«Ֆերդինանդ Ղազարյան»–ի խմբագրումների տարբերություն
չ մանր-մունր oգտվելով ԱՎԲ |
ավելացվեց Կատեգորիա:ՀՀ ԳԽ 1-ին գումարման պատգամավորներ ՀոթՔաթ գործիքով |
||
| Տող 41. | Տող 41. | ||
[[Կատեգորիա:ԽՄԿԿ անդամներ]] |
[[Կատեգորիա:ԽՄԿԿ անդամներ]] |
||
[[Կատեգորիա:Մանկավարժական գիտությունների թեկնածուներ]] |
[[Կատեգորիա:Մանկավարժական գիտությունների թեկնածուներ]] |
||
[[Կատեգորիա:ՀՀ ԳԽ 1-ին գումարման պատգամավորներ]] |
|||
09:51, 20 հունվարի 2021-ի տարբերակ
| Ֆերդինանդ Ղազարյան | |
| Կուսակցություն՝ | ԽՄԿԿ |
|---|---|
| Գիտական աստիճան՝ | Մանկավարժական գիտությունների թեկնածու |
| Մասնագիտություն՝ | մանկավարժ, պետական գործիչ, քաղաքական գործիչ և հասարակական գործիչ |
| Ծննդյան օր | դեկտեմբերի 16, 1938 |
| Ծննդավայր | Ազատեկ, Ազիզբեկովի շրջան, Հայկական ԽՍՀ, ԽՍՀՄ |
| Վախճանի օր | դեկտեմբերի 26, 1997 (59 տարեկան) |
| Քաղաքացիություն |  ԽՍՀՄ և  Հայաստան
|
Ֆերդինանդ Կարապետի Ղազարյան (դեկտեմբերի 16, 1938, Ազատեկ, Ազիզբեկովի շրջան, Հայկական ԽՍՀ, ԽՍՀՄ - դեկտեմբերի 26, 1997), հայ մանկավարժ, պետական, հասարակական գործիչ: Մանկավարժական գիտությունների թեկնածու:
Կենսագրություն
Ֆերդինանդ Ղազարյանը ծնվել է 1938 թվականի դեկտեմբերի 16-ին Վայքի շրջանի Ազատեկ գյուղում, գյուղացու ընտանիքում: Սովորել է տեղի յոթնամյա դպրոցում, այնուհետև սովորել Զառիթափի միջնակարգ դպրոցի ութերորդ դասարանում, որն ավարտելուց հետո ընդունվել է Գորիսի մանկավարժական ուսումնարան: 1958 թվականին ավարտել է ուսումնարանը և ընդունվել է Երևանի Խ. Աբովյանի անվան հայկական մանկավարժական ինստիտուտի պատմա-բանասիրական ֆակուլտետը: 1962 թվականին ընդունվել է ԽՄԿԿ շարքերը: Ինստիտուտն ավարտելուց հետո աշխատել է Վայքի N 1 միջնակարգ դպրոցում՝ որպես ուսումնական մասի վարիչ[1]:
Քաղաքական գործունեություն
1965-1967 թվականներին եղել է ՀԼԿԵՄ Վայքի շրջկոմի առաջին քարտուղար, միաժամանակ՝ հեռակա կարգով ընդունվել և ավարտել Խ. Աբովյանի անվան մանկավարժական ինստիտուտի ասպիրանտուրան: 1967-1974 թվականներին եղել է ՀԿԿ Վայքի շրջկոմի կազմակերպական բաժնի վարիչ: 1974 թվականին ընտրվել է ՀԿԿ Վայքի շրջկոմի քարտուղար, 1976 թվականին` երկրորդ քարտուղար: 1985 թվականի դեկտեմբերից մինչև 1991 թվականը աշխատել է Ջերմուկի քաղխորհրդի գործկոմի նախագահ: 1990 թվականին ընտրվել է Գերագույն խորհրդի պատգամավոր: Եղել է կրթության, գիտության, լեզվի, մշակույթի հարցերի հանձնաժողովի անդամ[2], միաժամանակ դասավանդել է Խ. Աբովյանի անվան մանկավարժական ինստիտուտում:
Հասարակական գործունեություն
1995 թվականից զբաղվել է ակտիվ հասարակական գործունեությամբ և հրապարակախոսությամբ՝ մամուլում հրապարակելով բազմաթիվ հրապարակախոսական հոդվածներ: Որպես հասարակական պաշտպան՝ մասնակցել է Կ. Բալայանի և «Սեպտեմբերի 26»-ի գործով մյուս մեղադրյալների դատական պաշտպանությանը: Եղել է «Գերագույն խորհուրդ պատգամավորական ակումբ» հասարակական կազմակերպության հիմնադիր անդամներից, այդ կազմակերպության խորհրդի անդամ:
1978 թվականին գերազանց առաջադիմությամբ ավարտել է ԽՄԿԿ Կենտկոմին առընթեր Մոսկվայի կուսակցական բարձրագույն դպրոցը, այդ նույն տարում պաշտպանել է թեկնածուական դիսերտացիա և ստացել մանկավարժական գիտությունների թեկնածուի գիտական աստիճան:
1985 թվականին հրատարակել է «Դպրոցականների դաստիարակության նկատմամբ կոմպլեքսային մոտեցում» մենագրությունը: Մամուլում հրապարակվել են մի քանի գիտական հոդվածներ: Ջերմուկում աշխատելու տարիներին, Վ. Ազատյանի հետ համատեղ, հրապարակել է «Ջերմուկ» գիրք-ուղեցույցը:
Պարգևներ
- ՀԽՍՀ Գերագույն խորհրդի նախագահության պատվոգրեր
- Վ. Ի. Լենինի ծննդյան 100-ամյակի հոբելյանական մեդալ
Մահ
Մահացել է 1997 թվականի դեկտեմբերի 26-ին:
Հիշատակ
1999 թվականի Ջերմուկի քաղաքային համայնքի ավագանու որոշմամբ Ջերմուկի ըմպելասրահից մինչև Սառնաղբյուր ձգվող ճեմուղին անվանակոչվել է Ֆերդինանդ Ղազարյանի անունով: Ճեմուղու սկզբնամասում կանգնեցված է Ֆերդինանդ Ղազարյանի հուշաքարը:
Ծանոթագրություններ
- ↑ One, Studio. «Ֆերդինանդ Ղազարյանն այսօր կդառնար 76 տարեկան». www.slaq.am. Վերցված է 2019-06-13-ին.
- ↑ «National Assembly of the Republic of Armenia | Official Web Site | parliament.am». www.parliament.am. Վերցված է 2019-06-13-ին.