Սապփո և Ալքայոս
 | |
|---|---|
 | |
| տեսակ | գեղանկար |
| նկարիչ | Լոուրենս Ալմա-Թադեմա |
| տարի | 1881 |
| բարձրություն | 66 սանտիմետր |
| լայնություն | 122 սանտիմետր |
| ժանր | պատմական գեղանկարչություն |
| նյութ | յուղաներկ և կտավ |
| գտնվում է | Ուոլթերսի արվեստի թանգարան |
| հավաքածու | Ուոլթերսի արվեստի թանգարան[1] |
Ծանոթագրություններ | |
 Sappho and Alcaeus, by Lawrence Alma-Tadema Վիքիպահեստում | |
«Սապփո և Ալքայոս» (անգլ.՝ Sappho and Alcaeus), բրիտանացի նկարիչ, պատմական և դիցաբանական թեմաների վարպետ Լոուրենս Ալմա-Թադեմայի նկարներից։ Այս ստեղծագործությունը հեղինակը վրձնել է 1881 թվականին[2]։ Յուղաներկով կտավի չափերն են 66 × 122 սմ։
Այսօր «Սապփո և Ալքայոս» ստեղծագործությունը պահպանվում և ցուցադրվում է Ուոլթերսի գեղարվեստի թանգարանում[3] (Բալթիմոր, Մերիլենդ, ԱՄՆ)։
Նկարագիր[խմբագրել | խմբագրել կոդը]
Լոուրենս Ալմա-Թադեման «Սապփո և Ալքայոս» ստեղծագործությունում պատկերել է համերգ, որը տեղի է ունեցել մեր թվարկությունից առաջ՝ VII դարավերջին․ այն կայացել է ծովափին՝ մարմարապատ ամֆիթատրոնում։ Հույն բանաստեղծ Ալքայոսը նվագում է կիֆարա։ Նրան ունկնդրում է հույն բանաստեղծուհի Սապփոն՝ մի քանի ընկերուհու ուղեկցությամբ։ Սապփոյի ձեռքը դրված է բարձին, որի վրա դափնեպսակ կա, որն, ըստ էության, նախատեսված է կատարողի համար։
Պատմություն[խմբագրել | խմբագրել կոդը]
«Սապփո և Ալքայոս» ստեղծագործությունը ցուցադրվել է 1881 թվականին Թագավորական ակադեմիայում։ Նկարը գնել է բալթիմորցի Ուիլյամ Թոմփսոն Ուոլթերսը։ Նրա մահվանից հետո 1894 թվականին կտավն անցնում է որդուն՝ Հենրի Ուոլթերսին։ Վերջինս նկարը կտակել է Ուոլթերսի գեղարվեստի թանգարանին։
Ծանոթագրություններ[խմբագրել | խմբագրել կոդը]
- ↑ http://art.thewalters.org/detail/10245
- ↑ «Sappho and Alcaeus». www.handmadepiece.com (անգլերեն). Վերցված է 2023 թ․ դեկտեմբերի 1-ին.
- ↑ «Sappho and Alcaeus | The Walters Art Museum». Online Collection of the Walters Art Museum (անգլերեն). Վերցված է 2023 թ․ դեկտեմբերի 1-ին.
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սապփո և Ալքայոս կատեգորիայում։ |