Սպիտակ խաչ վանք

Վիքիպեդիայից՝ ազատ հանրագիտարանից
Jump to navigation Jump to search
Սպիտակ խաչ վանք
ադրբ.՝ Ağ xaç kilsəsi
Hadruth, Spitak Khach (White Cross) church - panoramio.jpg
Հիմնական տվյալներ
Տեսակվանք
ԵրկիրԱդրբեջան Ադրբեջան
ՏեղագրությունՄարտունու շրջան
ԴավանանքՀայաստանեայց Առաքելական Եկեղեցի

Սպիտակ խաչ վանք, հայկական հուշարձան, որը գտնվում է Հադրութից հարավ՝ Վանք գյուղի բլրի վրա[1]։ Գյուղի անունը կապված է վանքին մոտ լինելու հետ։

Վանքի ստեղծման ամսաթիվը հայտնի չէ, ամենաուշ կառույցը թվագրում են 14-րդ դարով, քանի որ այդ մասին են վկայում նրա մասերից շատերը։ Վանքը կամ միայն նախասրահը՝ տիմպանի (նկարազարդ կամ քանդակազարդ ճակատամաս) գրառումների հիման վրա, վերանորոգվել է 1735 թվականին։

Վանքի երկարությունը նախասրահի հետ միասին կազմում է 15,75 մ, լայնությունը՝ 7,1մ։ Հուշարձանը իրենից ներկայացնում է փոքր գմբեթավոր շենք՝ 6 սյուներից ու բրգանման տանիքից բաղկացած։ Զանգակատից արևմուտք դրված է քանդակազարդ խաչքար, որն ունի ավելի քան 2,5 մետր բարձրություն։

Վանքի շուրջը կա գերեզմանատուն, որտեղ որոշ դամբարանային քարերի վրա արտահայտված են որսի, հողագործության, ցանքի և մարտերի տեսարաններ։ Գերեզմանատանը մնացել է կիսաքանդ շենք, որը կառուցվել է 1735 թվականին և որոշ ժամանակ ուխտավորների համար ապաստարան է ծառայել։ Հուշարձանի տարածքում կան վանական խցեր, որոնք ունեն ընդհանուր մուտք։

Ծանոթագրություններ[խմբագրել | խմբագրել կոդը]

  1. «Monuments - Հուշարձաններ»։ www.monuments.nkr.am։ Վերցված է 2019-03-27 (չաշխատող հղում)

Գրականություն[խմբագրել | խմբագրել կոդը]

  • Мкртчян Шаген Макичович Историко-архитектурные памятники Нагорного Карабаха. — Ереван: Айастан, 1988. — С. 360. — 25 000 экз. — ISBN —5—540—00402—7