Պերճ Սեդրակյան

Պերճ Սեդրակյան;
	; Հայկական բարեգործական ընդհանուր միության (ՀԲԸՄ) 7-րդ նախագահ
Ծնվել է	ապրիլի 14, 1949 (75 տարեկան)
Ծննդավայր	Բեյրութ, Լիբանան
Քաղաքացիություն	Լիբանան
Ազգություն	հայ
Կրթություն	Լիբանանի համալսարան և Սուրբ Ժոզեֆի համալսարան
Մասնագիտություն	քաղաքական մեկնաբան միջազգային հայտնի լրատվական ցանցերում, ինչպես ABC, Bloomberg
Աշխատանք	ՀԲԸՄ-ի նախագահ
Ամուսին	Վերա Նազարյան
Զբաղեցրած պաշտոններ	ընկերության նախագահ
Պարգևներ և ; մրցանակներ	և
Երեխաներ	Անի Սեդրակյան; Լարա Սեդրակյան
	Berge Setrakian Վիքիպահեստում

Պերճ Սեդրակյան (ապրիլի 14, 1949(1949-04-14), Բեյրութ, Լիբանան), Հայկական բարեգործական ընդհանուր միության (ՀԲԸՄ) 7-րդ նախագահ, մասնագիտությամբ իրավաբան։

Միության նախագահի բարձր պաշտոնում նա ընտրվել է 2002 թվականի փետրվարի 22-ին։ Որպես միության երկարամյա և ակտիվ անդամ, տարբեր ղեկավար պաշտոններ է զբաղեցրել սկզբնապես Լիբանանում, ապա ԱՄՆ-ում, որտեղ նա ապրում է 1976 թվականից։

Պարոն Սեդրակյանը եղել է ՀԲԸՄ Կենտրոնական վարչական ժողովի երբևէ ընտրված ամենակրտսեր անդամը (1977), որի կազմում մի տասնամյակ ծառայելուց հետո ընտրվել է Կենտրոնական վարչական ժողովի քարտուղար, ապա մի քանի տարի անց ընտրվել ՀԲԸՄ փոխնախագահ-քարտուղար, մինչև միության նախագահ ընտրվելը։

Կենսագրություն[խմբագրել | խմբագրել կոդը]

Մինչ Միացյալ Նահանգներ հաստատվելը, երիտասարդ տարիքում Պերճ Սեդրակյանը եղել է Լիբանանյան շրջանակներում համալսարանական–ուսանողական երիտասարդ քաղաքական գործիչ, ինչպես նաև համա-լիբանանյան սկաուտական շարժման ղեկավար։

Իր պաշտոնավարության տարիներին նախագահ Սեդրակյանը սերտորեն համագործակցել է իր նախորդների՝ Ալեք Մանուկյանի և Լուիզ Սիմոն Մանուկյանի հետ։ Ավելի քան երեք տասնամյակների ընթացքում Պերճ Սեդրակյանը շրջագայել է շատ երկրներում, ամրապնդելով իր կապերը ՀԲԸՄ-ի կառույցների, ընդհանրապես երիտասարդության ու մասնավորապես սփյուռքահայ երրորդ կամ չորրորդ սերնդի այն երիտասարդների հետ, որոնք կապված չեն եղել հայկական կառույցներին ու հայ կյանքին։ Նա միաժամանակ ընդլայնել է կազմակերպության ընթացիկ բազմաբնույթ ծրագրերը Հայաստանում ու սփյուռքում, զարկ տալով նոր ծրագրերի։

Պերճ Սեդրակյանը ամուսնացած է Վերա Նազարյանի հետ և ունի երկու դուստր՝ Անի, մասնագիտությամբ իրավաբան, ապրում է Նյու Յորքում և Լարա՝ մասնագիտությամբ քաղաքական մեկնաբան միջազգային հայտնի լրատվական ցանցերում, ինչպես ABC, Բլումբերգ և այլ^[1]։

Տիրապետում է հայերեն, արաբերեն, անգլերեն և ֆրանսերեն լեզուներին։ Նա ֆրանսերեն լեզվի ու համեմատական իրավունքի մագիստրատուրայի գիտական աստիճան է ստացել Լիբանանի Սեն Ժոզեֆ և Ֆրանսիայի Լիոնի հայտնի համալսարաններից։ Այժմ ավագ գործընկեր է Նյու Յորքում տեղակայված միջազգային իրավաբանական առաջատար ընկերություններից մեկում^[2]։

ՀԲԸՄ նախագահը անդամ է Նյու Յորքի ու Բեյրութի իրավաբանական պալատների, հասարակական ու շահույթ չհետապնդող այլ կազմակերպությունների տնօրենների խորհրդի, ինչպես նաև ամերիկյան-լիբանանյան համատեղ Task Force for Lebanon ընկերակցության նաև Հայաստանի ամերիկյան համալսարանի Հոգաբարձուների խորհրդի։

Պարգևներ[խմբագրել | խմբագրել կոդը]

ՀԲԸՄ նախագահ Պերճ Սեդրակյանը 2011 թվականին Հայաստանի հանրապետության նախագահի կողմից պարգևատրվել է ՀՀ Պատվո շքանշանով^[3]՝ ազգային շահերի պաշտպանության գործում ներդրած նշանակալի ավանդի և դրսևորած անմնացորդ նվիրումի, Հայաստանի հանրապետությանը մատուցած ծառայությունների, ազգանվեր երկարամյա և բեղմնավոր գործունեության համար։
2015 թ. սեպտեմբերի 24-ին ՀՀ Նախագահի հրամանագրով պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով^[4]։

Աշխատանքային գործունեություն[խմբագրել | խմբագրել կոդը]

Շնորհիվ աշխարհով մեկ կատարած իր հաճախակի ուղևորությունների, միջազգային քաղաքական ասպարեզին քաջածանոթությանը, ինչպես նաև հայկական սփյուռքի կազմակերպություններում երկարամյա ակտիվ ներգրավվածությանը՝ Պարոն Պերճ Սեդրակյանը ՀԲԸՄ-ի նախագահի իր պաշտոնին հաղորդում է գլոբալ աշխարհի եզակի հեռանկար։ Նա առաջին ՀԲԸՄ նախագահն է, ով նախքան այդ պաշտոնն ստանձնելը կազմակերպությունում զբաղեցրել է մի շարք այլ պաշտոններ^[5]։

Խորապես ըմբռնելով ներկայի մարտահրավերներն ու գիտակցելով հայրենիքի և սփյուռքի իրողությունները՝ պարոն Սեդրակյանը կոչված է առաջնորդելու ՀԲԸՄ-ն իբրև առաջատար համահայկական կազմակերպություն, այնպես ինչպես վիճակված էր Միության հիմնադիր Պողոս Նուբար Փաշայի տեսլականի շնորհիվ։

Ծանոթագրություններ[խմբագրել | խմբագրել կոդը]

↑ «Պերճ Սեդրակյանի հանդիպումը ՀԱՀ ուսանողների և աշխատակազմի հետ». Արխիվացված է օրիգինալից 2015 թ․ ապրիլի 15-ին. Վերցված է 2015 թ․ մարտի 30-ին.
↑ «Արխիվացված պատճենը». Արխիվացված է օրիգինալից 2017 թ․ փետրվարի 16-ին. Վերցված է 2015 թ․ մարտի 30-ին.
↑ Պատվո շքանշանով պարգևատրելու մասին
↑ Պ. ՍԵԴՐԱԿՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 2-ՐԴ ԱՍՏԻՃԱՆԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ
↑ ՀԲԸՄ-ն ջանքեր կգործադրի Սփյուռքի գործարարներին Հայաստան և Արցախ ներգրավելու համար. Պերճ Սեդրակյան

Արտաքին հղումներ[խմբագրել | խմբագրել կոդը]

Պերճ Սեդրակյան

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պերճ Սեդրակյան կատեգորիայում։

[1] «Պերճ Սեդրակյանի հանդիպումը ՀԱՀ ուսանողների և աշխատակազմի հետ». Արխիվացված է օրիգինալից 2015 թ․ ապրիլի 15-ին. Վերցված է 2015 թ․ մարտի 30-ին.

[2] «Արխիվացված պատճենը». Արխիվացված է օրիգինալից 2017 թ․ փետրվարի 16-ին. Վերցված է 2015 թ․ մարտի 30-ին.

[3] Պատվո շքանշանով պարգևատրելու մասին

[4] Պ. ՍԵԴՐԱԿՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 2-ՐԴ ԱՍՏԻՃԱՆԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ

[5] ՀԲԸՄ-ն ջանքեր կգործադրի Սփյուռքի գործարարներին Հայաստան և Արցախ ներգրավելու համար. Պերճ Սեդրակյան

[1]

[2]

[3]

[4]

[5]