Սոֆո Խալվաշի

Սոֆո Խալվաշի
Սոֆո Խալվաշին կատարում է «Visionary Dream» երգը
Բնօրինակ անուն	სოფო ხალვაში
Ի ծնե անուն	վրաց.՝ სოფო ხალვაში
Ծնվել է	մայիսի 31, 1986(1986-05-31) (33 տարեկան) Բաթում, Վրացական Խորհրդային Սոցիալիստական Հանրապետություն, ԽՍՀՄ
Երկիր	Վրաստան
Ժանրեր	էլեկտրոնային երաժշտություն
Մասնագիտություն	երգչուհի
Գործիքներ	վոկալ
Sopho Khalvashi Վիքիպահեստում

Սոֆո Խալվաշի (վրաց.՝ სოფო ხალვაში, նաև՝ Սոֆիկո, ծն. 31 մայիսի, 1986, Բաթում), վրացի երգչուհի։

Կենսագրություն

Ծնվել է 1986 թվականի մայիսի 31-ին Բաթումում։ Սովորել է երաժշտական ուսումնարանում (դաշնամուր, հոբոյ)։ Բնակվում է Բաթումում (Վրաստան)։

Հաղթել է «Նուցայի դպրոց-2004» (ռուս.՝ «Школа Нуцы - 2004») երիտասարդ կատարողների մրցույթում։ 2006 թվականին Յուրմալայի «Նոր ալիք» մրցույթում զբաղեցրել է երրորդ տեղը, ինչի արդյունքում էլ պայմանագիր է կնքել Իգոր Կրուտոյի «Арс» պրոդյուսերական ընկերության հետ և հաղթանակած վերադարձել հայրենիք։ Իմեդի հեռուստաընկերության կողմից անմիջապես առաջարկ է ստացել դառնալ «На волнах Имеди» շոուի վարողը։

2006 թվականի դեկտեմբերի 12-ին հայտարարվեց, որ Սոֆոն Վրաստանը պետք է ներկայացնի Եվրատեսիլ 2007 երգի մրցույթում: «Visionary Dream» երգով Վրաստանն առաջին անգամ մասնակցեց Եվրատեսիլ մրցույթին։ Սկզբում երգը կոչվում էր «My Story»: 2007 թվականի մայիսի 10-ին կիսաեզրափակչում զբաղեցրեց 8-րդ տեղը և հնարավորություն ստացավ մասնակցելու եզրափակիչ փուլին։ Մայիսի 12-ին եզրափակչում Սոֆոն գրավեց 12-րդ տեղը։ Նրան առավելագույն միավոր նշանակեց միայն մեկ երկիր՝ Լիտվան:

«Լավ հումորներ»

2008 թվականին Սոֆոն «Ծիծաղ և մեղք» (ռուս.՝ «Смех и грех» ) թիմի կազմում մասնակցել է СТС հեռուստաընկերության «Լավ հումորներ» (ռուս.՝ «Хорошие шутки») հումորային մրցույթին։ Թիմը հասավ մինչև եզրափակիչ, բայց պարտվեց՝ հավաքելով 27 միավոր։

Արտաքին հղումներ

• SophoKhalvashi.net
• "Visionary dream" երգի կատարումը «Եվրատեսիլ 2007» մրցույթի եզրափակչում
• "Visionary dream" երգի կատարումը «Եվրատեսիլ 2007» մրցույթի կիսաեզրափակչում