Պեր Հեգգե

Վիքիպեդիայից՝ ազատ հանրագիտարանից
Jump to navigation Jump to search
Պեր Հեգգե
նորվ.՝ Per Egil Hegge
Դիմանկար
Ծնվել էմարտի 6, 1940(1940-03-06) (81 տարեկան)
ԾննդավայրՆորվեգիա Տրոնհեյմ
ՔաղաքացիությունFlag of Norway.svg Նորվեգիա
Մասնագիտությունլրագրող, խմբագիր, գրող և կենսագիր
ԱշխատավայրAftenposten
Պարգևներ և
մրցանակներ
Սուրբ Օլաֆի շքանշան
Per Egil Hegge Վիքիպահեստում

Պեր Հեգգե (նորվ.՝ Per Egil Hegge, մարտի 6, 1940(1940-03-06), Տրոնհեյմ, Նորվեգիա), նորվեգացի լրագրող։

Կենսագրություն[խմբագրել | խմբագրել կոդը]

Ծնվել է Նորվեգիայի իր մեծությամբ 3-րդ քաղաքում՝ Տրոնհեյմում ուսուցիչների ընտանիքում։ 1941 թ.-ին ընտանիքը տեղափոխվել է Ինդերհոյ[1].[2][3]

Զինվորական ծառայությունը անցկացրել է Նորվեգիայի զինված ուժերի էլիտար ստորաբաժանումում՝ սովորելով ռուսերեն։ Լրագրողի կարիերան սկսել է Նորվեգիայի հեռագրային գրասենյակում, այնուհետև՝ 1962 թ.-ին աշխատանքի է անցել Aftenposten թերթում՝ աշխատելով այնտեղ մինչև իր կարյերայի ավարտը։ 1963-1965 թթ.-ներին Լոնդոնի թերթերից մեկում աշխատել է որպես թղթակից, այնուհետև աշխատել է Նորվեգիայում։ 1968 թ.-ին արժանացել է Narvesen Prize մրցանակի[4]։

1969-1971 թթ.-ներին եղել է Aftenposten թերթի մոսկովյան թղթակիցը։ 1971 թ.-ին արտաքսվել է ԽՍՀՄ-ից, որի պատճառներից մեկն էլ այն էր, որ նա եղել է առաջին լրագրողը, ով հարցազրույց է վերցրել Ալեքսանդր Սոլժենիցինից այն բանից հետո, երբ նա 1970 թ.-ին արժանացել է Նոբելյան մրցանակի։

1971-1979 թվականներին աշխատել է Նորվեգիայում։ 1977-1981թվականներին եղել է թերթի թղթակիցը Վաշինգտոնում։ Այդ ժամանակ նա բաժնի խմբագիր էր։ 1984-1988 թվականներին աշխատել է մշակութային բաժնի ղեկավար։ Թոշակի է անցել 2005 թ.-ին[5]։

1985 - 1988 թվականներին Հեգգեն ղեկավարել է PEN International ակումբի նորվեգական մասնախյուղը։ Մի քանի գրքերի հեղինակ է։ Իր գրքերի հիմնական թեմատիկան է միջազգային հարաբերությունները։ Վերջին տարիներին մի քանի գրքեր է գրել նորվեգերենի ճիշտ կիրառմանը։ Գրել է նաև Օտտո Սվերդրուպի (1996), Ֆրիտյոֆ Նանսենի (2002) և Նորվեգիայի Հարոլդ V թագավորի (2006) կենսագրությունները։ Նրա գրած Նանսենի կենսագրությունը 2007 թ.-ին թարգմանվել է հայերեն[6]։ Հեգգենը հայտնի է նաև որպես դասախոս[7]։

2003 թ.-ին պարգևատրվել է Սուրբ Օլաֆի շքանշանով։

Ծանոթագրություններ[խմբագրել | խմբագրել կոդը]

  1. Seniorforum med Per Egil Hegge Archived 2012-05-06 at the Wayback Machine. Stjørdalsnytt, 30 April, 2012 (նորվեգերեն)
  2. Nord ikke sør!, Aftenposten (30 September 1985). (նորվեգերեն)
  3. Seniorforum med Per Egil Hegge Stjørdalsnytt, 30 April, 2012.
  4. Bonde, Arne, "Per Egil Hegge", in Helle, Knut, Norsk biografisk leksikon, Oslo: Kunnskapsforlaget. (նորվեգերեն)
  5. Henriksen, Petter, ed. (2007), "Per Egil Hegge", Store norske leksikon, Oslo: Kunnskapsforlaget.
  6. «Հրատարակությունների ցուցակը BIBSYS-ում:»։ Արխիվացված է օրիգինալից 2012-02-29-ին։ Վերցված է 2016-11-14 
  7. Per Egil Hegge ble ridder av St. Olavs Orden (17 October 2003), էջ. 32. (անգլերեն)