Պատրանքների թանգարան (Բելգրադ)
Պատրանքների թանգարան | |
|---|---|
 | |
| Տեսակ | թանգարան |
| Երկիր |  Սերբիա |
| Տեղագրություն | Բելգրադ |
| Վայր | Բելգրադ |
| Մասն է | Museum of Illusions? |
| Ղեկավարության նստավայր | Բելգրադ, Սերբիա |
| Հասցե | Нушићева 1111000 |
| Հիմնադրվել է | մայիսի 22, 2018 |
| Կայք | muzejiluzija.rs(սերբ.) |
 | |
 | |
Պատրանքների թանգարան (սերբ.՝ Музеј илузија), մոգության միակ թանգարանը Սերբիայի մայրաքաղաք Բելգրադում։ Այն պատկանում է գեղարվեստական թանգարանների տեսակին և պարունակում է ավելի քան 70 ցուցանմուշ, որոնք կապված են տարբեր տեսակի տեսողական պատրանքների և հոլոգրամների հետ[1][2][3][4]։
Թանգարանի մասին[խմբագրել | խմբագրել կոդը]
Թանգարանը հիմնադրվել է 2018 թվականի մայիսի 22-ին Բելգրադում և առաջին նման թանգարանն է Սերբիայում։ Աշխարհում այն քչերից մեկն է, որ ամբողջովին բաց է հասարակության համար, ներառյալ՝ ցուցանմուշները լուսանկարելու իրավունքը[1][2]։
Թանգարանն իրականացնում է ինտերակտիվ հայեցակարգ, որը հիմնված է պատրանքներով սենյակներն ուսումնասիրելու նպատակով այցելուներին ակտիվորեն խրախուսելու վրա։ Այցելուի վրա հոլոգրամների և պատրանքների ազդեցության պատճառով նա դառնում է ոչ միայն դիտորդ, այլև այդ պատրանքների ստեղծման ակտիվ մասնակից։ Այս նպատակով թանգարանում գործում է մշտական ցուցադրություն, որը ներկայացնում է 70 ցուցանմուշների հավաքածու, որոնք նախատեսված են այցելուների զգայարանները շահարկելու և տարբեր տեսակի տեսողական և նմանատիպ այլ պատրանքների և դրանց հետևանքների ցուցադրման համար[1][2]։
Այցելուների համար ամենահետաքրքիր ցուցանմուշներից կարելի է առանձնացնել հետևյալները[1][2].
- Մրրկային թունել. ուղյակով և նրա շուրջը պտտվող գլանով սենյակ է, որը խախտում է այցելուի հավասարակշռությունը.
- Ամեսի սենյակ. դիտորդի ընկալման փորձը ցուցադրելու համար նախատեսված սենյակ է, որում սենյակի մի կողմում գտնվող անձը շատ ավելի մեծ է թվում, քան սենյակի մյուս կողմում գտնվող անձը, երբ դիտվում է որոշակի տեսանկյունից.
- Աթոռի պատրանք. նպատակն է ցույց տալ, թե որքանով է որոշ առարկաների չափի ընկալումը (տվյալ դեպքում աթոռի) կախված դրանց շրջապատից։
Հնարավոր են նաև խմբային այցելություններ թանգարան[1]։
Իրադարձություններ[խմբագրել | խմբագրել կոդը]
Բելգրադի պատրանքների թանգարանը կազմակերպում է նաև պատրանքների և մտագրոհների թեմայով մեծաթիվ միջոցառումներ և սեմինարներ։ Դրանց թվում են երաժշտության և պատրանքի ինտերակտիվ ներկայացումը, ինչպես նաև դիզայնի և պատրանքի ինտերակտիվ ներկայացումը[1]։
Թանգարանում գործում է նաև երեխաների համար խելացի խաղասենյակը, որի նպատակն է խթանել երեխաների ուղեղի բջիջների զարգացումը տարբեր վարժությունների միջոցով՝ հանելուկներ, փազլներ, անհնար հանգույցներ և մաթեմատիկական հարցաշարեր։ Բացի այդ, թանգարանում գործում է նաև խելացի խանութ, որտեղ հնարավոր է գնել ավելի քան 70 Dilemma դիդակտիկ խաղալիքներ, որոնք օգտագործվում են նաև խելացի խաղասենյակում[4][5][6]։
Թանգարանը բաց է նաև տարբեր միջոցառումներ կազմակերպելու, ինչպես նաև ծննդյան տարեդարձեր նշելու համար[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 «О нама». Музеј илузија Београд - званичан веб-сајт. Վերցված է 17. 3. 2020-ին.
- ↑ 2,0 2,1 2,2 2,3 «Београд добио музеј илузија». РТС. Վերցված է 17. 3. 2020-ին.
- ↑ «Reviews - Museum of Illusions Belgrade». Tripadvisor. Վերցված է 17. 3. 2020-ին.
- ↑ 4,0 4,1 «Музеј илузија». Belgrade Beat. Վերցված է 17. 3. 2020-ին.
- ↑ «Паметни shop». Музеј илузија Београд, званичан веб-сајт. Արխիվացված է օրիգինալից 2020 թ․ հունիսի 23-ին. Վերցված է 17. 3. 2020-ին.
- ↑ tykJierc5. «Smart shop». Museum of Illusions (ամերիկյան անգլերեն). Վերցված է 2021 թ․ մայիսի 18-ին.
{{cite web}}: CS1 սպաս․ թվային անուններ: authors list (link)