Պիեռ Բարու

Պիեռ Բարու
Բնօրինակ անուն	ֆր.՝ Pierre Barouh
Ի ծնե անուն	ֆր.՝ Élie Pierre Barouh
Նաև հայտնի է որպես	Pierre Barouh
Ծնվել է	փետրվարի 19, 1934[…]; Փարիզի 15-րդ շրջան, Փարիզ, Ֆրանսիա
Երկիր	Ֆրանսիա
Մահացել է	դեկտեմբերի 28, 2016[…] (82 տարեկան); Փարիզի 14-րդ շրջան, Փարիզ, Ֆրանսիա
Գերեզման	Մոնմարտր գերեզմանատուն
Մասնագիտություն	վոլեյբոլիստ, երգիչ, կոմպոզիտոր, երգերի հեղինակ, կինոդերասան, երգերի հեղինակ, ֆիլմերի երաժշտությունների հեղինակ, հեղինակ-կատարող և կինոռեժիսոր
Գործիքներ	վոկալ
Լեյբլ	Saravah? և Disc'AZ?
Ամուսին	Atsuko Barouh? և Անուկ Էմե
	Pierre Barouh Վիքիպահեստում

Պիեռ Բարու (ֆր.՝ Pierre Barouh, փետրվարի 19, 1934(1934-02-19)^[2]^[3]^[4]^[…], Փարիզի 15-րդ շրջան, Փարիզ, Ֆրանսիա^[1] - դեկտեմբերի 28, 2016(2016-12-28)^[5]^[3]^[4]^[…], Փարիզի 14-րդ շրջան, Փարիզ, Ֆրանսիա^[1]), ֆրանսիացի դերասան, երգիչ և երաժիշտ։ Հայտնի է դարձել Un homme et une femme երգի շնորհիվ` Կլոդ Լելուշի համանուն ֆիլմից (1966 թվական), որը նա կատարել է Նիկոլ Կրուազիլի հետ միասին։ Բացի այդ, Բարուն խաղացել է այդ կինոնկարի դերերից մեկը։

Կենսագրություն

Ծնվել է կտորեղենի վաճառքով զբաղվող թուրք հրեաների ընտանիքում։ Երկրորդ համաշխարհային պատերազմի ժամանակ ընտանիքը նացիստների հետապնդումից թաքնվել է Մոնտուրնե բնակավայրում։ Այդ տարիներին Բարուին մկրտել են և տվել Պիեռ անունը։ Պատերազմի ժամանակ ապրածը հետագայում հիմք է դարձել նրա À bicyclette, Des ronds dans l’eau, Les Filles du dimanche երգերի համար։

Պատերազմից հետո նա մարզական լրագրող էր և խաղում էր վոլեյբոլի ազգային թիմում։ Մի քանի ամիս անցկացրել է Պորտուգալիայում, որտեղ ուսումնասիրել է տեղի երգերը։ Պորտուգալիայում երկար ժամանակ գտնվելու ընթացքում բացահայտել է բրազիլական երաժշտությունը, հատկապես` Բոսանովան և համագործակցել է այդ ոճի կոմպոզիտորների հետ։ 1960-ականների սկզբին Բոսանովայի մասին վավերագրական ֆիլմում որպես դերասան և ռեժիսոր փորձել է իր ուժերը Բադեն Պաուել դե Ակինոյի դերում։ 1966 թվականին որպես դերասան և կոմպոզիտոր մասնակցել է Կլոդ Լելուշի «Տղամարդ և կին» ֆիլմի ստեղծմանը։ Նիկոլ Կրուազիլի հետ նա նաև երգել է Un homme et une femme գլխավոր երգը, որի տեքստն ինքն է գրել։

Եղել է Saravah ձայնագրման լեյբլի հիմնադիրը, որի հետ հետագա տարիներին եղել է բազմաթիվ երաժշտական տաղանդների, այդ թվում` Ժակ Հիգելինի և Բրիջիթ Ֆոնտենի պրոդյուսերը։

1966-1969 թվականներին ամուսնացած է եղել դերասանուհի Անուկ Էմեի հետ։ 1980-ականներին ճապոնացի նկարչուհի Ացուկո Ուսիոդայի հետ ամուսնությունից հետո կես տարի ապրել է կնոջ հայրենիքում։ Նրանց դուստրը երաժիշտ Մայա Բարուխն է։ Նա նաև պարբերաբար հրապարակել է երաժշտական ձայնագրություններ, այդ թվում` երաժշտություն Ալբերվիլի ձմեռային Օլիմպիական խաղերի համար (1992)։ Որպես երգիչ մասնակցել է Դեյվիդ Մաքնիլի (1975), Դանիել Միլլի (1999) և Ժան Պիեր Մասի (2012) ձայնագրություններին։

Ֆիլմագրություն

Դերասան.

«Սիրելու քաջություն» (2005)
«Լինում են օրեր... Լինում են գիշերներ» (1990)
«Նա ամենուր տեսնում է թզուկներ» (1981)
«Կրիայի կղզուց փրկվածները» (1976)
«Տրաուլեր» (1967)
«Տղամարդ և կին» (1966)
«Մեծ ակնթարթներ» (1965)
«Աղջիկը և հրացանը» (1964)
«Դրեյֆ» (1964)
«Որտեղի՞ց ես դու, Ջոնի» (1963)
«Թունդ հարբածը» (1962)
«Կանգնեցրեք թմբուկները» (1961)

Կոմպոզիտոր.

«Դրվագ» (1998)
«Ամուսնալուծություն» (1979)
Saravah (1972)

Ռեժիսոր.

«Ամուսնալուծություն» (1979)
Saravah (1972)

Սցենարիստ.

«Ամուսնալուծություն» (1979)

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Fichier des personnes décédées
↑ ^2,0 ^2,1 Internet Movie Database — 1990.
↑ ^3,0 ^3,1 ^3,2 ^3,3 ^3,4 Discogs — 2000.
↑ ^4,0 ^4,1 ^4,2 ^4,3 ^4,4 https://www.lemonde.fr/culture/article/2016/12/28/mort-de-pierre-barouh-auteur-de-la-chanson-du-film-un-homme-et-une-femme_5055053_3246.html
↑ ^5,0 ^5,1 ^5,2 ^5,3 Le Figaro, Figaro (ֆր.) / A. Brézet — Paris: Société du Figaro, 2016. — ed. size: 322497 — ISSN 0182-5852; 2496-8994

Արտաքին հղումներ

Pierre Barouh sur Saravah.fr

Վիքիպահեստն ունի նյութեր, որոնք վերաբերում են «Պիեռ Բարու» հոդվածին։

[_a443aadef5d00682-1] 1,0 ^1,1 ^1,2 ^1,3 ^1,4 ^1,5 ^1,6 Fichier des personnes décédées

[_872acf4197e352c4-2] 2,0 ^2,1 Internet Movie Database — 1990.

[_20f15d1610dc6ead-3] 3,0 ^3,1 ^3,2 ^3,3 ^3,4 Discogs — 2000.

[_be957b476012d735-4] 4,0 ^4,1 ^4,2 ^4,3 ^4,4 https://www.lemonde.fr/culture/article/2016/12/28/mort-de-pierre-barouh-auteur-de-la-chanson-du-film-un-homme-et-une-femme_5055053_3246.html

[_71007349632354e9-5] 5,0 ^5,1 ^5,2 ^5,3 Le Figaro, Figaro (ֆր.) / A. Brézet — Paris: Société du Figaro, 2016. — ed. size: 322497 — ISSN 0182-5852; 2496-8994

[1]

[2]

[3]

[4]

[5]