Սյուզան Հայհուրստ
| Սյուզան Հայհուրստ | |
|---|---|
 | |
| Ծնվել է | դեկտեմբերի 25, 1820[1] |
| Ծննդավայր | Middletown Township, Բաքս շրջան, Փենսիլվանիա, ԱՄՆ |
| Մահացել է | օգոստոսի 7, 1909[1] (88 տարեկան) |
| Մահվան վայր | Ֆիլադելֆիա, Փենսիլվանիա, ԱՄՆ |
| Կրթություն | University of the Sciences? և Woman's Medical College of Pennsylvania? |
| Մասնագիտություն | դեղագործ, բժիշկ, դաստիարակ և ուսուցչուհի |
Սյուզան Հայհուրստ (անգլ.՝ Susan Hayhurst, դեկտեմբերի 25, 1820[1], Middletown Township, Բաքս շրջան, Փենսիլվանիա, ԱՄՆ - օգոստոսի 7, 1909[1], Ֆիլադելֆիա, Փենսիլվանիա, ԱՄՆ), ամերիկացի բժիշկ, դեղագործ և մանկավարժ, առաջին կինն Միացյալ Նահանգներում որը ստացել է դեղագործի աստիճան[2]։
Կենսագրություն[խմբագրել | խմբագրել կոդը]
Սյուզան Հայհուրստը ծնվել է Փենսիլվանիա նահանգի Միդլթաուն քաղաքում, քվակերներ Թոմասի և Մարտա Հայհուրստ ընտանիքում։ Հաճախել է դպրոց Ուիլմինգթոն քաղաքում և մաթեմատիկայից եղել է գերազանց։ Երիտասարդ տարիքից, աշխատել է որպես ուսուցիչ Բաքս շրջանի դպրոցներում։ Հետաքրքրվելով քիմիայի և ֆիզիոլոգիայի բնագավառում՝ ընդունվել է Փենսիլվանիայի Կանանց բժշկական քոլեջ և 1857 թվականին ավարտել[3][4]։
Եղել է Ֆիլադելֆիայի Ընկերների կենտրոնական դպրոցի տնօրեն՝ 1857-1867 թվականներին, և որոշ ժամանակ ղեկավարել է իր սեփական դպրոցը[4]։ ԱՄՆ-ում քաղաքացիական պատերազմի ժամանակ եղել է Փենսիլվանիայի օգնության ասոցիացիայի մատակարարման կոմիտեի նախագահրը[5]։
1876 թվականին Հայհուրստը դարձել է Ֆիլադելֆիայի Կանանց հիվանդանոցի դեղագործական բաժանմունքի վարիչը։ Իր գիտելիքները ընդլայնելու համար սկսել է հաճախել դասախոսությունների Ֆիլադելֆիայի դեղագործական քոլեջում։ Թեև նախկինում բժիշկ Կլարա Մարշալը մասնակցել էր այդ դասերին[6], սակայն քոլեջում հազվադեպ են ընդունել կանանց, Սյուզանը եղել է 150 հոգուց բաղկացած դասի միակ կինը։ Քոլեջի վարչակազմը, որևէ դիմադրություն ցույց չի տվել և նրան 1883 թվականին, 63 տարեկան հասակում շնորհել են դեղագործի դիպլոմ[7][8]։
Հեյհուրստը 33 տարի աշխատել է կանանց հիվանդանոցի դեղագործական բաժանմունքում։ Ղեկավարել դեղերի գնումն ու արտադրությունը, օգնել է միսիոներներին արտասահմանյան երկրներում և եղել է 65 կին դեղագործների ուսուցիչը։
Սյուզան Հայհուրստը մահացել է Ֆիլադելֆիայում 1909 թվականի օգոստոսի 7-ին[5]։ Ֆիլադելֆիայի դեղագործական քոլեջը 1910 թվականի նոյեմբերի 15-ին իր պատվին հիշատակի արարողություն է անց կացրել[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Base biographique (ֆր.)
- ↑ «Susan Hayhurst»։ American Journal of Pharmacy (Philadelphia College of Pharmacy and Science) 83: 32–39։ 1911։ Վերցված է November 29, 2016
- ↑ 3,0 3,1 «Susan Hayhurst»։ American Journal of Pharmacy (Philadelphia College of Pharmacy and Science) 83: 32–39։ 1911։ Վերցված է November 29, 2016
- ↑ 4,0 4,1 «Susan Hayhurst, pioneer female pharmacist, circa 1889»։ ExplorePAhistory.com։ Վերցված է November 29, 2016
- ↑ 5,0 5,1 «First Woman Graduate Pharmacist Dead»։ The Pharmaceutical Era 42։ D. O. Haynes & Company։ August 12, 1909։ էջ 186։ Վերցված է November 29, 2016 – via Google Books
- ↑ «Class News»։ Alumni Report (Philadelphia College of Pharmacy Alumni Association) 34: 68։ 1897։ Վերցված է November 29, 2016
- ↑ «Susan Hayhurst, pioneer female pharmacist, circa 1889»։ ExplorePAhistory.com։ Վերցված է November 29, 2016
- ↑ Henderson Metta Lou, Worthen Dennis B. (March 8, 2002)։ American Women Pharmacists: Contributions to the Profession։ CRC Press։ էջ 10։ ISBN 9780789010926։ Վերցված է November 29, 2016 – via Google Books