Սաթենիկ Մկրտչյան

Վիքիպեդիայից՝ ազատ հանրագիտարանից
Jump to navigation Jump to search
Սաթենիկ Մկրտչյան
Ծնվել էնոյեմբերի 1, 1946(1946-11-01) (73 տարեկան)
ԾննդավայրԼենինական, Հայկական ԽՍՀ, ԽՍՀՄ
Մասնագիտությունարձակագիր և թարգմանիչ
Ազգությունհայ
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
ԿրթությունԵրևանի պետական համալսարան
ԱնդամակցությունՀայաստանի գրողների միություն
Սաթենիկ Մկրտչյան Վիքիքաղվածքում

Սաթենիկ Մամիկոնի Մկրտչյան (նոյեմբերի 1, 1946(1946-11-01), Լենինական, Հայկական ԽՍՀ, ԽՍՀՄ), հայ արձակագիր, թարգմանիչ: Հայաստանի գրողների միության անդամ (1989 թ.)[1]:

Կենսագրություն[խմբագրել | խմբագրել կոդը]

Սաթենիկ Մկրտչյանը ծնվել է 1946 թվականին, Լենինականում։ Ավարտել է Լենինականի բժշկական ուսումնարանը, ապա Երևանի պետական համալսարանի բանասիրական ֆակուլտետը։ 1989 թվականից Հայաստանի գրողների միության անդամ է, աշխատել է Հայաստանի գրողների միության պրոպագանդայի բյուրոյում, հրատարակչություններում («Արևիկ», «Անահիտ»), հիմնադրել և հրատարակել է «Արծվիկ» մանկապատանեկան հանդեսը։ Սաթենիկ Մկրտչյանի ստեղծագործությունները տպագրվել են հայաստանյան և արտասահմանյան մամուլում և հանդեսներում, այդ թվում Կահիրեի «Արև» հանդեսում։ Խմբագրել է նաև իրավաբանական աշխատություններ[2]։

Ստեղծագործություններ[խմբագրել | խմբագրել կոդը]

Սաթենիկ Մկրտչյանի վիպակները և պատմվածքները տրագրվել են ռուսական մամուլում, մասնավորապես, «Յունոստ» ամսագրում տպագրված նրա «Հին քաղաքի ամենածեր հնակարկատը» «Կիևնաուչֆիլմը» վերածել է մուլտիպլիկացիոն կինոնկարի: Հրատարակվել են նրա «Դաշտային ծաղիկներ» (վիպակ, 1980 թ.), «Քառասունվեց ահեղ հնդկացիներ» (վիպակ, 1984 թ.), «Վերադարձ» (պատմվածքների ժողովածու, 2006 թ.), «Այրված կենդանակերպ» (վեպ, 2011 թ.), «Մերկ ինչպես Ադամը» (պատմվածքներ, 2013 թ.) և այլ գրքեր: Թարգմանել է Սերգեյ Յակովենկոյի «Զարուհի Դոլուխանյան և Պավել Լիսիցյան» (2012 թ.), «Մոգական Զարուհի Դոլուխանյանը» (2012 թ.) և այլ երկեր:

Սաթենիկ Մկրտչյանի համար ներշնչանքի աղբյուր են եղել այնպիսի գրողներ, ինչպիսիք են Ամբրոզ ԲիրսըՕ. Հենրին, Խուլիո ԿորտասարըՈւիլյամ Ֆոլքները, Գաբրիել Գարսիա Մարկեսը և այլք[3]:

Երկեր[խմբագրել | խմբագրել կոդը]

  • Մերկ ինչպես Ադամը (պատմվածքներ) Երևան, 2013 թ.
  • Այրված կենդանակերպ (վեպ), Երևան, 2011[3]թ.
  • Վերադարձ (պատմվածքների ժողովածու) Երևան, 2006 թ.
  • Քառասունվեց ահեղ հնդկացիներ (վիպակ) Երևան, 1984 թ.
  • Դաշտային ծաղիկներ (վիպակ) Երևան, 1980 թ.

Թարգմանություններ[խմբագրել | խմբագրել կոդը]

  • Սերգեյ Յակովենկո, Զարուհի Դոլուխանյան և Պավել Լիսիցյան, Երևան, 2012 թ.
  • Սերգեյ Յակովենկո, Մոգական Զարուհի Դոլուխանյանը, Երևան, 2012 թ.

Պարգևներ[խմբագրել | խմբագրել կոդը]

  • Մոսկվայի նոր իրավաբանական ինստիտուտի Ոսկե մեդալ, 2006 թ.
  • Ճապոնիայում մանկապատանեկան պատմվածքի մրցույթի առաջին մրցանակ, 2002 թ.
  • Երիտասարդ ստեղծագործողների քաղաքային ամենամյա մրցույթների պատվոգրեր
  • Մկրտչյանի առաջին տպագրված պատմվածքն արժանացել է «Սովետական դպրոց» թերթի առաջին մրցանակին[3]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]