Պարո (քաղաք)

Պարո
Երկիր	Բութան
Կարգավիճակ	քաղաք
Մտնում է	Wangchang Gewog?
ԲԾՄ	2266 մետր
Բնակչություն	2362 մարդ (2005)
Հեռախոսային կոդ	827
	Պարո Վիքիպահեստում

Պարո (ձոնգքհա՝ སྤ་རོ་), քաղաք Բութանի արևմուտքում, 15 000 բնակչությամբ, գտնվում է 2400 մետրի վրա։ Պարոն համարվում է Պարո վարչաշրջանի կենտրոնը։

Պատմություն

XVII դարից բութանցիները սկսել են ամրապնդվել, պաշտպանվելով Տիբեթից եկող հարձակումներից։ Ընդ որում Պարոն շատ մեծ դեր է ունեցել, քանի որ Պարոյով է անցնում միակ հարմար ճանապարհը Տիբեթ՝ Չումբի և Սիկկիմե արահետով։ Պարո քաղաքը համարվել է Պարո մարզի մայրաքաղաքը։

Պարոյի առաջնորդը ակտիվորեն մասնակցել է Բութանի իշխանության համար պայքարին 19-րդ դարի վերջում։ Ուգյեն Վանգչուկին հաջողվել է երկիրը միավորել, և 1907 թվականին Պունկխանում նա իրեն նշանակում է Բութանի թագավոր։

Տրանսպորտ և տնտեսություն

Դեռ 1958 թվականին Ջավահառլալ Ներուն իր դստեր՝ Ինդիրա Գանդիի հետ գնացել է Պարո յակերով։ Սահմանային Պխունչոլինգ և Թհիմփհու քաղաքների ճանապարհաշինությունից հետո, 60-ական թվականների քարավաններով փոխադրումը դարձավ մեքենաներով։

Պարոում է գտնվում երկրի երկու օդանավակայաններից մեկը՝ Պարոյի օդանավակայանը, որը մտնում է աշխարհի 10 ամենավտանգավոր օդանավակայանների մեջ^[2]։

Պարոյի սարահարթում աճեցնում են բրինձ, խնձոր, կարտոֆիլ։