Սենեքերիմ-Հովհաննես Սևադա

	Սենեքերիմ-Հովհաննես Սևադա
Ծննդյան օր	անհայտ
Վախճանի օր	959 կամ 1003
Դինաստիա	Արշակունիներ
Հայր	Ichkanik d'Héréthie?

Չշփոթել Սենեքերիմ-Հովհաննես Արծրունի հոդվածի հետ։

Հովհաննես Սենեքերիմ (անհայտ - 959 կամ 1003), Փառիսոսի թագավոր մոտ 958 թվականից։

Սահակ Սևադայի որդին։

Հորից ժառանգություն ստանալով Փառնես (Փառիսոս) գավառը, հիմնադրել է Փառիսոսի թագավորությունը, որը ճանաչել են Պարսից արքունիքը և բյուզանդական կայսեր ներկայացուցիչ Դավիթ Մագիստրոսը։ Վերջինս, ըստ պատմիչ Մովսես Կաղանկատվացու, Սենեքերիմին ուղարկել է «թագ և արքայական ծիրանի»։

Հայ Բագրատունիները հավանաբար չեն ընդունել Սենեքերիմի թագավորությունը։ Այդ մասին է վկայում Հայոց կաթողիկոս Անանիա Ա Մոկացու Արցախ կատարած այցելությունը, որի նպատակն էր մեղմել անջատամետ ձգտումները։ 10-րդ դարի վերջին Սենեքերիմը եղբոր՝ Խաչենի տիրակալ Գրիգորի հետ գոյության պայքար է մղել Գանձակի ամիրա Փադլունի դեմ։ Սենեքերիմի գահը ժառանգել է եղբորորդին՝ Փիլիպպեն։

Գրականություն

Մովսես Կաղանկատվացի, Պատմություն Աղվանից աշխարհի։ Ե․ 1969

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 292)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։