Սուրբ Գրիգոր Լուսավորիչ եկեղեցի (Բաքու)
Անվան այլ կիրառումների համար տե՛ս՝ Սուրբ Գրիգոր Լուսավորիչ եկեղեցի (այլ կիրառումներ)
| Սուրբ Գրիգոր Լուսավորիչ եկեղեցի | |
|---|---|
 Սուրբ Գրիգոր Լուսավորիչ եկեղեցին. 2013 | |
| Հիմնական տվյալներ | |
| Տեսակ | եկեղեցի |
| Երկիր |  Ադրբեջան |
| Տեղագրություն | Բաքու |
| Դավանանք | Հայ Առաքելական Եկեղեցի |
| Ներկա վիճակ | Փակ։ Օգտագործվում է որպես գրադարան։ |
| Անվանված | Գրիգոր Լուսավորիչ |
| Ճարտարապետական նկարագրություն | |
| Ճարտարապետ | Karl Gustav Hippius? |
| Ճարտարապետական ոճ | Հայկական |
| Կառուցման ավարտ | 1903 թ. |
| Հիմնադրված | 1887 |
| Կոորդինատներ: 40°22′17.842800099999″ հս․ լ. 49°50′11.277600100005″ ավ. ե. / 40.37162300002777471° հս․. լ. 49.83646600002777660° ավ. ե. | |
Սուրբ Գրիգոր Լուսավորիչ եկեղեցի (ադրբ.՝ Müqəddəs Maarifləndirici Qriqori Kilsəsi, Bakı Erməni Kilsəsi), հայկական առաքելական եկեղեցի է Բաքվում[1]:
Բովանդակություն
Պատմություն[խմբագրել | խմբագրել կոդը]
Եկեղեցին կառուցվել է 1903 թ. զանգակատունը ավելի ուշ : Եկեղեցին գտնվում է Բաքվի շատրվանների հրապարակում : Եկեղեցին ամբողջապես կողոպտվել է 1918թ. Սեպտեմբերի 15-ին՝ թուրքական զորքի կողմից Բաքուն գրավելուց հետո : Խորհրդային տարիներին միակ հայկական գործող եկեղեցին էր Ադրբեջանի ողջ տարածքում : Եկեղեցում տեղի ունեցող պատարագի տեսանյութ կա 1987 թ. նկարված որտեղ դեռևս եկեղեցին գործում էր : 1988-90թթ Ադրբեջանում սկսած հայահալած քաղաքականության պայմաններում, 1989թ. Դեկտեմբերի 25-ին ադրբեջանցիները հրդեհել են եկեղեցին, որի հետևանքով այրվել են մեծ քանակությամբ եկեղեցական արժեքավոր գրքեր, սրբապատկերներ և կրոնական ամբողջ գույքը: Այնուհետև Ադրբեջանի իշխանություննները շենքն օգտագործել են այլ նպատակներով: Նախապես այն տրամադրվել է գիտաարտադրական վարչության շինարարական կազմակերպությանը, հետագայում օգտագործվել է որպես գրքերի պահեստ: Այժմ եկեղեցին գտնվում է անշուք վիճակում, գմբեթից և զանգակատնից պոկվել և շպրտվել են խաչերը, փայտյա զարդաքանդակ դռները փոխարինված են երկաթյա կոնստրուկցիաներով, երկու պատուհանները փակվել էին պատով, քերված են հյուսիսային և հարավային մուտքերի երկու կողմից երիզվող զույգ խաչքարերը, իսկ հայկական արձանագրությունները ջնջված են: 2010թ. Ապրիլի 26-ին Ն.Ս.Օ.Տ.Տ. Գարեգին Բ Ամենայն Հայոց կաթողիկոսը, Բաքվում ԱՊՀ և Բալթյան երկրների հոգևոր առաջնորդների գագաթաժողովի շրջանականերում այցելեց եկեղեցի, որտեղ տասնամյակներ անց կրկին հնչեցին հայերեն լեզվով աղոթքներ և երգեցողություն:
Ներկայիս վիճակը[խմբագրել | խմբագրել կոդը]
Եկեղեցու գմբեթից խաչը հանված է։ Օգտագործվում է որպես գրադարան։
Տես նաև[խմբագրել | խմբագրել կոդը]
- Բաքու
- Սուրբ Աստվածածին եկեղեցի (Բաքու) (1799 թ.)
- Սուրբ Հարություն մատուռ (Բաքու) (1894 թ.)
- Սուրբ Թադևոս-Բարդուղոմեոս մայր տաճար (Բաքու) (1900 թ.)
