Եյլի համալսարանի հրատարակչություն
Յեյլի համալսարանի հրատարակչություն անգլ.՝ Yale University Press | |
|---|---|
 Յեյլի մամուլի պատկերանշանը | |
| Տեսակ | համալսարանական հրատարակչություն և գրահրատարակչություն |
| Անվանված է ի պատիվ | Եյլի համալսարան |
| Հիմնադրված է | 1908 |
| Հիմնադիր | George Parmly Day? |
| Վայր | Նյու Հեյվեն, Կոնեկտիկուտ |
| Երկիր |  ԱՄՆ |
| Սեփականատեր | Եյլի համալսարան |
| Կայք | yalebooks.yale.edu |
| Մասնակից է | Association of American University Presses?[1][2] |
 Yale University Press Վիքիպահեստում | |
Յեյլի համալսարանի հրատարակչություն (անգլ.՝ Yale University Press), Յեյլի համալսարանի համալսարանական հրատարակչությունը։ Այն հիմնադրվել է 1908 թվականին, Բենջամին Դեյի թոռներ՝ Ջորջ Պարմլի Դեյի և Քլարենս Դեյի կողմից, և 1961 թվականին դարձել է Յեյլի համալսարանի դեպարտամենտ, սակայն այն շարունակում է ֆինանսապես և գործառնական ինքնավար մնալ[3][4]։
2020 թվականի դրությամբ Յեյլի համալսարանի հրատարակչությունը տարեկան հրատարակում է մոտավորապես 300 նոր կոշտ կազմով և 150 նոր կազմով գիրք և ունի տպագրված մոտ 5000 գրքերի ցուցակ: Նրա հրատարակած գրքերը արժանացել են հինգ Ազգային գրքի պարգևի, երկու Գրական քննադատների ազգային մրցանակների և ութ Պուլիցերյան մրցանակների[5]:
Հրատարակչությունը գրասենյակներ ունի ԱՄՆ-ի Կոնեկտիկուտ նահանգի Նյու Հեյվեն քաղաքում և Մեծ Բրիտանիայի մայրաքաղաք Լոնդոնում: Յեյլը միակ ամերիկյան համալսարանական հրատարակչությունն է, որն ունի լայնածավալ հրատարակչական գործունեություն Եվրոպայում:
Այն Մասաչուսեթսի տեխնոլոգիական ինստիտուտի հրատարակչության և Հարվարդի համալսարանի հրատարակչության հետ համատեղ հիմնել է «TriLiteral LLC» բաշխիչ ընկերությունը: 2018 թվականին «TriLiteral»-ը վաճառվել է «LSC Communications»-ին[6]:
Շարքեր և հրատարակչական ծրագրեր
.png)
Յեյլի երիտասարդ բանաստեղծների շարք
Իր ստեղծման օրվանից՝ 1919 թվականին, Յեյլի երիտասարդ բանաստեղծների շարքի մրցույթը հրատարակել է նոր բանաստեղծների բանաստեղծությունների առաջին ժողովածուն։ Առաջին հաղթողը Հովարդ Բաքն էր, իսկ 2011 թվականի հաղթողը՝ Քեթրին Լարսոնը։
Յեյլի դրամատիկական շարք
Յեյլի համալսարանի հրատարակչությունը և Յեյլի ռեպերտուարային թատրոնը համատեղ հովանավորում են Յեյլի դրամատիկական շարքը, որը դրամատուրգիական մրցույթ է։ Ամենամյա մրցույթի հաղթողին շնորհվում է 10,000 ԱՄՆ դոլարի չափով Դեյվիդ Չ. Հորնի մրցանակ, նրա ձեռագրի հրատարակումը Յեյլի համալսարանի հրատարակչության կողմից և բեմականացված ընթերցանություն Յեյլի ներկայացուցչությունում: Յեյլի դրամատիկական շարքը և Դեյվիդ Չ. Հորնի մրցանակը ֆինանսավորվում են «Դեյվիդ Չարլզ Հորն» հիմնադրամի կողմից[7]:
Խարիսխ Յեյլի Աստվածաշնչի շարք
2007 թվականին Յեյլի համալսարանի հրատարակչությունը «Doubleday Publishing Group»-ից ձեռք բերեց Խարիսխ Աստվածաշնչի շարքը, որը ավելի քան 115 հատորներից բաղկացած աստվածաշնչային գիտությունների հավաքածու է[8]: Այժմ հրատարակվում են նոր և հին հրատարակություններ՝ Խարիսխ Յեյլի Աստվածաշնչի շարք անունով:
«Ամերիկյան ժողովրդավարության ապագան» շարք
Յեյլի համալսարանի հրատարակչությունը հրատարակում է «Ամերիկյան ժողովրդավարության ապագան» շարքը[9], որը «նպատակ ունի ուսումնասիրել, պահպանել և թարմացնել ամերիկյան ժողովրդավարության պատմական տեսլականը Ամերիկայի որոշ առաջատար մտածողների գրքերի շարքում»՝ համագործակցելով «Ամերիկյան ժողովրդավարության ապագա» հիմնադրամի հետ[10]։
Լամարի շարքը արևմտյան պատմության մեջ
Շարքը (նախկինում Յեյլի Արևմտյան Ամերիկանայի շարքը[11]) ստեղծվել է 1962 թվականին՝ հրատարակելու աշխատություններ, որոնք ուժեղացնում են ամերիկյան Արևմուտքում մարդկային գործերի ըմբռնումը և նպաստում են ավելի լայն հասկացությանը, թե ինչու է Արևմուտքը կարևոր Ամերիկայի քաղաքական, սոցիալական և մշակութային կյանքում[12]:
Ծանոթագրություններ
- ↑ https://aupresses.org/membership/membership-list/
- ↑ https://web.archive.org/web/20240116105626/https://aupresses.org/membership/membership-list/
- ↑ Bradley, George (1998). «Introduction». The Yale Younger Poets Anthology. New Haven and London: Yale University Press. էջ 24. ISBN 9780300074734.
- ↑ «George P. Day, 83, of Yale is Dead». New York Times. 25 October 1959.
- ↑ «Donatich Appointed New Director of Yale University Press» (Press release). Եյլի համալսարան. December 11, 2002. Արխիվացված է օրիգինալից 2007-05-13-ին. Վերցված է 2011-01-25-ին.
- ↑ «LSC Buys TriLiteral; Turner Purchases Gürze Books». PublishersWeekly.com. Վերցված է 2018-07-08-ին.
- ↑ «Yale Drama Series: Prize for Emerging Playwrights». Yale University Press. Արխիվացված է օրիգինալից 2015-03-20-ին.
- ↑ «Yale University Press Acquires Anchor Bible Series from Doubleday». Yale Books Unbound. Yale University Press. 2007-09-25. Արխիվացված է օրիգինալից 2015-04-02-ին. Վերցված է 2017-01-24-ին.
- ↑ «The Future of American Democracy Series». Արխիվացված է օրիգինալից 2015-10-24-ին.
- ↑ «The Future of American Democracy Foundation». Արխիվացված է օրիգինալից 2018-12-23-ին. Վերցված է 2024-02-12-ին.
- ↑ Basbanes, Nicholas A. (2008). «Centennial Highlights». A World of Letters: Yale University Press, 1908-2008. New Haven: Yale University Press. էջ 222. doi:10.12987/9780300142723.
{{cite book}}: More than one of|author=and|last=specified (օգնություն) - ↑ «The Lamar Series in Western History». Արխիվացված է օրիգինալից 2010-06-21-ին.
Արտաքին հղումներ
- Պաշտոնական կայք
- Yale University Press, London
- Yale University Press Records. Yale Collection of American Literature, Beinecke Rare Book and Manuscript Library.
 | Վիքիպահեստն ունի նյութեր, որոնք վերաբերում են «Եյլի համալսարանի հրատարակչություն» հոդվածին։ |
| ||||||||||||
