Սան Մինիատո Ալ Մոնտե
| Սան Մինիատո Ալ Մոնտե Basilica di San Miniato al Monte | |
|---|---|
 | |
| Հիմնական տվյալներ | |
| Տեսակ | փոքր բազիլիկ և abbey church? |
| Երկիր |  Իտալիա |
| Տեղագրություն | Basilica di San Miniato al Monte Via delle Porte Sante, 34 50125, Florence, Italy |
| Դավանանք | կաթոլիկություն |
| Թեմ | Ֆլորենցիայի թեմ |
| Հոգևոր կարգավիճակ | բազիլիկ |
| Նվիրված | Minias of Florence? |
| Անվանված | Երրորդություն |
| Ճարտարապետական տիպ | ռոմանական |
| Ճարտարապետական ոճ | Ռոմանական ճարտարապետություն և Վերածննդի ճարտարապետություն |
| Հիմնադրված | 1018 |
| Առաջին հիշատակում | 1018 |
 | |
 | |
| mega.it/eng/egui/monu/sminiat.htm | |
Սան Մինիատո Ալ Մոնտե (անգլ.՝ St. Minias on the Mountain, իտալերեն՝ Basilica di San Miniato al Monte), բազիլիկա Ֆլորենցիայում, քաղաքի ամենաբարձրադիր մասում։ Համարվում է Տոսկանայի հռոմեական կառույցներից և Իտալիայի ամենագեղեցիկ եկեղեցիներից մեկը։ Սահմանակից է Օլիվետան վանքային համալիրին։
Պատմություն[խմբագրել | խմբագրել կոդը]
Ֆլորենցիայի առաջին քրիստոնյա նահատակը՝ Սուրբ Մինիատոն, Մինաս անունով հայ իշխան է եղել։ Հպարտ ու հարուստ մարդ է եղել ու հավատարիմ ծառայել Դեցիուս Տրայանուս կայսերը։ Սակայն քրիստոնեություն ընդունելուց հետո թողել է պետական ծառայությունն ու մեկուսացել Տոսկանիայի քարանձավներից մեկում, որոշում ապրել ճգնավորության մեջ։ Կայսրը սա դավաճանություն է համարել ու հրամայել ձերբակալել ու նետել նրան գազանների մեջ, որ հոշոտեն։ Բայց վարքագրությունն ասում է, որ վայրի կենդանիները չեն մոտեցել նահատակին։ Դահիճները, տեսնելով, որ Մինասը կենդանի է, գլխատել են նրան։ 4-րդ դարում Մինասի նախկին քարանձավի տեղում փոքր մատուռ են կառուցել, բայց 1018 թվականին քանդեցին ու փոխարենը բազիլիկա կառուցեցին, որը համարվում է Ֆլորենցիայի ամենագեղեցիկ եկեղեցիներից մեկը։ Սան Մինիատո Ալ Մոնտեի ներսում՝ ապսիդի վերջում, մեծ խճանկար կա, որտեղ պատկերված է Քրիստոսը. նրա աջ կողմում գտնվում է Մարիամ Աստվածածինը, իսկ ձախում՝ հայ իշխանը, ով թագը դնում է Քրիստոսի գլխին[1]։
Սուրբ Մինասի աբբայության վաղ շրջանի արվեստը[խմբագրել | խմբագրել կոդը]
Սուրբ Մինասի հիշատակին նվիրված պատարագը մատուցվում է հոկտեմբերի 25-ին։ Սակայն նրա ամենօրյա համբավը սնուցվում է ավագ խորանի ուշ բյուզանդական ոճի խճանկարով։ Այնտեղ «Rex Erminie», թագավոր հայոց տիտղոսով է նա ներկայացված։ Սուրբ Մինասը, Աստվածամորը համաչափ, մատուցում է նրա երկրային թագը միակ իրական Թագավորին, ի պատասխան արժանանալով երկնային փառքի։
Ծանոթագրություններ[խմբագրել | խմբագրել կոդը]
- ↑ «Սան Մինիատո Ալ Մոնտթե»։ Արխիվացված է օրիգինալից 2016-03-04-ին։ Վերցված է 2015-01-25
Արտաքին հղումներ[խմբագրել | խմբագրել կոդը]
| ||||||
