Չարմանդեր (անգլ.՝ Charmander), առաջին սերնդի կրակ տեսակի հրածին պոկեմոն, որը պոկեմոնների ազգային ցանկում (հավաքագրված է «Կանտո» պոկեդեքսում) հաշվառված է #004 կարգաթվի ներքո։ Համարվում է «Պոկեմոն» ապրանքանիշիմանգայի և անիմեի կերպար։ Չարմանդերը Սքուիրթլի և Բուլբազավրի հետ ձևավորում է պոկեմոնների այն եռյակը, որոնց նոր պոկեմարզիչները կարող են ընտրել իրենց գործունեությունը սկսելուց առաջ, ինչպես նաև «Pokémon Go» խաղի սկզբում։ Չարմանդերը հրե սալամանդր է, որի գլխավոր առանձնահատկությունը պոչի վրա առկայծող անմար կրակն է։ Ըստ անիմեի՝ պոչի կրակը Չարմանդերի կյանքի աղբյուրն է և դրա հանգելու դեպքում պոկեմոնը մահանում է։ Վայրի բնության մեջ հանդիպում է հրաբխային գոտիներում։ Չարմանդերը հայտնի է նաև որպես Էշ Կետչումի առաջին պոկեմոններից մեկը, որը հետագայում էվոլյուցիայի ենթարկվելով վերածվում է Չարմելոնի և ապա Չարիզարդի։
Ինչպես Բուլբազավրն ու Սքուիրթլը, Չարմանդերը ևս ունի զարգացման երեք աստիճան։ Վերջինս հանդիսանում է ստորին մակարդակը, որը էվոլյուցիայի արդյունքում վերածվում է Չարմելեոնի և ապա Չարիզարդի։ Չարմանդերից Չարիզարդ տիպային հատկությունները էապես չեն փոփոխվում։