Սեյմարե

Սեյմարե
Բնութագիր
Երկարություն	417
Ավազան	Քարխե/Խաուր էլ Մուրայս
Ջրահոսք
Ակունք	Կարասու/Գամասիաբ
Ակունքի տեղակայում	34.17687/47.34661
Բարձրություն	1218 մ
Գետաբերան	Քարխե
Գետաբերանի տեղակայում	33.0966/47.5258
Բարձրություն	520 մ
Կոորդինատներ	34°10′37″ հս․. լ. 47°20′48″ ավ. ե.
Տեղակայում
Հոսող հոսքեր	Ջեզման գետ, Զալ, Qarasu River (Kermanshah)?, Gamasiab River?, Cheshmeh Sefid River (Lorestan)?, Chobin River?, Zarangush River? և Chardavol River?
Երկիր	Իրան
Երկրամաս	Քերմանշահ/Լոռեսթան/Իլամ
Ջրահավաք	Persian Gulf Basin?

Սեյմարե (պարսկերեն՝ سیمره [simareh]), Իրանի արևմտյան գետերից մեկը։ Քարխեի վտակներից մեկը, երկարությունը՝ 417 կմ, ակունքի բարձրությունը՝ 1218 մ, գետաբերանը՝ 520 մ։

Սեյմարեն սկիզբ է առնում Իրանի հյուսիս-արևմուտքի ձյունոտ բարձունքներից և, հոսելով Դարեհ շահր և Շիրվան քաղաքային օկրուգներով, Գավմիշան կամրջից քիչ հեռու թափվում է Կաշկան գետը՝ առաջացնելով Քարխե գետը։

Սեյմարե գետը առաջանում է երկու գետերի միախառնումից՝ Գամասիաբ գետի, որը սկիզբ է առնում Լոռեսթան նահանգի Գարին և Համադան նահանգի Նախավարդ լեռներից և Կարասու գետի, որը սկիզբ է առնում Ալվանդ լեռից։

Սեյմարե գետը Լոռեսթան նահանգի ամենակարևոր, խոշոր և ջրառատ գետն է։

Արաբներն այս շրջանն անվանել են Սեյմարե, գետի անունը գալիս է այստեղից։ Սկզբնապես այս տեղանքը անվանել են Մեհրգանկադե, իսկ գետը հայտնի է եղել որպես Ավկանի կամ Խավասպ։ Հետագայում արաբները փոխել են անվանումը, որը և պահպանվել է մինչ օրս։

Աշխարհագրական տեղեկություններ

Սկիզբ է առնում Քերմանշահի նահանգում Գամասիաբայի և Կարասուի միախառնումից, նահանգի վարչական կենտրոնի հարավ-արևելյան հատվածից։ Այնուհետև, Կարասուի հետ միանալուց և Քերմանշահ հարթավայրը ոռոգելուց հետո, Քերմանշահ և Լոռեսթան նահանգերում գետին միանում են Դերե Գանջուվան, Միյանուկխ, Բեդավեր, Գոմբեդռուդ, Դենլի, Ջեզմանռուդ վտակները։ Այս տեղանքում Սեյմարե գետի հունը խորն է ու քարքարոտ, այն շարունակում է իր ճանապարհը Քեբիր-Կուխ լեռնաշղթային ստորոտով։ Այնուհետև նրա մեջ թափվում են Կաշկան, Զալ, Գազալռուդ, Խարվ, Խորեմաբադ վտակները, ապա ՝ հայտնվում է խորը կիրճում, իսկ հունը նեղանում է։ «Պոլ է թանգ» կամրջի մոտ գետն առաջացնում է 43 մ բարձրությամբ և 3 մ լայնությամբ ջրվեժ։ Այնուհետև, շարունակելով իր հոսքը, գետն անցնում է Իլամ օսթանով, որից հետո ընդունում է Չենարե, Աբե Շիրվան, Աբե Սաիխ, Թանգե Էշուդեր վտակները և հոսում Խուզեստանյան հովտով։ Միախառնվելով Քեշգանռուդի հետ առաջացնում է Քարխե գետը։

 Աղբյուրներ

• Marja-e danesh, juan 2009.
• http://loor.ir/article/5858-نگاهی-به-رودخانه-سیمره-و-نقش-حیاتی-آن-در-استان-ایلام.html Archived 2017-03-14 at the Wayback Machine.
• http://www.civilica.com/Paper-ICECRM03-ICECRM03_063.html

Իրան   Աշխարհագրություն