Նաֆպլիոն

Վիքիպեդիայից՝ ազատ հանրագիտարանից
Քաղաք
Նաֆպլիոն
հուն.՝ Ναύπλιο
20090728 palamidi90.jpg
Կոորդինատներ: 37°34′0″ հս․ լ. 22°48′0″ ավ. ե. / 37.56667° հս․. լ. 22.80000° ավ. ե. / 37.56667; 22.80000
Երկիր Հունաստան Հունաստան
Նոմոս Արգոլիդա
Մակերես 33,6 կմ²
ԲԾՄ 0 մետր
Խոսվող լեզուներ հունարեն
Բնակչություն 33,356 մարդ (2011)
Խտություն 86 մարդ/կմ²
Ագլոմերացիա 18,910
Ժամային գոտի UTC+2, ամառը UTC+3
Հեռախոսային կոդ 27520
Փոստային ինդեքս 21100
Փոստային ինդեքսներ 211 00
Ավտոմոբիլային կոդ АР
Պաշտոնական կայք nafplio.gr
##Նաֆպլիոն (Հունաստան)
Red pog.png

Նաֆպլիոն (Նաֆպլիո, Անապլի) (հուն.՝ Ναύπλιο, Ανάπλι), քաղաք Հունաստանի Պելոպոնես թերակղզում, Արգոլիդա նոմոսի մայրաքաղաք: 1828-1833 թվականներին եղել է Հունաստանի մայրաքաղաք: Հունաստանի ամենագեղատեսիլ քաղաքներից մեկը: Բնակչությունը 2011 թվականի դրությամբ կազմում էր 33 356 մարդ: Պելոպոնես թերակղզու արևելքում գտնվող կարևորագույն ծովային նավահանգիստն է:

Աշխարհագրություն[խմբագրել | խմբագրել կոդը]

Նաֆպլիոնը գտնվում է Արգոլիկոս ծոցի ափին, Պելոպոնեսից հյուսիս-արևելք:

Պատմություն[խմբագրել | խմբագրել կոդը]

Հին հունական դիցաբանության համաձայն, քաղաքը հիմնադրել է Նաֆպլիոսը՝ Պոսեյդոնի և Ամիմոնայի որդին: Նա քաղաքն անվանել է «Նաֆպլիա» (հուն.՝ Ναυπλία) և պարսպապատել այն:

Հնագիտական պեղումները ցույց են տվել, որ քաղաքը գոյություն է ունեցել դեռևս Միկենների ժամանակաշրջանում: Ակրոնաֆպլիան Նաֆպլիոնի ակրոպոլիսն է, ստեղծվել է հին ժամանակներում, սակայն հետագա ժամանակների ընթացքում ավելացվում էին շինություններ:

1204 թվականին խաչակիրների կողմից Կոնստանդնուպոլսի գրավումից հետո Նաֆպլիոնը անցել է ֆրանսիացի ասպետներին: 1388 թվականին ֆրանսիացիները Նաֆպլիոնը վաճառել են վենետիկցիներին: Այդ տարիներին իտալացիները քաղաքն անվանում էին Napoli di Romania («Ռոմանիայի Նեապոլ», այսինքն՝ Բյուզանդիայի):

Վենետիկցիները քաղաքը հանձնել են թուրքերին 1540 թվականին, սակայն 1686 թվականին ետ են վերցրել այն[1]: 1715 թվականին քաղաքը կրկին անցել է թուրքերին:

1821 թվականին՝ Հունաստանի ազատագրական պատերազմի հենց սկզբին, քաղաքի հիմնական ամրոցը՝ Պալամիդին Ստայկոս Ստայկոպուլոսի (Σταικος Σταικοπουλος) գլխավորությամբ գրավվել է հունացի ապստամբների կողմից: Հաշվի առնելով քաղաքի ամրապնդումները, Հունաստանի կառավարությունը հաստատվել է այստեղ, և քաղաքը դարձել է ժամանակավոր մայրաքաղաք:

Հունաստանի առաջին կառավարիչ Իոանիս Կապոդիստրիան Նաֆպլիոնը դարձել է պաշտոնական մայրաքաղաք 1829 թվականին:

Նաֆպլիոնը մնում էր մայրաքաղաք նաև 1831 թվականի Կապոդիստրիայի սպանությունից հետո, մինչև 1834 թվականը, երբ Օտտոն թագավորը մայրաքաղաքը տեղափոխել է Աթենք:

Տնտեսություն[խմբագրել | խմբագրել կոդը]

Նաֆպլիոնը համարվում է ցիտրուսային մրգերի արտահանման նավահանգիստ: Զարգացած է առափնյա ձկնորսությունը:

Այնուամենայնիվ, քաղաքի տնտեսության հիմնական ճյուղն է հանդիսանում տուրիզմը:

Տեսարժան վայրեր Քաղաքը, մասնավորապես, հայտնի է Բուրտզի նավահանգստով, Պալամիդի ամրոցով, Կանաֆ աղբյուրով:

Պատկերասրահ[խմբագրել | խմբագրել կոդը]


Նաֆպլիոնի կենտրոնական հրապարակը
Նաֆպլիոնի կենտրոնական հրապարակը


Ծանոթագրություններ[խմբագրել | խմբագրել կոդը]

  1. Setton K.M. Venice, Austria, and the Turks in the Seventeenth Century. Philadelphia: American Philosophical Society, 1991. P. 297—298.

Արտաքին հղումներ[խմբագրել | խմբագրել կոդը]