Սամանթա Թինա

Վիքիպեդիայից՝ ազատ հանրագիտարանից
Jump to navigation Jump to search
Սամանթա Թինա
Samanta Tina photoshooting at Laima Rendez Vous Jurmala 2017.jpg
Ծնվել էմարտի 31, 1989(1989-03-31) (31 տարեկան)
Տուկմուս, Լատվիա
ԵրկիրFlag of Latvia.svg Լատվիա
Ժանրերփոփ երաժշտություն
Մասնագիտություներգչուհի
Գործիքներվոկալ
Samanta Tīna Վիքիպահեստում

Սամանթա Թինա (լատիշ․՝ Samanta Tīna, ծնունդով՝ Պոլյակովա, մարտի 31, 1989(1989-03-31), Տուկմուս, Լատվիա), լատվիացի էստրադային երգչուհի, «Академия О!Карте» հեռուստաշոուի հաղթող, 2012 թվականին երիտասարդ կատարողների միջազգային մրցույթում՝ «Սլավյանսկի բազարում», ներկայացրել է Լատվիան, որտեղ զբաղեցրել է 2-րդ հորիզոնականը։ Ներկայացնելու է Լատվիան Եվրատեսիլ 2020 երգի մրցույթում:

Կենսագրություն[խմբագրել | խմբագրել կոդը]

2010 թվականին Թինան հաղթել է լատվիական «Академия О!Карте» երաժշտական մրցույթը և հնարավորություն ստացել սովորելու Լոնդոնի «British and Irish Modern Music Institute»-ում[1]։ 2011 թվականին մասնակցել է մոլդովական երաժշտական «Ոսկե ձայներ» մրցույթին և հաղթել է Մոլդովայի գավաթը[2]։

2012 թվականին Սամանթան մասնակցել է «Սլավյանսկի բազարին», որտեղ զբաղեցրել է երկրորդ հորիզոնականը։ Նույն տարում նա Դավիթս Կալանդիայի հետ «I Want You Back» երգով մասնսակցել է «Եվրատեսիլ 2012»-ի Լատվիայի ազգգային ընտրությանը[3], բայց զբաղեցրել են երկրորդ հորիզոնականը։

2013 թվականին Սամանթան «I Need a Hero» երգով կրկին մասնակցել է նույն ընտրական փուլին, բայց, ինչպես 2012 թվականին, այդ տարի նույնպես զբաղեցրել է երկրորդ հորիզոնականը։

2014 թվականին Սամանթան «Stay» երգով դարձյալ մասնակցել է նույն ընտրական փուլին, բայց զբաղեցրել երրորդ հորիզոնականը։ Նույն տարում Սամանթան մասնակցել է լիտվական հեռուստատեսության «Lietuvos Balsas» հեռուստահաղորդման երրորդ եթերաշրջանին, «Ձայնը» հաղորդման լիտվական տարբերակին։ Նա լիտվերեն չի խոսել մարզիչների հետ, խոսել է ռուսերեն։

2016 թվականին Սամանթան «The Love Is Forever» և «We Live For Love» երգերով կրկին մասնակցել է ազգային ընտրության փուլին, բայց մինչև եզրափակիչ դուրս է եկել Ստոկհոլմի տոմսի պայքարի համար։

Ներկայումս Սամանթան ձայնագրում է իր երկրորդ ստուդիական ալբոմը, առաջինը եղել է «Tagad esmu cita»-ն (հայ․՝ Հիմա ես ուրիշ եմ)[4]։ Երգչուհին երազում է Եվրատեսիլում ներկայացնել իր երկիրը։

2020 թվականին նա նորից մասնակցել է ազգային ընտրության փուլին և այս անգամ նա կարողացել է հաղթել՝ ներկայացնելով «Still Breathing» երգը: Եվ հենց նա էր ներկայացնելու Լատվիան Եվրատեսիլ 2020 երգի մրցույթում: Սակայն COVID-19 համավարակի պատճառով այն չեղարկվել է:

Ծանոթագրություններ[խմբագրել | խմբագրել կոդը]

  1. «"O!Kartes akadēmijā" uzvar Samanta Tīna» (Latvian)։ Kasjauns.lv։ Վերցված է հունվարի 30, 2013 
  2. Samanta Tīna izcīna "Moldovas kausu" - DELFI
  3. Webb Glen (օգոստոսի 30, 2011)։ «Latvia revamps national selection rules for 2012»։ Eurovision.tv։ Վերցված է օգոստոսի 30, 2011 
  4. Samanta Tīna ar ballīti prezentē pirmo albumu