Պորտալ:Պորտուգալիա/ներածություն
Պորտուգալիա, պետություն Հարավային Եվրոպայում, Պիրենեյան թերակղզում։ Արևմուտքից և հարավից սահմանակից է Ատլանտյան օվկիանոսին հյուսիսում և արևելքում Իսպանիայի հետ։ Մայրաքաղաքը Լիսաբոնն է։
Հանրապետություն է 1910 թվականից: ՆԱՏՕ-յի (1949 թվականից), ՄԱԿ-ի (1955 թվականից), ՏՀԶԿ-ի (1961 թվականից), Եվրոպական Միության (1986 թվականի հունվարի 1-ից), Պորտուգալալեզու երկրների համագործակցության (1996 թվականից) անդամ պետություն է:
Պորտուգալիայի հայ համայնքը կազմավորվել է 1920-ական թվականներից հետո։ Ներկայումս բնակվում է 500 հայ կենտրոնացած Լիսաբոնում և Պորտոյում։ Պորտուգալիայի հայերից նշանավոր է հայ բարերար Գալուստ Գյուլբենկյանը։
Պորտուգալիայում Հայաստանի դեսպանությունը գտնվում է Հռոմում, բայց ունի հյուպատոսություն Լիսաբոնում և Պորտոյում։ Հայաստանում Պորտուգալիայի դեսպանությունը գտնվում է Մոսկվայում։
Պորտուգալիայի սահմանագիծը 1139 թվականից չի փոխվել։ Այն համարվում է Եվրոպայի ամենավաղ ձևավորված և անփոփոխ սահմաններ ունեցող երկիրը։