Ռուբեն Դաշտոյան

Վիքիպեդիայից՝ ազատ հանրագիտարանից
Jump to navigation Jump to search
Ռուբեն Պետրոսի Դաշտոյան
Ruben Dashtoyan.jpg
Ծնվել է13․09․1879 թվական
ԾննդավայրՆոր Բայազետ (այժմ՝ Կամո)
Մահացել է1937 թվական
Ազգությունհայ
ԿրթությունՆերսիսեան դպրոց
Մասնագիտությունհեղափոխական, կուսակցական գործիչ

Ռուբեն Պետրոսի Դաշտոյան (սեպտեմբեր 13, 1879, Նոր Բայազետ (այժմ՝ Գավառ - 1937), հայ հեղափոխական, կուսակցական գործիչ։ ԽՄԿԿ անդամ 1902 թվականից։

Ծնվել է փոստ-հեռագրական ծառայողի ընտանիքում: Սովորել է Թիֆլիսի Ներսիսյան դպրոցը, ապա տեղափոխվել է Էջմիածնի Գևորգյան ճեմարան: Ճեմարանից հեռացվում է: Վերադառնալով Թիֆլիս՝ կրկին մտնում է Ներսիսյան ճեմարան, որն ավարտում է 1898 թվականին: Այնուհետև աշխատում է Բաքվի նավարդյունաբերական ընկերություններում, իսկ 1902-1907 թվականներին՝ Թիֆլիսի քաղաքային լաբորատորիայում:

«Հայ սոցիալ-դեմոկրատների միության» և նրա օրգան «Պրոլետարիատ» թերթի հիմնադիրներից է։

1907 թվականին կուսակցությունը Դաշտոյանին ուղարկում է Բաքվի բոլշևիկյան «Օրեր» թերթում աշխատելու Այստեղ ակտիվ գործունեություն է ծավալում, որի համար ձերբակալվում է 1912 թվականին: 1914 թվականին զգալի դեր է խաղացել «Նոր խոսք» պարբերականի հրատարակման գործում: Աշխատակցել բոլշևիկյան մի շարք թերթերի:

1917 թվականին եղել է զինվորական ծառայության մեջ, ընտրվել է Ախալցխայի բանվորների և զինվորների դեպուտատների խորհրդի նախագահ։ Նույն թվականին Դաշտոյանը տեղափոխվում է Երևան: Մասնակցել է 1920 թվականի մայիսմեկյան ցույցերին[1]: Հայաստանում խորհրդային կարգերի հաղթանակից հետո նշանակվել է Ղամարլուի (Արտաշատ), Նոր Բայազետի (1921) Հեղկոմի, Ղարաքիլիսայի (Վանաձոր, 1922), Դիլիջանի (1924) գավգործկոմների նախագահ, ԽՍՀՄ Կենտգործկոմի քարտուղար, միաժամանակ նախագահի տեղակալ։

Ընտրվել է ԽՍՀՄ Անդրֆեդերացիայի Կենտգործկոմների անդամ։

Պարգևատրվել է Աշխատանքային կարմիր դրոշի շքանշանով։ Վախճանվել է 1937 թվականին։

Ծանոթագրություններ[խմբագրել | խմբագրել կոդը]

  1. Անմոռաց դեմքեր (Ներսիսյան դպրոցի սաներ), Ե., «Հայաստան», 1965, էջ 41-42:
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 290 CC-BY-SA-icon-80x15.png