Ուլգյուր

Ուլգյուր
Գյուղատեղի
	Ուլգյուր
	12-14-րդ դարերի խաչքարեր Ուլգյուր բնակատեղիում (Ռինդ)
Երկիր	Հայաստան
Երկրամաս	Վայոց ձոր
Համայնք	Վայոց Ձորի մարզ
Այլ անվանումներ	Ժամիդուզ
	Ուլգյուր (Հայաստան)
	Ուլգյուր (Հայաստան)

Ուլգյուր (Ժամիդուզ), միջնադարյան գյուղ Մեծ Հայքի Սյունիք նահանգի, Վայոց ձոր գավառում, հայտնի մանրանկարիչ Մոմիկի ծննդավայրը։

Աշխարհագրական դիրք

Վերին Ուլգյուր

Վերին Ուլգյուր բնակատեղին այժմ գտնվում Վայոց ձոր մարզի Ռինդ գյուղի հյուսիս-արևելքում^[1]։

Ներքին Ուլգյուր

Ներքին Ուլգյուրը գտնվում է Վայոց ձոր մարզի Աղավնաձոր գյուղի տարածքում՝ գյուղից 5 կմ հյուսիս^[2]։

Պահպանված հուշարձաններ

2004 թվականին կատարված պեղումների արդյունքում այստեղ հայտնաբերվել են Մոմիկի ծնողների՝ Գրիգորի և Ավթայի, եղբոր՝ Գոհարտուռի, հարսի` Խերիկի, նրանց զավակներ Խլաթի և Խազի ու այլ ազգականների տապանաքարերը^[3]։ Ուլգյուրում մինչև այժմ կանգուն են Աստվածածին եկեղեցու պատերը, որի շուրջ կա գերեզմանոց, կանգուն խաչքարեր, որոնք մահարձաններ են։ Նրանցից մեկը պատկանում է Սարգիս Երեցին։ Մոմիկի մոր և քրոջ գերեզմանները գտնվում են եկեղեցու բակում։ Գյուղատեղում կա երկու գերեզմանոց, որոնցից փոքրը պատկանում է 10-14-րդ, իսկ մեծը՝ 15-18-րդ դարերին։ Գյուղատեղի գերեզմանատանը պահպանվում է Մոմիկի որդու՝ Ասկանդրի խաչքարը։ Վերին Ուլգյուր գյուղատեղիի մյուս` Սբ Ստեփանոս եկեղեցուց, որը թվագրվում է 13-րդ դարին, պահպանվել են միայն հիմնապատերը։