությամբ և 85 տ քաշով հատվածներով՝ տեղ հասցվելով հատուկ ավտոտրանսպորտով։ Հենասյուների մոնտաժումն իրականացվել է հատվածաբար։