Սիրո միություն (արձան, Երևան)

Սիրո միություն
Սիրո միություն
	; «Սիրո միություն» արձանը Երևանի Սիրահարների այգում
	Ընդհանուր տեղեկություններ
Համայնք	Կենտրոն
Գտնվում է	Սիրահարների այգի
Բարձրություն	1,97 մ
Քանդակագործ(ներ)	Դավիթ Երևանցի
Ճարտարապետ(ներ)	Միքայել Հասրաթյան
Նյութ	բրոնզ, պատվանդանը՝ տրավերտին
Շինարարության ավարտ	2017, ապրիլի 19
Ներկա վիճակ	կանգուն ;

«Սիրո միություն», սիրո միությունը խորհրդանշող արձան Երևանում՝ Սիրահարների այգում։ Տեղադրվել է 2017 թվականին^[1]։

Պատմություն[խմբագրել | խմբագրել կոդը]

Սիրահարների այգու տարածքում արձանը տեղադրելու որոշումն ընդունել է Երևանի ավագանին^[2]։ Արձանի բացման արարողությունը տեղի է ունեցել 2017 թվականի ապրիլի 19-ին։ Բացման արարողությանը ներկա են գտնվել Երևանի քաղաքապետ Տարոն Մարգարյանը, արձանի հեղինակները, քաղաքական ու մշակութային գործիչներ, երևանցիներ։ Հեղինակները ստեղծագործությունը նվիրել են Երևանին՝ որպես մայրաքաղաքի հանդեպ անսահման սիրո դրսևորում^[3]^[4]։

Ուզում եմ իմ և բոլոր երևանցիների անունից շնորհակալություն հայտնել հեղինակին ու բոլոր այն մարդկանց, ովքեր իրենց մասնակցությունն են ունեցել արձանի ստեղծման գործում։ Հաշվի առնելով վայրը, որտեղ տեղադրվել է արձանը, վստահ կարող ենք ասել, որ այն իսկապես իր տեղում է։

- Տարոն Մարգարյան