Ջուլիան Փիրս
| Ջուլիան Փիրս | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | field hockey player |
| Երկիր՝ | .svg){kind=small} Ավստրալիա |
| Ծննդյան ամսաթիվ՝ | ապրիլի 15, 1937 (87 տարեկան) |
| Ծննդավայր՝ | Ջաբալպուր, Central Provinces and Berar, Բրիտանական Հնդկաստան, Բրիտանական կայսրություն |
| 183 սանտիմետր[1] | |
| Քաշ՝ | 77 կիլոգրամ[1] |
Ջուլիան Բրայան Փիրս ( անգլ. ՝ Julian Brian Pearce, ապրիլի 15, 1937, Ջաբալպուր, Central Provinces and Berar, Բրիտանական Հնդկաստան, Բրիտանական կայսրություն), ավստրալիացի մականախաղորդ / հոկեյիստ, պաշտպան։ 1968 թվականի ամառային օլիմպիական խաղերի արծաթե մեդալակիր, 1964 թվականի ամառային օլիմպիական խաղերի բրոնզե մեդալակիր։
Կենսագրություն[խմբագրել | խմբագրել կոդը]
Ջուլիան Փիրսը ծնվել է 1937 թվականի ապրիլի 15-ին Հնդկաստանի Ջաբալպուր քաղաքում։
Մանկությունն անցկացրել է Բրիտանական Հնդկաստանում, որտեղ սովորել է խոտի հոկեյ խաղալ։ 1947 թվականին, Հնդկաստանի անկախացումից և Բրիտանական Հնդկաստանի բաժանումից հետո, նրա հայրը իր տղաներից Սեկի հետ տեղափոխվել է Ավստրալիա և հաստատվել Պերտում։ 1948 թվականին նրանց միացել են ընտանիքի մնացած անդամները[2]։
Ջուլիանն սկզբում ընդգրկվել է Արևմտյան Ավստրալիայի հավաքականում։ 1960 թվականին Հռոմի օլիմպիական խաղերում հանդես է եկել Ավստրալիայի հոկեյի հավաքականի կազմում, որն զբաղեցրել է 6-րդ տեղը։ Հաջորդ՝ Տոկիոյի օլիմպիադայում գրավել են 3-րդ տեղը և արժանացել բրոնզե մեդալի։ 1968 թվականին Մեխիկոյի օլիմպիական խաղերում Ջուլիանը, դարձյալ Ավստրալիայի մականախաղի հավաքականի կամում հանդես գալով պաշտպանի դիրքում և մասնակցելով 10 հանդիպման, նվաճել է արծաթե մեդալ։
1970 թվականից նա այլևս չի մասնակցել միջազգային մրցախաղերի, բայց մինչև 1980-ականների կեսերը շարունակել է հանդես գալ նահանգային մակարդակի մրցումներում՝ որպես Թրինիթի թիմի խաղացող-մարզիչ։
Ընտանիքը[խմբագրել | խմբագրել կոդը]
Ջուլիան Փիրսի բոլոր եղբայրները՝ Էրիկը, Գորդոնը, Մելը և Սեկը, նույնպես խաղացել են Ավստրալիայի մականախաղի հավաքականի կազմում։ Բոլորը, ի տարբերություն նրա, հարձակվողներ էին։ Մել Փիրսը (1928–2011)[3] մասնակցել է 1956 թվականի, Էրիկ Փիրսը՝ (ծնվ. 1931)[4]՝ - 1956, 1960, 1964 և 1968 թվականների, Գորդոն Փիրսը (ծնվ. 1934)[5]՝ 1956, 1960 եւ 1968 թվականների ամառային օլիմպիական խաղերին։
Մել Փիրսի դուստրը՝ Քոլին Փիրսը (ծնված 1961 թ.)[6] խաղացել է Ավստրալիայի մականախաղի կանանց հավաքականում։ 1983 թվականին նա նվաճել է աշխարհի առաջնության բրոնզե մեդալը և մասնակցել 1984 թվականի ամառային օլիմպիական խաղերին։
Մեծարանք[խմբագրել | խմբագրել կոդը]
1987 թվականին Ջուլիան Փիրսն ընդգրկվել է Արևմտյան Ավստրալիայի մականախաղի փառքի սրահում[2], 1999 թվականին՝ Ավստրալիայի մարզական փառքի սրահում (Մելբուրն)[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 Olympedia — 2006.
- ↑ 2,0 2,1 W. A. Hall of Champions inductee booklet. — Western Australian Institute of Sport, 2006. — С. 86.
- ↑ «Mel Pearce Bio, Stats, and Results» (անգլերեն). Olympics at Sports-Reference.com. Արխիվացված է օրիգինալից 2012 թ․ հոկտեմբերի 26-ին. Վերցված է 2020 թ․ ապրիլի 6-ին.
- ↑ «Julian Pearce Bio, Stats, and Results» (անգլերեն). Olympics at Sports-Reference.com. Արխիվացված է օրիգինալից 2012 թ․ հոկտեմբերի 26-ին. Վերցված է 2020 թ․ մայիսի 5-ին.
- ↑ «Gordon Pearce Bio, Stats, and Results» (անգլերեն). Olympics at Sports-Reference.com. Արխիվացված է օրիգինալից 2012 թ․ հոկտեմբերի 26-ին. Վերցված է 2020 թ․ ապրիլի 6-ին.
- ↑ «Colleen Pearce Bio, Stats, and Results» (անգլերեն). Olympics at Sports-Reference.com. Արխիվացված է օրիգինալից 2012 թ․ հոկտեմբերի 26-ին. Վերցված է 2020 թ․ ապրիլի 6-ին.
- ↑ «Sport Australia Hall of Fame - Member Profile». www.sahof.org.au. Արխիվացված օրիգինալից 2019 թ․ մարտի 23-ին. Վերցված է 2020 թ․ մայիսի 5-ին.
Արտաքին հղումներ[խմբագրել | խմբագրել կոդը]
- «Hockey WA Olympic Representatives». hockeywa.org.au. Արխիվացված է օրիգինալից 2007 թ․ դեկտեմբերի 10-ին. Վերցված է 2007 թ․ նոյեմբերի 15-ին.
- Anglo-Indians In Touch(չաշխատող հղում)
|
