Պորոս (կղզի)

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Պորոս կղզի
el/Πόρος
Երկիր Հունաստան
Կղզեխումբ Սարոնիկական կղզիներ
Ջրատարածություն Սարոնիկոս
Մակերես 22,841 կմ2
Ամենաբարձր կետը 358 մ
Բնակչություն 3993 մարդ

Պորոս(կղզի) (հուն․՝ Πόρος — «անցում»), Սարոնիկական կղզիներից մեկը, տեղակայված Սարոնիկոս ծոցի հարավ-արևմուտքում, Պելոպոնես թերակղզու ափերի մոտ, նեղ նեղուցով առանձնացված Արգոլիդայի արևելյան ափերից: Անտիկ ժամանակներում կոչվում էր Կալավրիա (Καλαυρία):

Աշխարհագրություն[խմբագրել | խմբագրել կոդը]

Պորոս քաղաքը
Պորոսի զանգակատուն

Պորոս կղզու տարածքը կազմում է 22,841 կմ²[1], ափի ձգվածությունը՝ 44 կմ[2]: Բնակչությունը կազմում է 3993 մարդ՝ ըստ 2011 թվականի[3] մարդահամարի: Կղզին ջրանցքով բաժանվում է երկու մասի՝ փոքրը Սֆերիան է, այստեղ է գտնվում գլխավոր քաղաքը՝ Պորոսը, իսկ մեծը Կալավրիան է:

Ծոցերից մեկը կոչվում է Ռուսական՝ 19-րդ դարում այստեղ տեղակայվել է ռուսական ռազմածովային հենակետը, օգնելով Հունաստանին իր նավատորմի կազմավորման գործում:

Պատմություն[խմբագրել | խմբագրել կոդը]

Պորոսը (անտիկ Կալավրիա) համարվում էր ծովի աստված Պոսեյդոնի կղզին: Դրան վկայում են գրավոր աղբյուրները, ինչպես նաև կղզու մեջտեղում գտնվող Պոսեյդոն տաճարի ավերակները: Բացառված չէ, որ այս հանգամանքը պատճառ դարձավ Պորոսը միության (ամֆիկտիոնի) կենտրոն ընտրելը, որը ի հայտ եկավ մ.թ.ա․ 7-րդ դարում և ներառեց յոթ հարևան, ինչպես նաև ավելի հեռու քաղաքներ (Էրմիոնի, Էպիդավրոս, Էգինա, Աթենք, Պրասիա (ավելի ուշ՝ Արգիվյանե), Թրիզին և մինիական Օրխոմենոս): Պոսեյդոն տաճարը ուներ թաքստոցի իրավունք: Դեմոսթենեսը թաքնվում է Պոսեյդոն տաճարում՝ փրկվելով Անտիպատրոսի ուղարկած մարդասպաններից, և այնտեղ թույն է ընդունում: Կալավրիացիները նրան թաղում են սրբատեղում և կանգնեցնում նրա արձանը, որը նույնիսկ տեսել է Պաֆսանիասը:

Պորոսի հետագա պատմությունը ոչնչով չի տարբերվում Սարոնիկոս կղզու մյուս կղզիների պատմությունից: Նրանց հետ միասին մասնակցել է 1821 և 1830 թվականների հեղափոխություններին և դարձել առաջին ծովային հենակետը Հունաստանում:

Պորոսում է թաղված կապիտան Ֆրենկ Հաստինգսը (1794-1828)՝ Բայրոնից հետո ամենահայտնի անգլիացի ֆիլհելենը (հունացիներին հարող), Հունաստանի ազատագրական պատերազմի հերոս, ղեկավարել է առագաստագոլորշային «Կարտերիա» նավը։ «Կարտերիան» եղել է աշխարհի ամենաառաջին գոլորշային նավը, որ մասնակցություն է ունեցել մարտական գործողություններում։

Նեոդասական ոճի շենքեր
Պորոսի հնագիտական թանգարան
Պորոս ժամացույցի աշտարակ

Պորոս համայնք[խմբագրել | խմբագրել կոդը]

Պորոս համայնքը (դիմ) գտնվում է Ատտիկայում: Բնակչությունը՝ 3993 բնակիչ՝ ըստ 2011 թվականի մարդահամարի[3]։ Համայնքի տարածքը՝ 49,582 կմ²[4], խտությունը՝ 80,53 մարդ/ կմ²[3]։

Տեղի բնակիչների ընտրությամբ 2014 թվականին համայնքի դիմարխ է ընտրվել Յոհան Դիմիտրիադիսը (Ιωάννης Δημητριάδης)։ Պորոս համայնքը ձևավորվել է 1941 թվականին, երբ Պորոսի միությունը ընդունված էր համայնք (դիմ)։ Պորոսի համայնքում կա 4 բնակատեղի։

Բնակատեղի Բնակչությունը(2011)[5], Մարդ
Այոս-Նեկտարյոս 101
Կիանի-Ակտի 213
Կալավրիա (Կենարար աղբյուրի վանք) 28
Պորոս 3651

Բնակչություն[խմբագրել | խմբագրել կոդը]

Տարի Բնակչություն, մարդ
1991 3626[6]
2001 4282[6]
2011 3993[3]

Տեսարժան վայրեր[խմբագրել | խմբագրել կոդը]

Монастырь Живоносного источника

  • Պոսեյդոն տաճարի ավերակներ
  • Հնէաբանության թանգարան
  • Կիտրոնի անտառ

Ծանոթագրություն[խմբագրել | խմբագրել կոդը]

  1. Eπιφάνεια, πραγματικός και μόνιμος πληθυσμός των κατοικημένων νήσων της Eλλάδος(հուն.) // Σtatiσtikh eπethpiδa τησ Eλλαδοσ 2009 & 2010. — Πειραιάς: Ελληνική Στατιστική Αρχή, 2011. — С. 46. — ISSN 0081–5071.
  2. Eπιφάνεια ελληνικών εδαφών και μήκος ακτών(հուն.) // Σtatiσtikh eπethpiδa τησ Eλλαδοσ 2009 & 2010. — Πειραιάς: Ελληνική Στατιστική Αρχή, 2011. — С. 28. — ISSN 0081–5071.
  3. 3,0 3,1 3,2 3,3 «Δελτίο τύπου. Ανακοίνωση των αποτελεσμάτων της Απογραφής Πληθυσμού-Κατοικιών 2011 για το Μόνιμο Πληθυσμό της Χώρας» (հունարեն)։ Ελληνική Στατιστική Αρχή։ 28 Δεκεμβρίου 2012։ Վերցված է 2017-06-04 
  4. Απογραφή πληθυσμού - κατοικιών της 18ης μαρτίου 2001 (μόνιμος πληθυσμός)(հուն.). — Πειραιάς: Εθνική στατιστική υπηρεσία της Ελλάδας, 2009. — Т. I. — С. 337. — ISSN 1106-5761.
  5. «Απογραφή Πληθυσμού — Κατοικιών 2011. Μόνιμος πληθυσμός» (հունարեն)։ Ελληνική Στατιστική Αρχή։ 2011։ Արխիվացված է օրիգինալից 2013-12-25-ին։ Վերցված է 2017-06-04 
  6. 6,0 6,1 «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն)։ Ελληνική Στατιστική Αρχή։ Արխիվացված է օրիգինալից 2006-07-16-ին։ Վերցված է 2017-06-22