Հրանտ Սիմոնյան
- Վիքիպեդիայում կան հոդվածներ Սիմոնյան ազգանունով այլ մարդկանց մասին։
| Հրանտ Սիմոնյան | |
|---|---|
| Ծնվել է | 1921 |
| Ծննդավայր | Աշնակ, Էջմիածնի գավառ, Հայկական ԽՍՀ |
| Մահացել է | անհայտ |
| Քաղաքացիություն |  ԽՍՀՄ |
| Մասնագիտություն | մանկավարժ |
| Պարգևներ և մրցանակներ |   և  |
Հրանտ Միսակի Սիմոնյան (1921, Աշնակ, Էջմիածնի գավառ, Հայկական ԽՍՀ - անհայտ), հայ մանկավարժ։ Հայրենական մեծ պատերազմի մասնակից։
Կենսագրություն
[խմբագրել | խմբագրել կոդը]Հրանտ Սիմոնյանի ծնողները գաղթել են Սասունից և թուրքական յաթաղանից մի կերպ փրկված ապաստան են գտել Արագածի փեշերին, իրենց հարյուրավոր բախտակիցների հետ միասին հիմնել են Աշնակ գյուղը։ Հրանտ Սիմոնյանը ծնվել է 1921 թվականին, Աշնակ գյուղում։ Նա վաղ է կորցրել ծնողներին։ Դեռ միջնակարգը չավարտած՝ աշխատանքի է անցել կոլտնտեսությունում, իսկ ավարտական քննությունները հանձնել է էքստեռն կարգով[1]։
1942 թվականին Հրանտը զորակոչվել է կարմիր բանակ։ Սկզբում ծառայել է Հեռավոր Արևելքում, սահմանապահ զորամասերում։ Ռազմաճակատ է մեկնել 1943 թվականի հուլիսին։ Մասնակցել է Կուրսկ-Օրյոլի աղեղում տեղի ունեցող կատաղի մարտերին, որտեղ վիրավորվել է, բուժվելուց հետո սովորել քաղաշխատողների դասընթացներում, ավարտել է լեյտենանտի կոչումով[1]։
1944 թվականի հունվարին մասնակցել է Ռովնոյի, Լուցկի, Լվովի ազատագրման մարտերին, որոնցում աչքի ընկնելու համար արժանացել է Կարմիր աստղի շքանշանի, «Մարտական ծառայությունների համար» և «Խիզախության համար» մեդալների։ 1944 թվականի ապրիլի 22-ին սովետա-լեհական սահմանի մոտ մղված մարտերից մեկում ծանր վիրավորվել է և երկարատև բուժումից հետո զորացրվել է բանակից[1]։
Բանակից զորացրվելուց հետո Սիմոնյանն անցել է մանկավարժական աշխատանքի։ 1945 թվականից աշխատել է Թալինի շրջանի դպրոցներում։ Եղել է նախնական ռազմական պատրաստության դասատու։ Վերջին տարիներին եղել է Ներքին Սասնաշենի միջնակարգ դպրոցի զինղեկը[1]։
Պարգևներ
[խմբագրել | խմբագրել կոդը]- Կարմիր աստղի շքանշան
- «Մարտական ծառայությունների համար» մեդալ
- «Խիզախության համար» մեդալ