Շիրա Հաաս

Վիքիպեդիայից՝ ազատ հանրագիտարանից
Շիրա Հաաս
Shira Haas 01.webp
Ծննդյան թիվ՝մայիսի 11, 1995(1995-05-11)[1] (27 տարեկան)
Ծննդավայր՝Hod HaSharon, Իսրայել[2]
Քաղաքացիություն՝Flag of Israel.svg Իսրայել
Մասնագիտություն՝դերասանուհի
Պարգևներ՝
IMDb։ID 6024635

Շիրա Հաաս (եբրայերեն՝ שירה האס‎, մայիսի 11, 1995(1995-05-11)[1], Hod HaSharon, Իսրայել[2]), Իսրայելի թատրոնի և հեռուստատեսության դերասանուհի։

Կենսագրություն[խմբագրել | խմբագրել կոդը]

Շիրա Հաասը ծնվել է 1995 թվականի մայիսի 11-ին Թել Ավիվում՝ հրեաների ընտանիքում[3]։ Նրա ծնողները երկուսն էլ սաբրիներ են, ունեն լեհական, հունգարական և չեխական ծագում։ Երկրորդ համաշխարհային պատերազմի ընթացքում Հոլոքոստից փրկված նրա պապը բանտարկվել է Օսվենցիմի համակենտրոնացման ճամբարում։

Մեկ տարեկանում Շիրան ծնողների հետ տեղափոխվել է Հոդ հա-Շարոն՝ տուն, որտեղ նա անցկացրել է իր վաղ տարիների մեծ մասը։ Երկու տարեկանում նրա մոտ երիկամի քաղցկեղ է ախտորոշվել, բայց մի շարք ծանր ընթացակարգերից հետո երկու տարի անց վերականգնվել է։

14 տարեկանում սկսել է խաղալ Կամերիի թատրոնի ներկայացումներում, ինչպիսիք են՝ «Գետտո» և «Ռիչարդ III»։

2010-2013 թվականներին սովորել է Թելմա Յելինի անվան Թատերական գեղարվեստական ուսումնարանում, այնուհետև որպես կամավոր աշխատել է Իսրայելի պաշտպանության բանակում։

Նա իր հեռուստատեսային դեբյուտը կատարել է 2013 թվականին՝ Ռուհամի Ուայսի «Շտիսել» դրամատիկական սերիալում։

2014 թվականին՝ ուսումնարանում սովորելու ժամանակ, քաստինգի գծով տնօրեն Էսթեր Կլինգը ֆեյսբուքի միջոցով կապ է հաստատել Հասի հետ։ Նա Շիրային հրավիրել է «Արքայադուստր» ֆիլմում գլխավոր դերի ունկնդրությանը։ Այս դերի շնորհիվ Շիրան արժանացել է մրցանակի Երուսաղեմի կինոփառատոնի «Լավագույն դերասանուհի» անվանակարգում և «Խաղաղություն և սեր» կինոփառատոնում, ինչպես նաև «Օֆիր» մրցանակաբաշխության լավագույն դերասանուհի անվանակարգում[4]։

2016 թվականին նա նկարահանվել է իսրայելացի երգիչ Սիվան Թալմորի «I'll be» երաժշտական տեսահոլովակում[5]։

2018 թվականին «Օֆիր» մրցանակաբաշխության ժամանակ Շիրա Հաասն առաջադրվել է «Լավագույն կանացի դեր» անվանակարգում «Կոտրված հայելիներ» (2018) և «Երկրորդ պլանի» լավագույն դերասանուհի «Ազնիվ վայրենի» ֆիլմի համար (2018)[6]։

Տարի Հայերեն անվանում Բնօրինակ անվանում Դեր
2013-2021 Շտիսել שטיסל Ռուհամի Բայս
2014 Արքայադուստր פרינסס Ադար
2014 Արևածաղիկ פרחי שמש Աղջիկ
2014 Այծեղջերու אנטילופה Անատ
2015 Հեքիաթ սիրո և խավարի մասին (ֆիլմ) A Tale of Love and Darkness Ֆանյա Կլյաուսներ
2015 Մարիո מריו Թալլի Գադոտ
2015 Ոսկերիչ הצורף Սոֆի Բեն Դեվիդ
2016 Փոխարինման սկզբունքը עקרון ההחלפה Սալամ
2016 Գտածոների բյուրո Lost & Found Ռեյչել
2017 Կենդանաբանական այգու պահակի կինը The Zookeeper's Wife Ուրսուլա
2017 Ֆոքստրոտ פוקסטרוט Ալմա Ֆելդման
2018 Մարիամ Մագդաղենացի Mary Magdalene Լեա
2018 Կադաբրա כדברא Ալեքս
2018 Հարեմ הרמון Թամար
2018 Հրաշալի երկիր ארץ נהדרת Սկաութ
2018 Ազնիվ վայրենի פרא אציל Աննա
2018 Կոտրված հայելիներ מראות שבורות Արիելա
2018 Դիրիժոր המנצח Օդի
2020 Ոչ ուղղափառ Unorthodox էսթեր Շապիրո
2020 Ասյա אסיה Վիկա
2020 Էսավ Esau Լիա

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]