Պետր Կենդերով

Վիքիպեդիայից՝ ազատ հանրագիտարանից
Jump to navigation Jump to search
Պետր Կենդերով
բուլղար․՝ Петър Кендеров
Acad.-Petar-Kenderov-20141031-2.jpg
Ծնվել էապրիլի 5, 1943(1943-04-05) (76 տարեկան)
Պազարջիկ, Բուլղարիայի թագավորություն
ՔաղաքացիությունԲուլղարիա Բուլղարիա
Ազգությունբուլղարացի
Մասնագիտությունմաթեմատիկա
Հաստատություն(ներ)Institute of Mathematics and Informatics?
Գործունեության ոլորտմաթեմատիկա
ԱնդամակցությունԲուլղարիայի գիտությունների ակադեմիա
Ալմա մատերՄոսկվայի պետական համալսարան
Գիտական աստիճանփիլիսոփայության դոկտոր
Գիտական ղեկավարԴմիտրի Ռայկով
Petar Kenderov Վիքիպահեստում

Պետր Ստոյանով Կենդերով (բուլղար․՝ Петър Стоянов Кендеров, ապրիլի 5, 1943(1943-04-05), Պազարջիկ, Բուլղարիայի թագավորություն), բուլղարացի մաթեմատիկոս, մաթեմատիկական գիտությունների դոկտոր, Կիրիլ և Մեֆոդի սրբերի անվան միջազգային հիմնադրամի խորհրդի անդամ, պրոֆեսոր, Բուլղարիայի գիտությունների ակադեմիայի ակադեմիկոս[1]:

Կենսագրություն[խմբագրել | խմբագրել կոդը]

Պետր Կենդերովը ծնվել է 1943 թվականի ապրիլի 5-ին Պազարջիկ քաղաքում։ Նա եղել է փաստաբան, մշակութային գործիչ Ստոյան Կենդերովի և նույնպես մշակութային գործիչ Ելենա Կենդերովայի երեք որդիներից երկրորդը։ Պետր Կենդերովը 1960 թվականին ավարտել է Պազարջիկի երկրորդ գիմնազիան։ 1960-1963 թվականներին նա սովորել է Սոֆիայի համալսարանի ֆիզիկա-մաթեմատիկական ֆակուլտետում և մասնակցել Յարոսլավ Տագամլիցկու սեմինարներին։ Լսել է Դոյչին Դոյչինովի առաջին դասընթացն ընդհանուր տոպոլոգիայի վերաբերյալ։ Ուսանողների փոխանակման ծրագրի շրջանակներում Պետր Կենդերովը 1963 թվականին մեկնել է Մոսկվա՝ սովորելու Մոսկվայի պետական համալսարանի բարձրագույն երկրաչափության և տոպոլոգիայի ամբիոնում։ Նա սովորել է ընդհանուր տոպոլոգիայի հիմնադրի՝ Պավել Ալեքսանդրովի ղեկավարությամբ։ Պետր Կենդերովը Մոսկվայի պետական համալսարանն ավարտել է 1966 թվականին[2]:

1970 թվականին Պետեր Կենդերովն՝ որպես գիտաշխատող, սկսել է աշխատել Բուլղարիայի գիտությունների ակադեմիային կից մաթեմատիկայի ինստիտուտում։ 1974 թվականին նա դարձել է II աստիճանի ավագ գիտաշխատող, 1983 թվականին՝ պրոֆեսոր: Մաթեմատիկական գիտությունների դոկտորի աստիճան է ստացել 1982 թվականին՝ պաշտպանելով դոկտորական ատենախոսություն։ 1971 թվականից մինչև 1979 թվականը համագործակցել է Բուլղարիայի Ազգային անվտանգության կոմիտեի հետ[3]: Իր կարիերայի մեծ մասը Պետեր Կենդերովն անցկացրել է Բուլղարիայի գիտությունների ակադեմիային կից Մաթեմատիկայի և ինֆորմատիկայի ինստիտուտում։ Նրա գիտական հրատարակությունների զգալի մասը նվիրված են տոպոլոգիայի, ֆունկցիոնալ անալիզի ու օպտիմիզացիային:

Պետր Կենդերովը եղել է ինֆորմատիկայի դպրոցական առաջին միջազգային օլիմպիադայի կազմակերպիչներից մեկը[4], և մինչև օրս անցկացվում է այդպիսի օլիմպիադա, որի հաղթողներն իրավունք են ստանում ներկա գտնվել Կենդերովի դասախոսություններին[5]: Պետր Կենդերովը եղել է նաև լեզվաբանության օլիմպիադայի կազմակերպիչը[6]:

Պետր Կենդերովը Պլովդիվի, Ռուսեի համալսարանների ու Բուլղարիայի Հարավարևմտյան համալսարանի պատվավոր դոկտոր է[7]:

Ծանոթագրություններ[խմբագրել | խմբագրել կոդը]

  1. «Членове на Съвета на Международна фондация „Св. св. Кирил и Методий“»։ Международна фондация „Св. св. Кирил и Методий“։ Վերցված է 5 април 2011 г. 
  2. Клуб выпускников механико-математического факультета МГУ (ռուս.)
  3. «Решение №230 от 16.06.2011 г.»։ Комисия за разкриване на документите и за обявяване на принадлежност на български граждани към ДС и разузнавателните служби на БНА։ 2011։ Վերցված է 16 юни 2011 
  4. Долапчиев Янко (29.05.2009)։ «акад. Петър Кендеров, БАН: Имаме добри учени (интервю)»։ Money.bg։ Վերցված է 5 април 2011 г. 
  5. Сын изобретателя компьютера Джона Атанасова – Джон Атанасов-младший встретился с юными математиками в СОК "Камчия" (ռուս.)
  6. Вторая Международная олимпиада для школьников по теоретической, математической и прикладной лингвистике. Информационное письмо №1 (ռուս.)
  7. "Ректорът на ЮЗУ "Н. Рилски" връчва званието "Доктор хонорис кауза" на акад. П. Кендеров за 70 г. юбилей", Struma.com, 29 март 2013.

Արտաքին հղումներ[խմբագրել | խմբագրել կոդը]