Սաֆրայի ամրոց (Գուադալախարա)
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 Parador Duque De Feria | |
|---|---|
 Նկարագրություն | |
| Տեսակ | պալատ և դղյակ |
| Տեղագրություն | 38°25′27″ հս․ լ. 06°25′00″ ամ. ե.HGЯO |
| Վարչական միավոր | Սաֆրա[1] |
| Երկիր | Իսպանիա |
 | |
 | |
 Castillo de Zafra Վիքիպահեստում | |
Սաֆրա (իսպ.՝ Palacio de los Duques de Feria, պաշտոնական անվանումը՝ Parador Duque De Feria), ամրոց Իսպանիայի Ռուտա-դե-լա-Պլատա քաղաքում, որով հին ժամանակում անցնում էր Եվրոպայի ամենահին ճանապարհը։ Ամրոցն ընդգրկվել է Իսպանիայի մշակութային ժառանգությունների ցանկում R-I-51-0000401 գրանցման համարի ներքո։
Պատմություն[խմբագրել | խմբագրել կոդը]
Ամրոցի ունի մի քանի դարերի պատմություն։ Շինարարությունը սկսվել է 1437 թվականին։ Ամրոցը կառուցվել է, որպես Իսպանիայում ազդեցիկ և ամենահարուստ տոհմերից մեկի՝ Ֆերայի, նստավայր։
Յոթ հարյուր տարի առաջ, երբ ներկայիս ամրոցի տարածքը գտնվել է Հռոմեական Կայսրության ձեռքում, Սաֆրա է ժամանել Լորենցո Սուարես դե Ֆիգերոա 2-րդը։ 1435 թվականին Լորենցո Սուարես դե Ֆիգերոա 2-րդը ամուսնանում է Մարիա Մանուելի հետ և որպես ամուսնության նվեր խոստանում է յուրահատուկ ամրոց կառուցել։ Ամուսնությունից երկու տարի անց՝ 1437 թվականին Ֆիգերոա 2-րդը սկսում է Սաֆրա ամրոցի շինարարությունը։
Սկզբում նա քաղաքի շուրջը պարսպապատում է, նրա անվտանգությունը ապահովելու համար, իսկ հետո բարձունքի վրա կառուցում է ամրոցը։ Ամրոցի շինարարության համար օգտագործվել է Ալկասերում գտնվող մավրիտանական ամրոցների ավերակների քարերը։ Սաֆրայի պաշտոնական անունը՝ Parador Duque De Feria, հնչել է երբ ժամանել է այստեղ Մեքսիկայի կոնկիստադոր Էռնան Կորտեսը։
Քաղաքում են ծնվել մի շարք իսպանացի հայտնի գիտնականներ և հետազոտողներ Կառլ 5-րդի կառավարման ժամանակ, երբ հայտնաբերվեց Ամերիկան։ Թե Սաֆրա ամրոցը և թե քաղաքը ամբողջությամբ ստեղծում են այնպիսի միջավայր, որը բնորոշ է Իսպանիայի ազգային բնույթին ու մշակույթին։
Ճարտարապետություն[խմբագրել | խմբագրել կոդը]
Սաֆրա ամրոցի տպավորիչ ճակատամասը մարմնավորում է այդ ժամանակահատվածի բոլոր քաղաքացիական հատկանիշները, որի ընթացքում այն կառուցվել էր։ Շինարարության ժամանակ հաշվի է առնվել ռազմավարական դիրքը, որը թույլ է տալիս ապահովել և պաշտպանել քաղաքացիների անվտանգությունը, միաժամանակ ճիշտ դիրքերից հակահարված տալու ու թշնամու ուժերը ոչնչացնելու և ջախջախելու առանձնահատկությունները։
Ինը ատամնավոր աշտարակները, որոնք դրսից անմատչելի են, թաքցնում էին ներսի հիանալի ինտերիերը, որոնց գլուխգործոցը հանդիսանում է շքեղ նախշազարդերով պատված առաստաղը։ Շատ են թանկարժեք փայտից պատրաստված արկղները։
Ամրոցի տարածքում գտնվում է գոթական ոճով պատրաստված ութանկյուն հատակագծով գմբեթավոր մատուռը։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
http://www.castlesguide.ru/spain/zafra.html
 | Վիքիպահեստն ունի նյութեր, որոնք վերաբերում են «Սաֆրայի ամրոց (Գուադալախարա)» հոդվածին։ |
