Սահակ Տրոյան
| Սահակ Տրոյան | |
|---|---|
 | |
| Ծնվել է | օգոստոսի 19, 1949 (74 տարեկան) |
| Ծննդավայր | Վլադիվոստոկ, ՌԽՖՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ (1977) |
| Մասնագիտություն | լուսանկարիչ |
| Աշխատավայր | Q4198734?, Հայկական պետական մանկավարժական համալսարան և Երևանի թատրոնի և կինոյի պետական ինստիտուտ |
Սահակ Անդրեյի Տրոյան (օգոստոսի 19, 1949, Վլադիվոստոկ, ՌԽՖՍՀ, ԽՍՀՄ), հայ լուսանկարիչ, ֆոտոթղթակից։
Կենսագրություն[խմբագրել | խմբագրել կոդը]
Սահակ Տրոյանը ծնվել է 1949 թվականի օգոստոսի 19-ին, Վլադիվոստոկում։ 1962 թվականին Տրոյանների ընտանիքը հաստատվել է Երևանում։ Լուսանկարչության առաջին դասերն առել է հորից։ 1972 թվականին ավարտելով զինվորական ծառայությունը՝ աշխատել է Պատանի տեխնիկների կայանի ֆոտո խմբակի ղեկավար։ 1977 թվականին ավարտել է Երևանի պոլիտեխնիկական ինստիտուտի էլեկտրոնային հաշվիչ մեքենաների ֆակուլտետը։ Մասնագիտությամբ աշխատելուն զուգահեռ, զբաղվել է լուսանկարչությամբ, տպագրվել է մամուլում։ 1984 թվականին եղել է «Изобретатель и рационализатор» ամսագրի ֆոտոթղթակից։ Խաչատուր Աբովյանի անվան հայկական պետական մանկավարժական համալսարանի կուլտուրայի ֆակուլտետի դոցենտ է[1][2], լուսանկարչություն է դասավանդում նաև Երևանի թատրոնի և կինոյի պետական ինստիտուտում։ Հայկական նորաձևությունների տանը եղել է գովազդի լուսանկարիչ[3]։
Անդամակցություն[խմբագրել | խմբագրել կոդը]
- Մշակույթի նախարարության նախագծած երիտասարդական ֆոտոցուցահանդեսների ժյուրիի անդամ, 2007
- Հայաստանի ժուռնալիստների միության անդամ, 1997
Ցուցահանդեսներ[խմբագրել | խմբագրել կոդը]
- «Կովկասը իմ տունը» արվեստների փառատոն, Վրաստան, ք. Բաթումի, առաջին տեղ, լուսանկարչություն, 2007 թ.
- Անհատական ցուցահանդես «Հայ Արտ» կենտրոնում, 2008 թ.[4]
- Հայ գեղարվեստական լուսանկարների ցուցահանդես, 2009 թ.
- Լուսանկարների ցուցահանդես Թեքեյան կենտրոն, 2009 թ.
- "Негасимое пламя՚" նախաբան լուսանկար, 2010 թ.
Գրականություն[խմբագրել | խմբագրել կոդը]
- Քոչար, Վահան։ Հայ լուսանկարիչներ, հեղինակային հրատարակություն, 2007, էջ 255։
Ծանոթագրություններ[խմբագրել | խմբագրել կոդը]
- ↑ «Սահակ Տրոյան». aspu.am. Վերցված է 2019 թ․ հունվարի 13-ին.
- ↑ «МОЯ ДУША НАЙДЕТ СЕБЕ МЕСТО НА СТЕНАХ АЛЬМА МАТЕР». www.ysu.am. Վերցված է 2019 թ․ հունվարի 13-ին.(չաշխատող հղում)
- ↑ Սահակ Տրոյանի մասին Հայկական պետական մանկավարժական համալսարանի կայքում
- ↑ «Фотовыставка «Человек и металл» открылась сегодня в Ереване». newsarmenia.am. Վերցված է 2019 թ․ հունվարի 13-ին.