Պարգև Ղազարյան

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Պարգև Ղազարյան (այլ կիրառումներ)
Պարգև Ղազարյան
Ծնվել էհունվարի 10, 1919(1919-01-10)
ԾննդավայրԱփնագյուղ, Արագածոտնի մարզ, Հայաստան
Մահացել էօգոստոսի 27, 1975(1975-08-27) (56 տարեկանում)
Մահվան վայրԵրևան, Հայկական ԽՍՀ, ԽՍՀՄ
ԿրթությունՍտեփան Շահումյանի անվան թիվ 1 դպրոց և Հայկական պետական մանկավարժական համալսարան
Մասնագիտությունպետական գործիչ
Պարգևներ և
մրցանակներ
Կարմիր Աստղի շքանշան

Պարգև Մելքոնի Ղազարյան (հունվարի 10, 1919, Ապարան, Ափնագյուղ - օգոստոսի 27, 1975, Երևան), պետական, կուսակցական աշխատող, Երևանի քաղխորհրդի պատգամավոր (1965-1975 թթ-ին), Երկրորդ համաշխարհային պատերազմի մասնակից։

Կենսագրություն[խմբագրել | խմբագրել կոդը]

1937 թ-ին ավարտել է Երևանի Ստեփան Շահումյանի անվան միջնակարգ դպրոցը, 1946 թ-ին՝ Խաչատուր Աբովյանի անվան հայկական պետական մանկավարժական համալսարանի պատմության ֆակուլտետը, 1948 թ-ին՝ ՀԿԿ կենտկոմին կից բարձրագույն կուսակցական երկամյա դպրոցը։ 1941-1943 թթ-ին կամավոր ծառայել է խորհրդային բանակում, մասնակցել Երկրորդ համաշխարհային պատերազմին։ 1941-1942 թթ-ին եղել է մարտական գնդի կոմերիտական կազմակերպության քարտուղար, 1942-1943 թթ-ին՝ գումարտակի կոմիսար, 1943 թ-ին՝ 386-րդ դիվիզիայի գումարտակի հրամանատար։ Սևաստոպոլ քաղաքի պաշտպանական մարտերից մեկում ծանր վիրավորվել է, փոխադրվել Թբիլիսի, ապա՝ զորացրվել։ 1943-1946 թթ-ին եղել է ՀԼԿԵՄ Լենինյան շրջկոմի առաջին քարտուղար, 1948-1952 թթ-ին՝ Անդրերկաթուղու Երևանի քաղբաժնի հրահանգիչ, 1952 թ-ին՝ ՀԿԿ Երևանի քաղկոմի հրահանգիչ, 1952-1961 թթ-ին՝ Անդրերկաթուղու Երևանի բաժանմունքի լոկոմոտիվային դեպոյի և Երևանի կայարանի կուսակցական կազմակերպության ազատված քարտուղար, 1961-1965 թթ-ին՝ Երևանի Օրջոնիկիձեի շրջգործկոմի նախագահի տեղակալ, 1965-1972 թթ-ին՝ Երևանի քաղխորհրդի գործկոմի նախագահի տեղակալ-բնակարանային ֆոնդերի հաշվառման և բաշխման բաժնի վարիչ, 1972-1975 թթ-ին՝ Երևանի Խորհրդային շրջգործկոմի նախագահի տեղակալ։

Պարգևներ[խմբագրել | խմբագրել կոդը]

  • Կարմիր աստղի շքանշան (1945 թ.)
  • Անբասիր աշխատանքի համար մեդալ (1970 թ.)
  • Աշխատանքային արիության համար մեդալ (1971 թ.)
  • ՀԽՍՀ Գերագույն խորհրդի պատվոգիր (1952 թ.)