Սերսի Լաննիսթեր
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
| Սերսի Լաննիսթեր | |
|---|---|
| Տեսակ | կերպար «Գահերի խաղ»-ից, կերպար «Սառույցի և Կրակի երգ»-ից և գեղարվեստական անձ |
| Հեղինակ | Ջորջ Մարտին |
| Ներկայացված է | Սառույցի և կրակի երգ և Գահերի խաղ |
| Սեռ | իգական |
| Քաղաքացիություն | Յոթ թագավարություններ |
| Հրարած տիեզերքից | «Սառույցի և կրակի երգ»-ի աշխարհ |
| Ծննդավայր | Քաստերլի Ռոք |
| Մահվան վայր | Կարմիր դղյակ |
| Հարստություն | Լանիստեր և Բարաթեոն |
| Երեխաներ | Ջոֆրի Բարաթեոն, Միրսելա Բարաթեոն և Թոմեն Բարաթեոն |
| Մասնագիտություն | mass murderer, խորհրդական, գահի խնամակալ և քաղաքական գործիչ |
| Դերը կատարել են | Լենա Հիդի և Նել Ուիլյամս |
 Cersei Lannister Վիքիպահեստում | |
Սերսի Լաննիսթեր, հորինված կերպար Ջորջ Ռ.Ռ. Մարթինի «Սառույցի և Հրո երգ» վիպաշարում և վիպաշաի ադապտացիա «Գահերի խաղ» հեռուստասերիալում։ Սկսած «Ագռավների խնջույք» վեպից՝ Սերսի Լաննիսթեր դառնում է կենտրոնական կերպար, ում տեսանկյունից պատմվում է վեպի մի հատվածը։ HBO հեռուստաալիքի «Գահերի խաղ» հեռուստասերիալում Սերսիին մարմնավորում է դերասանուհի Լենա Հեդին։ 2014 թվականին նա նոմինացվեց Էմմի մրցանակի «Նշանավոր աջակցող դերասանուհի դրամատիկ հեռուստասերիալում» անվանակարգում Սերսի Լանիսթերի դերի համար[1][2]։ 2015 թվականին հեռուստասերիալում պատանի Սերսիին պատկերում է դերասանուհի Նելլ Ուիլիամսը։
Կերպարի նկարագրություն[խմբագրել | խմբագրել կոդը]
Սերսին Յոթ թագավորություններ պետության սկզբում թագուհին է, ապա՝ մայր թագուհին և թագուհի-ռեգենտը։ Նա քաղաքականորեն խորամանկ, մանիպուլատիվ և սառնասիրտ կին է և լորդ Թայվին Լաննիսթերի ամենամեծ երեխան։ Նա ունի երկվորյակ եղբայր՝ Ջեյմի Լաննիսթերը, ում հետ արյունապիղծ հարաբերությունների մեջ է, ինչպես նաև փոքր եղբայր՝ Թիրիոն Լաննիսթերը, ով թզուկ է և որին Սերսին չի սիրում։ Իրադարձություններից տասնհինգ տարի առաջ նա ամուսնացել է արքայի՝ Ռոբերթ Բերեթեոնի հետ՝ այդպիսով դառնալով Յոթ թագավորությունների թագուհին, սակայն նա չի սիրում և չի հարգում ամուսնուն։ Նա ունի երեք երեխա՝ Ջոֆֆրին, Միրսելլան և Թոմմենը, սակայն երեքի կենսաբանական հայրն էլ Ջեյմին է, թեև ոչ ոք այդ մասին չգիտի։ Սերսին հանդես է գալիս որպես խորամանկ քաղաքական գործիչ, ով կարողանում է հաղթած դուրս գալ յուրաքանչյուր իրավիճակից, սակայն իրադարձությունների զրգացմանը զուգընթաց՝ նրա թուլություններն ավելի ու ավելի ցայտուն են դառնում՝ դարձնելով նրան երկչոտ, պարանոիդ անձ։ Նա սկսում է հավատալ, որ իր կյանքի բոլոր խնդիրների պատճառը փոքր եղբայրն է՝ Թիրիոնը, կապված մի գուշակության հետ, որը նրան արվել է տարիներ առաջ։
Պատմություն[խմբագրել | խմբագրել կոդը]
Գահերի խաղ[խմբագրել | խմբագրել կոդը]
Վեպի սկզբում Ռոբերթ Բերեթեոն արքան, նրա կինը՝ թագուհի Սերսին և արքունիքի մեծ մասը այցելում են Հյուսիս՝ առաջարկելու լորդ Էդդարդ Սթարքին դառնալու Արքայի ձեռքը՝ պաշտոն, որ հավասարազոր է արքայի փոխանորդի պաշտոնին։ Վինթերֆելլ այցելության ժամանակ Էդդարդի փոքրիկ որդ Բրենը տեսնում է Սերսիին սեփական եղբոր հետ սեռական հարաբերության ժամանակ և նետվում է բարձունքից Ջեյմիի կողմից, սակայն ողջ է մնում։ Այնուամենայնիվ, Սերսին արդեն կազմակերպել էր Ռոբերթի մահը՝ որսորդության ժամանակ պատահար կազմակերպելով։ Հետագայում ներկայացվում է, որ Ռոբերթն ու Սերսին չեն սիրում իրար և երկուսն էլ դավաճանում են իրար, որի արդյունքում Ռոբերթն ունի քսան ընկեցիկ և Սերսին ձևացնում է, թե իր երեխաները Ռոբերթինն են։ Էդդարդ Սթարքը շուտով իմանում է ճշտմարտությունը և տեղեկացնում այդ մասին Սերսիին՝ հնարավորություն ընձեռելով նրան փախչել՝ Ռոբերթի ցասումից խուսափելու համար։ Փեթիր Բեյլիշի և Սանսա Սթարքի օգնությամբ, չնայած վերջինը չէր գիտակցում դա, Սերսին դատապարտում է Էդդարդին պետական դավաճանության մեջ և մահապատժի ենթարկում նրան՝ այդպիսով իր ձեռքը վերցնելով երկրի ողջ իշխանությունը։
Արքաների բախում[խմբագրել | խմբագրել կոդը]
Մտահոգված Սերսիի քաղաքականությամբ և իր որդուն՝ Ջոֆֆրիին կառավարելու անընդունակությամբ, Թայվին Լաննիսթերը իր կրտսեր որդուն՝ Թիրիոնին դարձնում է Արքայի ձեռք՝ հստակ հանձնարարությամբ կառավարել Սերսիին և Ջոֆրիին։ Կիրառելով իր խորմանակությունն ու խելքը՝ Թիրիոնը մրցակցության մեջ է մտնում Սերսիի հետ և իշխանությունից հեռացնում նրա բոլոր համախոհներին՝ Սերսիին միայնակ և իզոլացված թողնելով Փոքր ժողովի նիստերին։ Ամբողջ վեպի ընթացքում Սերսին ստորացնում, ծաղրում և տանջում է Սանսա Սթարքին յուրաքանչյուր պատեհ առիթի։ Երբ Սթեննիս Բերեթիոնը հարձակում է գործում մայրաքաղաքի վրա, Սերսին ու Ջոֆֆրին թաքնվում են պալատում՝ թողնելով Թիրիոնին միայնակ մարտի դաշտում։ Թիրիոնն, այնուամենայնիվ, կարողանում է հաղթանակ բերել արքայական զորքերին, իսկ ճակատամարտից հետո Թայվին Լաննիսթերն ինքն իրեն նշանակում է Արքայի ձեռք՝ ևս մեկ անգամ Սերսիին իր դիրքերից թուլացնելով։
Թրերի փոթորիկ[խմբագրել | խմբագրել կոդը]
Արայի ձեռք դառնալուց հետո Թայվին Լաննիսթերը Սերսիին հասկացնում է, որ նրա ներկայությունը Փոքր ժողովի նիստերին չի ողջունվում։ Բացի այդ, կնքելով դաշինք Թայրելների հետ՝ Թայվինը պայմանավորվածություն է ձեռք բերում Թայրելների մատրիարխ Օլեննա Թայրելի հետ ամուսնացնել Ջոֆֆրիին Օլեննայի թոռնուհի Մերգրի Թայրելի հետ, իսկ Սերսիին Ուիլաս Թայրելի հետ՝ այսպիսով նրան հեռու ուղարկելով մայրաքաղաքից։ Սերսին հայտնվում է աներևակայելի իրավիճակում. նա սկսում է գիտակցել, որ նա ոչ միայն կորցրել է իշխանությունը պետությունում, այլև չի ղեկավարում ինքն իր կյանքին, քանի որ չի կարող ընտրել, թե ում հետ ամուսնանա։
Ծանոթագրություններ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Սերսի Լաննիսթեր» հոդվածին։ |
|
