Ջորջ Լոուրենս Փրայս
| Ջորջ Լոուրենս Փրայս | |
|---|---|
 | |
| դեկտեմբերի 15, 1892 - նոյեմբերի 11, 1918 (25 տարեկան) | |
| Ծննդավայր | Falmouth, Նոր Շոտլանդիա, Կանադա |
| Մահվան վայր | Ville-sur-Haine, Le Rœulx, Սուանիե, Էնո, Բելգիա |
| Գերեզման | Մոնս[1] |
| Քաղաքացիություն | .svg){kind=small} Կանադա |
| Զորատեսակ | Canadian Corps? |
| Կոչում | շարքային |
| Մարտեր/ պատերազմներ | Առաջին համաշխարհային պատերազմ |
Ջորջ Լոուրենս Փրայս (անգլ.՝ George Lawrence Price, դեկտեմբերի 15, 1892, Falmouth, Նոր Շոտլանդիա, Կանադա - նոյեմբերի 11, 1918, Ville-sur-Haine, Le Rœulx, Սուանիե, Էնո, Բելգիա), կանադացի զինվոր, շարքային; Ավանդաբար համարվում է Բրիտանական կայսրության վերջին զինվորը, որ զոհվել է Առաջին համաշխարհային պատերազմում՝ սպանվել է ժամը 10:58-ին, Առաջին Կոմպիենի զինադադարի ուժի մեջ մտնելուց երկու րոպե առաջ, բայց ոչ վերջին զինվորը, որը զոհվել է պատերազմում, վերջինը՝ Հենրի Գյունթերն է, ԱՄՆ բանակի սերժանտ, որ մահացել է ժամը 10:59-ին:
Կենսագրություն[խմբագրել | խմբագրել կոդը]
Ջորջ Լոուրենս Փրայսը ծնվել է 1892 թվականի դեկտեմբերի 15-ին Ֆալմութում, Նոր Շոտլանդիա, Կանադա։ Նա իր մանկությունն անցկացրել է Չերչ Սթրիթում (այժմ՝ Պորտ Ուիլյամս), զորակոչի պահին՝ 1917 թվականի հոկտեմբերի 17-ին բնակվել է Մուս-Ջո քաղաքում[2]։ Ծառայել է կանադական էքսպեդիցիոն ուժերի A վաշտի 28-րդ գումարտակում։
Մահ[խմբագրել | խմբագրել կոդը]
1918 թվականի նոյեմբերի 11-ին շարքային Փրայսը մասնակցել է բելգիական փոքր գյուղի գրավմանը։ Հակառակորդի գնդացիրից կրակի տակ անցնելով Վիլ-սյուր-Այն քաղաքի Կենտրոնական ջրանցքը, պարեկներըը շարժվել են դեպի տների շարքը, որպեսզի չեզոքացնեն գնդացրորդին, որ կրակել էր պարեկի վրա անցման ժամանակ։ Պարեկը ներխուժել է տուն, սակայն զինվորները պարզել են, որ գերմանացիներին հաջողվել է փախչել հետևի ելքով։ Հետո կանադացիները խուզարկել են հարևան տունը, սակայն այնտեղ էլ ոչ ոքի չեն գտել։ Ջորջ Փրայսը, տան տիրոջ խորհրդին հակառակ դուրս է եկել տնից։ Ժամը 10:58-ին հրացանի կրակոց է հնչել և Փրայսը ընկել է մահացած[3]։
Ճակատագրի հեգնանքով Փրայսը մահացել է առաջին Կոմպիենի զինադադարից ուղիղ երկու րոպե առաջ[4]։
Ջորջ Փրայսի հուղարկավորությունը տեղի է ունեցել Մոնսից հարավ-արևելք Ավրեյսի հին համայնքային գերեզմանատանը, որտեղ թաղված են պատերազմում զոհված առաջին և վերջին բրիտանացի զինվորները՝ Ջոն Պարը և Ջորջ Էլիսոնը[5]։
1968 թվականին Փրայսի մահվան 50-ամյակի և զինադադարի կապակցությամբ նրա վաշտի ողջ մնացած զինվորները ժամանել են Վիլ-սյուր-Այն՝ հուշատախտակ բացելու այն տան վրա, որի մոտ նա զոհվել էր[2]։
Հիշատակ[խմբագրել | խմբագրել կոդը]
Վիլ-սյուր-Այն քաղաքի տարրական դպրոցներից մեկը անվանակոչվել է շարքային Ջորջ Լոուրենս Փրայսի անունով (ֆր.՝ École George Price). Բելգիայում Կանադայի դեսպան Դենիս Ռոբերտը ներկա է գտնվել դպրոցի անվանակոչության արարողությանը։ 1991 թվականին քաղաքում կառուցվեց ևս մեկ կամուրջ Կենտրոնական ջրանցքի վրայով, և նույն թվականի նոյեմբերի 11-ին, հասարակական հարցման արդյունքների համաձայն, կամուրջը անվանվել է Ջորջ Փրայսի անունով (ֆր.՝ Passerelle George PricePasserelle George Price)[6]։
Հետաքրքիր փաստ[խմբագրել | խմբագրել կոդը]
Քննությունը ցույց է տվել, որ Կոմպիենի անտառի երկաթուղային վագոնում բանակցություններ վարելու ժամանակ Ֆրանսիայի մարշալ Ֆերդինանդ Ֆոշը հրաժարվել է գերմանական կողմի առաջարկն ընդունելուց, այն է՝ դադարեցնել կրակը անիմաստ զոհերից խուսափելու համար։ Դրա հետևանքով հաշտության համաձայնագիրը ստորագրելուց հետո մինչ նրա ուժի մեջ մտնելը՝ նոյեմբերի 11-ը (ժամը 11:00), սպանվածների և վիրավորվածների թիվը կազմել է 11.000[7]։
Ծանոթագրություններ[խմբագրել | խմբագրել կոդը]
- ↑ Find A Grave — 1996.
- ↑ 2,0 2,1 George Price, Web matters, Արխիվացված է օրիգինալից 13 June 2011-ին, Վերցված է 13 November 2010-ին
- ↑ Bridger, Geoff The Great War Handbook. — Barnsley: Pen & Sword[en], 2009. — С. 182. — ISBN 978-1-84415-936-9
- ↑ «November 11, 1918: The Last Hours, The Last Man». NW Battalion. Արխիվացված օրիգինալից 2011 թ․ օգոստոսի 14-ին. Վերցված է 2008 թ․ նոյեմբերի 2-ին.
- ↑ Lichfield, John (2008 թ․ նոյեմբերի 8). «Two soldiers linked in death by a bizarre coincidence». The Independent. London. Արխիվացված է օրիգինալից 2008 թ․ դեկտեմբերի 12-ին. Վերցված է 2017 թ․ սեպտեմբերի 30-ին.
- ↑ Le Clercq, Jean, Le Rœulx: le village de Ville-sur-Haine (ֆրանսերեն), Belgium, Արխիվացված է օրիգինալից 23 January 2011-ին, Վերցված է 13 November 2010-ին
- ↑ Persico, p. 378.