Սիմեոն Սարկիսով

Սիմեոն Սարկիսով
Ծնվել է	փետրվարի 19, 1895 կամ փետրվարի 7, 1895
Ծննդավայր	Շուշի, Ռուսական կայսրություն
Մահացել է	դեկտեմբերի 30, 1971 (76 տարեկան) կամ դեկտեմբերի 12, 1971 (76 տարեկան)
Մահվան վայր	Մոսկվա, ԽՍՀՄ
Քաղաքացիություն	Ռուսական կայսրություն և ԽՍՀՄ
Կրթություն	Մոսկվայի պետական համալսարան
Մասնագիտություն	նյարդաֆիզիոլոգ, նյարդամորֆոլոգ և նյարդաբան
Աշխատավայր	Institute of the Human Brain?
Զավակներ	Դոնատ Սարկիսով
Պարգևներ	, և

Սիմեոն Սարկիսով (փետրվարի 19, 1895(1895-02-19) կամ փետրվարի 7, 1895(1895-02-07), Շուշի, Ռուսական կայսրություն - դեկտեմբերի 30, 1971(1971-12-30) կամ դեկտեմբերի 12, 1971(1971-12-12), Մոսկվա, ԽՍՀՄ), հայ խորհրդային նյարդաֆիզիոլոգ և նյարդամորֆոլոգ։ ԽՍՀՄ ԲԳԱ ակադեմիկոս (1948-1971)։

Կենսագրություն[խմբագրել | խմբագրել կոդը]

1915 թվականին ավարտել է Թիֆլիսի Ներսիսյան դպրոցը։ 1923 թվականին ավարտել է Մոսկվայի համալսարանի բժշկական ֆակուլտետը, ապա Կարմիր պրոֆեսուրայի ինստիտուտը։ 1925 թվականին Սարկիսովի նախաձեռնությամբ Մոսկվայում կազմակերպվել է ուղեղի բջջակերտվածքի (ցիտոարխիտեկտոնիկա) լաբորատորիա։ Վերջինս 1928 թվականին վերակառուցվել է Ուղեղի ԳՀԻ-ի, որի տնօրենն էր մինչև 1968 թվականը^[1]։

Մահացել է 1971 թվականի դեկտեմբերի 30-ին Մոսկվայում։ Թաղված է Վագանկովի գերեզմանոցում։

Գիտական գործունեություն[խմբագրել | խմբագրել կոդը]

Սիմեոն Սարկիսովի գիտական աշխատանքները հիմնականում վերաբերում են գլխուղեղի տեսողական ֆունկցիային, կենտրոնական նյարդային համակարգի կառուցվածքային առանձնահատկություններին և կենսաէլեկտրական երևույթներին՝ բնականոն և ախտաբանական պայմաններում, ուղեղաբնի ցանցանման գոյացության դերի, նյարդադեղաբանության, գլխուղեղի էլեկտրոնային մանրադիտման, հյուսվածքաքիմիայի և նյարդակիբեռնետիկայի, ինչպես նաև կենտրոնական նյարդային համակարգի անալիզատորների դինամիկ տեղայնացման հարցերին։ Մինչև էլեկտրոնային մանրադիտակի ի հայտ գալը նա առաջարկել է հիպոթեզ՝ ուղեղի աստղաձև բջիջների և դենդրիտային «փշիկների» հատուկ (ռեցեպտիվ) դերի մասին (նյարդային իմպուլսների փոխանցման, ուղեղի կեղևում տեղի ունեցող հետքային պրոցեսների իրացման և ուղեղի ակտիվության պլաստիկության ու շարժունության գործում)։ Հետագայում այդ հիպոթեզը հաստատվեց անգլիացի գիտնական Գրեյի և Սիմեոն Սարկիսովի՝ էլեկտրոնային մանրադիտակով կատարված հետազոտություններով^[2]։

Անդամակցություն[խմբագրել | խմբագրել կոդը]

Սարկիսովը եղել է ԽՍՀՄ առողջապահության նախարարության բժշկական գիտությունների խորհրդի, Նյարդախտաբանների և հոգեբույժների համամիութենական ընկերության նախագահ, Նյարդախտաբանների միջազգային ֆեդերացիայի փոխնախագահ, ԽՍՀՄ ԲԳԱ նախագահության, Բեռլինի ԳԱ թղթակից անդամ, Մեծ Բրիտանիայի թագավորական բժշկական ընկերության և արտասահմանյան այլ երկրների նյարդախտաբանների ու հոգեբույժների ընկերությունների անդամ^[2]։

Պարգևներ[խմբագրել | խմբագրել կոդը]

Պարգևատրվել է Լենինի, Աշխատանքային կարմիր դրոշի 2, «Պատվո նշան» շքանշաններով։

Աշխատություններ[խմբագրել | խմբագրել կոդը]

Очерки по структуре и функции мозга (1964)
Электронная микроскопия мозга (1967)
Журн. невропатологии и психиатрии им. С.С.Корсакова, 1972, 72, вып. 4, с. 635—636.

Ծանոթագրություններ[խմբագրել | խմբագրել կոդը]

↑ А. П. Айриян (1998)։ Армянские учёные-медики։ Ереван: Амарас։ էջ 37։ ISBN 99930-1-001-7
↑ ^2,0 ^2,1 ՀՍՀ գլխավոր խմբագրություն (1984)։ Հայկական Սովետական Հանրագիտարան։ Երևան: Հայկական Հանրագիտարան Հրատարակչություն։ էջ 235

Արտաքին հղումներ[խմբագրել | խմբագրել կոդը]

[1] А. П. Айриян (1998)։ Армянские учёные-медики։ Ереван: Амарас։ էջ 37։ ISBN 99930-1-001-7

[ՀՍՀ-2] 2,0 ^2,1 ՀՍՀ գլխավոր խմբագրություն (1984)։ Հայկական Սովետական Հանրագիտարան։ Երևան: Հայկական Հանրագիտարան Հրատարակչություն։ էջ 235

[1]

[2]