Դևա Կասել
Դևա Կասել | |
---|---|
Ծնվել է | սեպտեմբերի 12, 2004[1] (19 տարեկան) |
Ծննդավայր | Հռոմ, Լացիո, Իտալիա |
Քաղաքացիություն | Ֆրանսիա և Իտալիա |
Մասնագիտություն | մոդել և կինոդերասանուհի |
Ծնողներ | հայր՝ Վենսան Կասել, մայր՝ Մոնիկա Բելուչի |
Դևա Կասել (ֆր.՝ Deva Cassel, սեպտեմբերի 12, 2004[1], Հռոմ, Լացիո, Իտալիա), ֆրանս-իտալուհի մոդել, հանրային անձ և դերասանուհի։ Կարտիե և Դիոր ապրանքանիշերի դեսպանն է։
Վաղ տարիներ
Դևա Կասելը 90-ական թվականների իտալացի մոդել և համաշխարհային ճանաչման դերասանուհի Մոնիկա Բելուչիի և ֆրանսիացի դերասան Վենսան Կասելի ավագ դուստրն է։ Դևան ծնվել է 2004 թվականի սեպտեմբերի 12-ին Հռոմում, Իտալիա, բայց մեծացել է Փարիզում և Ռիո դե Ժանեյրոյում։ Նա ազատ խոսում է ֆրանսերեն և իտալերեն, ունի կրտսեր քույր Լեոնի անունով (2010)։ 2013 թվականին արդեն Մոնիկան և Վենսանը բաժանվել են։ Մանուկ ժամանակ Դևան շատ է դժգոհել լրատվամիջոցների անհարկի ուշադրության համար, ինչի համար նախատեսել է ոչ հանրային մասնագիտություն ունենալ։ Սակայն 2019 թվականին, լինելով 14 տարեկան, ամեն դեպքում սկսել է իր մոդելային գործունությունը՝ նկարահանվելով Դոլչե և Գաբանայի օծանելիքների շարքի համար։ Դևան խոսում է 5 լեզվով։
Գործունեություն
Որպես մոդել
Կասելը որպես մոդել առաջին անգամ հանդես է եկել Վենետիկում Դոլչե և Գաբանայի 2021 թվականի շոուի ժամանակ՝ գրավելով մեծ ուշադրություն։ Նա նաև եղել է 2021 թվականի հուլիսի «Վոգ Իտալիա» ամսագրի շապիկին մոր՝ Մոնիկա Բելուչիի հետ։ 2022 թվականին մասնակցել է Դոլչե և Գաբանայի գեղեցկության շարքին։ 2024 թվականին եղել է Դիորի գեղեցկության շարքի ներկայացուցիչ։ 2022 թվականին Դևան ավելի հաճախ է հայտնվել նորաձևության ամսագրերի շապիկներին և էջերում, քան մայրը՝ Բելուչին։ Elle France-ը նրան անվանել է «իտալական նորաձևության նոր մուսա»։
Որպես դերասան
Կասելը կինոյում առաջին անգամ խաղացել է հնդկական «Գեղեցիկ ամառը» ֆիլմում, ինչպես նաև հանդես է եկել Նեթֆլիքսի «Ընձառյուծը» սերիալում։