Սկանդերբեգի թանգարան

Վիքիպեդիայից՝ ազատ հանրագիտարանից
Jump to navigation Jump to search
Սկանդերբեգի թանգարան
Muzeum Skanderbega w Kruji 2.jpg
Տեսակթանգարան
ԵրկիրFlag of Albania.svg Ալբանիա
ՏեղագրությունԿրույե
ՎայրԿրույե
ՀասցեStreet „Kala”, Krujë
Հիմնադրված էնոյեմբերի 1, 1982
Կայքmuzeukombetarskenderbeukruje.com

Սկանդերբեգի թանգարան (ալբ․՝ Muzeu Kombëtar Gjergj Kastrioti Skënderbeu), ազգագրական թանգարան Ալբանիայում՝ նվիրված ազգային հերոս Սկանդերբեգին։

Պատմություն[խմբագրել | խմբագրել կոդը]

Սկանդերբեգի պատկերը

Թանգարանը գտնվում է Կրույե քաղաքի ամրոցում։ Այն գտնվում է ծովի մակերևույթից 557 մետր բարձրության վրա։ Հաջողությամբ դիմակայել է թուրքերի 1450, 1466 և 1467 թվականների հարձակումներին։ Ամրոցի անառիկությունը հնարավորություն է տվել Գեորգ Կաստրիոտի Սկանդերբեգին շուրջ երկու տասնամյակ հաջողությամբ պայքարել օսմանյան կայսրության դեմ։

Թանգարան հիմնելու գաղափարը 1976 թվականին առաջ է քաշել պրոֆեսոր Ալեքս Բուդան։ Շենքը կառուցվել է ալբանացի ճարտարապետներ Պիրրո Վասոյի և Պրանվեր Խոջայի՝ Էնվեր Խոջայի դստեր նախագծով։ Նախապատրաստական աշխատանքները Կրույեում սկսվել են 1978 թվականի սեպտեմբերին, իսկ հանդիսավոր բացումը տեղի է ունեցել 1982 թվականի նոյեմբերի 1-ին՝ Ալբանիայի աշխատավորական կուսակցության քաղբյուրոյի անդամների մասնակցությամբ։

Գործունեություն[խմբագրել | խմբագրել կոդը]

Այսօր Կրույեի ամրոցը և նրանում տեղակայված թանգարանը Ալբանիայի զբոսաշրջության կենտրոններից է և ալբանացիների համար ոգեշնչման աղբյուր[1]։ Թանգարանում ցուցադրված են Սկանդերբեգի ժամանակաշրջանով թվագրվող իրեր։ Ցուցանմուշները դասավորված են ալբանացի հերոսի կյանքի ժամանակագրական հաջորդականությամբ։ Այստեղ ներկայացված են նրա անձնական իրերը՝ ներառյալ այծի գլխով սաղավարտի պատճենը, որի բնօրինակը գտնվում է Վիեննայի Արվեստի պատմության թանգարանում։

Թանգարանը բաց է այցելության համար ամեն օր, բացի երկուշաբթի օրերից։ Տոմսի արժեքը 200 ալբանական լեկ է։

Պատկերասրահ[խմբագրել | խմբագրել կոդը]

Տես նաև՝[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Gjergj Kastrioti Skenderbeg Museum of Krujë, Albania»։ National Geographic։ Արխիվացված է օրիգինալից 8 May 2016-ին։ Վերցված է 28 February 2014  (անգլ.)

Արտաքին հղումներ[խմբագրել | խմբագրել կոդը]