Պաշա Պարֆենի
| Պաշա Պարֆենի | |
|---|---|
 | |
| Հիմնական տվյալներ | |
| Բնօրինակ անուն | ռումիներեն՝ Pavel Parfeni |
| Ծնվել է | մայիսի 30, 1986 (39 տարեկան) Օրհեյ, Մոլդովական ԽՍՀ, ԽՍՀՄ |
| Երկիր |  Մոլդովա |
| Ժանրեր | փոփ |
| Մասնագիտություն | երաժիշտ, երգիչ և կոմպոզիտոր |
| Գործիքներ | դաշնամուր և վոկալ |
| Կրթություն | Մոլդովայի երաժշտության, թատրոնի և կերպարվեստի ակադեմիա և Q18408516? |
| Անդամակցություն | SunStroke Project |
| Կայք | pashaparfeni.com |
 Pasha Parfeni Վիքիպահեստում | |
Պավել «Պաշա» Պարֆենի (ռումիներեն՝ Pavel Parfeni մայիսի 30, 1986, Օրհեյ, Մոլդովական ԽՍՀ, ԽՍՀՄ), մոլդովացի երաժիշտ, երգիչ և երգահան։ Ներկայացրել է Մոլդովան 2012 թվականի Եվրատեսիլ երգի մրցույթում «Lăutar» երգով և զբաղեցրել է 11-րդ տեղը[1]։ Նախկինում հայտնի էր որպես մոլդովական SunStroke Project խմբի վոկալիստ։ Նա 2023 թվականին կրկին ներկայացրեց Մոլդովան Եվրատեսիլ երգի մրցույթում՝ «Soarele și luna» երգով և զբաղեցրեց 18-րդ տեղը։
Կենսագրություն
[խմբագրել | խմբագրել կոդը]Պաշան ծնվել է Օրհեյում և մանկուց շրջապատված է եղել երաժշտությամբ։ Նրա մայրը երաժշտական դպրոցի դաշնամուրի ուսուցիչ էր, իսկ հայրը՝ երգիչ և կիթառահար[2][3]։
Օրհեյում նա փոքր տարիքից սովորել է դաշնամուր, իսկ 2002 թվականին ընդունվել է Տիրասպոլի երաժշտական քոլեջ, որտեղ խորացրել է իր վոկալային հմտությունները։ 2006 թվականին Պարֆենին շարունակել է իր ուսումը երաժշտության, թատրոնի և գեղեցիկ արվեստների պետական ակադեմիայում։
Երաժշտական կարիերա
[խմբագրել | խմբագրել կոդը]SunStroke Project
[խմբագրել | խմբագրել կոդը]2008 թվականին նա հանդիպեց SunStroke Project խմբի հիմնադիրներին՝ Անտոն Ռագոզային և Սերգեյ Ստեպանովին, որոնք վոկալիստի կարիք ունեին[4]։ 2009 թվականին խումբը մասնակցեց Մոլդովայի ազգային ընտրական մրցույթին՝ Եվրատեսիլ 2009-ի համար, որտեղ իրենց «No Crime» երգով զբաղեցրին երրորդ տեղը։ Երգի հեղինակը և կոմպոզիտորը Պարֆենին էր։ Նույն թվականին նա հեռացավ SunStroke Project-ից՝ պայմանագրի ժամկետն ավարտվելուց հետո մենակատար կարիերա շարունակելու նպատակով։ Նրան խմբում փոխարինեց Սերգեյ Յալովիցկին[5]։
Մրցույթներ
[խմբագրել | խմբագրել կոդը]Որպես մենակատար՝ Պարֆենին մասնակցել և հաղթել է բազմաթիվ մրցույթներում և երաժշտական փառատոններում։ 2009 թվականի մայիսին նա առաջին տեղը գրավեց 23 մասնակիցների մեջ George Grigoriu միջազգային փոփ երաժշտության փառատոնում, որի գլխավոր մրցանակը Volkswagen Passat մեքենան էր[3]։ Մի քանի ամիս անց՝ հուլիսին, նա երկրորդ տեղը զբաղեցրեց 2009 թվականի Սլավյանսկի բազար փառատոնում՝ կատարելով «Svecia Gorela», «Dac-ai Fi» և «We Are The Champions» երգերը։ Թեպետ նա պարտվեց ռուս մասնակից Դիմա Դանիլենկոյին, այնուամենայնիվ արժանացավ 6000 ԱՄՆ դոլարին համարժեք դրամական մրցանակի։ Նույն տարում նա մասնակցեց նաև Ռումինիայում կայացած Mamaia մրցույթին և առաջին տեղը զբաղեցրեց Էնդրյու Թյուդորի «You Do Not See The Sky» երգով[6]։ Նա նաև մասնակցեց 2009 թվականի Golden Stag Festival-ին, սակայն այնտեղ հաղթանակ չտոնեց[7]։
Եվրատեսիլ երգի մրցույթ
[խմբագրել | խմբագրել կոդը]2010 թվականին Պարֆենին կրկին մասնակցեց Մոլդովայի ազգային ընտրական փուլին Եվրատեսիլ երգի մրցույթի համար, այս անգամ՝ որպես մենակատար։ Իր «You Should Like» երգով նա զբաղեցրեց երկրորդ տեղը (հավասար միավորով մեկ այլ մասնակիցի հետ), սակայն մրցույթում հաղթեց իր նախկին խումբը՝ SunStroke Project-ը՝ Օլյա Տիրայի հետ համատեղ կատարումով։
Հաջորդ տարի՝ 2011 թվականին, նա կրկին չկարողացավ նվաճել Եվրատեսիլում Մոլդովայի ներկայացուցչի դիրքը․ իր «Dorule» երգով ազգային ընտրական փուլում զբաղեցրեց երրորդ տեղը։
2012 թվականին Պարֆենին հաղթեց Մոլդովայի ազգային ընտրական փուլում և ներկայացրեց երկիրը այդ տարվա Եվրատեսիլ երգի մրցույթում։ Նրա «Lăutar» երգը, որը գրվել էր Պարֆենիի կողմից համատեղ Ալեքս Բրաշովեանի հետ, առաջին կիսաեզրափակչում զբաղեցրեց 5-րդ տեղը, իսկ եզրափակչում՝ 11-րդ։
2013 թվականին Մալմյոյում կայացած Եվրատեսիլի համար Պարֆենին Յուլիանա Սկուտարիի և Սերգեյ Լեգեյդայի հետ համատեղ գրել էր «A Thousand» երգը՝ Ալյոնա Մունի համար, որը Մոլդովայի ընտրական փուլում հաղթեց։ Ալյոնան 2012 թվականին Պարֆենիի «Lăutar» երգի բեք-վոկալիստներից էր։ Երգը ներկայացրեց Մոլդովան մրցույթում, որտեղ Պարֆենին բեմ բարձրացավ նրա հետ՝ նվագելով դաշնամուր։ Երգը առաջին կիսաեզրափակչում զբաղեցրեց 4-րդ տեղը, իսկ եզրափակչում կրկին՝ 11-րդ։ 2015 թվականին նա գրեց «Maricica» երգը DoReDos խմբի համար, որը Մոլդովայի ազգային ընտրական փուլում զբաղեցրեց 6-րդ տեղը։
2020 թվականին Պարֆենին կրկին մասնակցեց ազգային ընտրական փուլին՝ «My Wine» երգով, որը գրվել էր Վիկա Դեմիչիի հետ համատեղ։ Այս անգամ նա երկրորդ տեղում էր՝ Նատալիա Գորդիենկոյից հետո։
2023 թվականին նա մասնակցեց նոր ձևաչափով անցկացված Մոլդովայի ազգային փուլին՝ Etapa Națională մրցույթին՝ «Soarele și luna» երգով, որը գրել էր Յուլիանա Սկուտարիի հետ միասին։ Նա անցավ լսումների փուլը և հայտնվեց եզրափակչում։ Այստեղ Պարֆենին հաղթեց ինչպես ժյուրիի, այնպես էլ հանրային քվեարկության արդյունքում, և ներկայացրեց Մոլդովան Եվրատեսիլ 2023-ում Լիվերպուլում։ Սա Մոլդովայի համար նրա երրորդ մասնակցությունն էր մրցույթում։ Պարֆենին առաջին կիսաեզրափակչում զբաղեցրեց 5-րդ տեղը և անցավ եզրափակիչ, որտեղ վերջնական հաշվով 96 միավորով զբաղեցրեց 18-րդ տեղը։
Սկավառակագրություն
[խմբագրել | խմբագրել կոդը]Սինգլներ
[խմբագրել | խմբագրել կոդը]| Անվանում | Տարի | Բարձրագույն դիրքերը հիթ-շքերթներում | Ալբոմ | |||
|---|---|---|---|---|---|---|
| MDA Air. [8] |
FIN [9] |
LTU [10] |
SWE Heat. [11] | |||
| «Lăutar» | 2012 | 2 | — | — | — | Ոչ ալբոմային սինգլ |
| «Lasa-ma» (Nicoleta Nucă-ի հետ) |
2021 | 24 | — | — | — | |
| «Orele» (Cleopatra Stratan-ի հետ) |
31 | — | — | — | ||
| «Soarele și luna» | 2023 | 27 | 40 | 16 | 15 | |
| «Vecinii» | 2024 | 29 | — | — | — | |
| «—» նշանակում է, որ ձայնագրությունը չի հայտնվել հիթ-շքերթում կամ չի թողարկվել տվյալ տարածաշրջանում։ | ||||||
Ծանոթագրություններ
[խմբագրել | խմբագրել կոդը]- ↑ «Eurovision Song Contest 2012 Grand Final | Year Page | Eurovision Song Contest - Baku 2012». Eurovision.tv. Արխիվացված օրիգինալից 2013 թ․ մարտի 29-ին. Վերցված է 2012 թ․ մայիսի 28-ին.
- ↑ «Pavel Parfeni va participa la festivalurile Mamaia-2009 si Cerbul de Aur» (ռումիներեն). Timpul.md. 2009 թ․ հուլիսի 28. Արխիվացված օրիգինալից 2013 թ․ հոկտեմբերի 4-ին. Վերցված է 2012 թ․ մայիսի 28-ին.
- ↑ 3,0 3,1 «Pavel Parfeni a câştigat Marele Premiu la Festivalul "George Grigoriu"» (ռումիներեն). Flux.md. Արխիվացված օրիգինալից 2009 թ․ հունիսի 3-ին. Վերցված է 2012 թ․ մայիսի 28-ին.
- ↑ «Sunstroke project / Bio». Reverbnation.com. Արխիվացված օրիգինալից 2013 թ․ հոկտեմբերի 4-ին. Վերցված է 2012 թ․ մայիսի 28-ին.
- ↑ «Pavel Parfeni a Parasit SunStroke Project» (ռումիներեն). Jurnal de Chișinău. Արխիվացված է օրիգինալից 2013 թ․ հոկտեմբերի 4-ին. Վերցված է 2012 թ․ մայիսի 28-ին.
- ↑ «Pasha Parfeny - Lăutar (Moldova 2012) | Participant Profile | Eurovision Song Contest - Baku 2012». Eurovision.tv. Արխիվացված օրիգինալից 2016 թ․ հունիսի 4-ին. Վերցված է 2012 թ․ մայիսի 28-ին.
- ↑ «Pavel Parfeni Isi Incearca Norocul Si La Cerbul De Aur» (ռումիներեն). Արխիվացված օրիգինալից 2013 թ․ հոկտեմբերի 4-ին. Վերցված է 2012 թ․ մայիսի 28-ին.
- ↑ Մոլդովական Airplay-ում սինգլների բարձրագույն դիրքերը. * "Lăutar": «Media Forest – Know You Are On Air». Media Forest. 2012 թ․ մայիսի 6. Արխիվացված է օրիգինալից 2012 թ․ մայիսի 13-ին. Վերցված է 2025 թ․ մարտի 20-ին. * "Lasa-ma": «Top Radio Hits Moldova Weekly Chart: Aug 24, 2023». TopHit. Վերցված է 2024 թ․ դեկտեմբերի 13-ին. *"Orele": «Top Radio Hits Moldova Weekly Chart: Aug 10, 2023». TopHit. Վերցված է 2024 թ․ դեկտեմբերի 13-ին. * "Soarele și luna": «Top Radio Hits Moldova Weekly Chart: May 18, 2023». TopHit. Վերցված է 2024 թ․ դեկտեմբերի 13-ին. * "Vecinii": «Top Radio Hits Moldova Weekly Chart: Dec 12, 2024». TopHit. Վերցված է 2024 թ․ դեկտեմբերի 13-ին.
- ↑ «Pasha Parfeni – Soarele Si Luna» (ֆիններեն). Musiikkituottajat. Արխիվացված օրիգինալից 2023 թ․ մայիսի 19-ին. Վերցված է 2023 թ․ մայիսի 20-ին.
- ↑ «2023 20-os savaitės klausomiausi (Top 100)» (լիտվերեն). AGATA. 2023 թ․ մայիսի 19. Արխիվացված օրիգինալից 2023 թ․ մայիսի 19-ին. Վերցված է 2023 թ․ մայիսի 19-ին.
- ↑ «Veckolista Heatseeker, vecka 20». Sverigetopplistan. Արխիվացված օրիգինալից 2023 թ․ մայիսի 19-ին. Վերցված է 2023 թ․ մայիսի 19-ին.
 | Վիքիպահեստն ունի նյութեր, որոնք վերաբերում են «Պաշա Պարֆենի» հոդվածին։ |
| ||||||||||||||
