Ռոբինզոն Կուզյա

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ռոբինզոն Կուզյա
Տեսակմուլտֆիլմ
ՌեժիսորԱնատոլի Ռեզնիկով
ՍցենարիստAleksandr Antokolsky?
ՀնչյունավորումԷրաստ Գարին, Գեորգի Մենգլետ, Սպարտակ Միշուլին, Նատալյա Գոլուբենցևա, Գեորգի Վիցին և Վալենտին Նիկուլին
ԵրաժշտությունԲորիս Սավելև
ՕպերատորԷրնստ Ալեքսանդրի Գաման
ԵրկիրFlag of the Soviet Union.svg ԽՍՀՄ
ԸնկերությունԷկրան
Թվական1978

Ռոբինզոն Կուզյա (ռուս.՝ Робинзон Кузя), խորհրդային անիմացիոն ֆիլմ, որը նկարահանել է ռեժիսոր Անատոլի Ռեզնիկովը 1978 թվականին։ Մուլտֆիլմը նկարահանվել է Ալեքսանդր Անտոկոլսկու սցենարով, որը Դանիել Դեֆոյի «Ռոբինզոն Կրուզո» հայտնի վեպի ծաղրանմանակումն է։

Սյուժե[խմբագրել | խմբագրել կոդը]

Մուլտֆիլմի գլխավոր հերոսը պիոներ Կուզյան է, որը շատ ծույլ է և չի ուզում աշխատել։ Ընկերները հաճախ են գալիս նրա մոտ՝ օգնություն խնդրելու կամ պարզապես խաղալու կանչելու։ Բայց Կուզյան միշտ մերժում է նրանց։ Նրա սիրած զբաղմունքը Ռոբինզոն Կրուզոյի մասին գիրք կարդալն է։ Նա երազում է գլխավոր հերոսի նման հայտնվել անմարդաբնակ կղզում։ Մի օր նրա ցանկությունը կատարվում է, և Կուզյան հայտնվում է անմարդաբնակ կղզում։ Այնտեղի միակ բնակիչները չորս կատուներն են ու մի թութակ։ Հանգամանքների երջանիկ բերումով պիոները փրկում է թութակին կատուների ձեռքից, և նա, ի երախտագիտություն, պատրաստ էր օգնել Կուզյային խորհուրդներով։ Առաջին փորձությունը սպասվող անձրևն էր։ Կուզիան որոշում է, որ տուն կառուցելը շատ հեշտ է, և արագ կառուցում է մի բան, որը տան նման չէր։ Երկրորդ փորձությունը քաղցն էր, սակայն նրան բացի բանանից և կոկոսի կաթից որևէ այլ սնունդ գտնել չի հաջողվում։ Բայց շուտով նրան սպասվում էր երրորդ փորձությունը։ Չար կատուները նենգ պլաններ են մշակում թութակին և Ռոբինզոնին բռնելու համար։

Հեղինակներ[խմբագրել | խմբագրել կոդը]

  • Ռեժիսոր` Անատոլի Ռեզնիկով
  • Սցենարի հեղինակ` Ալեքսանդր Անտոկոլսկի
  • Բեմադրող նկարիչ` Գենադի Սմոլյանով
  • Օպերատոր` Էռնստ Գաման
  • Կոմպոզիտոր` Բորիս Սավելի
  • Հնչյունային օպերատոր` Վիտալի Ազարովսկի
  • Ֆիլմի վրա աշխատել են` Յու. Բելով, Վ. Թոքմատով, Օ. Անաշկինա, Վ. Չուրիկ, Ի. Մեդնիկ, Ա. Լևչիկ, Ա. Կոլկով, Ի. Դեգտարևա, Լ. Ռյաբչևսկայա, Է. Հոդինա, Ն. Դրուժինինա, Ն. Օրանսկյա, Լ. Վարանցովա, Գ. Դրոբինինա

Դերերը կրկնօրինակել են[խմբագրել | խմբագրել կոդը]

  • Պետյա Դեգտյարյով` Կուզյա
  • Գալինա Իվանովա` 1-ին տղա
  • Բրոնիսլավա Զախարովա` 2-րդ տղա
  • Էրաստ Գարին` թութակ
  • Ջորջ Մենգլետ՝ առաջնորդ կատու
  • Սպարտակ Միշուլին՝ երկու սև ու սպիտակ կատու
  • Գեորգի Վիցին՝ սև-սպիտակ կատու
  • Վալենտին Նիկուլին` Ռոբինզոն Կրուզո
  • Նատալյա Գոլուբենցևա՝ երեք պիոներ

Փաստեր[խմբագրել | խմբագրել կոդը]

  • Կուզյան թութակին իր կացարանի իրավիճակը ցույց տալիս ասում է. «Սա սեղան է, սրա մոտ ուտում ենք։ Սա աթոռ է, սրա վրա նստում ենք»։ Այս արտահայտությունը մեջբերում է Սամուիլ Մարշակի «Կատվի տունը» մուլտֆիլմից։
  • Նման սյուժեով է նկարահանված նաև «Նոր Գուլիվեր» (1935) ֆիլմ, որտեղ Պետյա անունով տղան քնում է Գուլիվերի ճանապարհորդությունները գիրքը կարդալիս և հերոսի փոխարեն հայտնվում է Լիլիպուտների երկրում։

Վերաթողարկում[խմբագրել | խմբագրել կոդը]

Մուլտֆիլմը DVD ձևաչափով թողարկվել է մուլտֆիլմների «Ծղոտե ցլիկ»[1], «Ռոբինզոն Կուզյա» (թողարկում 2)[2] հավաքածուներում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]